دوللو اباذر
دوللو اباذر، آذربایجانین اورمیه بؤلگهسینین دول ماحالینین دول دیزهسی کندینده ۱۳-جو هـ.ق یوز ایللیگینین سون ایللرینده آنادان اوْلوبدور.[۱] سوْنرالار آذربایجان جمهورتینین بورچالی شهرینه کؤچرک اورادا یاشامینین سونونادک قالارگی اوْلوبدور. بۇ بؤیوک اوستا آذربایجان ین سنتی موسیقیسینین اوستونلریندندیر. او آشیقلیق اینجهصنعتینین ان ائتکیلندیرجی شخصیتلریندن بیری اوْلوبدور. اؤرنک اۆچون دول هیجران هاواسی اونون آذربایجان موسیقیسینه وئردیگی قالارغی پایلارداندیر.[۲]
شعرلریندن بیر اؤرنک
[دَییشدیر]دولاندیریر
ائی آغالار بیر زامانه گلیبدیر
دؤولتلی یانیندا قول دولاندیریر
کسیلیب محبت یاد اوْلوب حؤرمت
ایندی زامانهنی پول دولاندیریر
کؤچ ائلهییب بۇ دونیادان کؤچمهین
اینسانلیغین شربتینی ایچمهین
ائوده آروادینا سؤزو کئچمهین
کنددا اوْلوب ائل دولاندیریر
«ابوذر» احوالین اوْلدو پریشان
اوزونده خاللارین دوردانه نیشان
بیغیرت قوهومدان ناموسلو دوشمان
گلسه قبریم اوسته گول دولاندیریر.[۳]