آزال (آذربایجان هاوا یوللاری)

ویکی‌پدیا، آچیق بیلیک‌لیک‌دن
آزالین ایرباس A۳۴۰ اوچاغی نیویورک جان اف کندی هاوا آلانیندا

"آذربایجان هاوا یوللاری"، قیساجا (آزالآذربایجان جومهوریتی نین ان بؤیوک هاوایولو شیرکتی، و آذربایجان جومهوریتی نین میللی هاوا داشیجی سی دیر. آزالین باش دولاندیران یئری باکی شهرینده، اولوسلار آراسی استانداردلارا و اولوسلار آراسی مولکی هاوایولچولوق (ایکائو) CAT۳ F۴ کاتئقوریلارینا اویغون، حیدر علیئو اولوسلارآراسی هاوا آلانیندا یئرلشیر.

آزال ۲۵ هاواگمی سیندن عیبارت اولان اورتا یاشی ۷ ایل اولان ان یئنی اوچاق پارکینا صاحیبدیر. آزال ۱۹۹۲جی ایلدن، اولوسلار آراسی هاوا داشیجیلیق دَرنَگی (IATA) نین اویه سی دیر.

آذربایجان هاوایولچولوق تاریخی[دَییشدیر]

۱۹۱۰جو ایل ۲۰ اوکتوبر تاریخینده باکی شهری اوزریندن بیرینجی اوچاق اوچموشدور. آذربایجانین هاوایولچولوق ایله بیرینجی تانیشلیغیندان سونرا هاوا نقلیاتی نین یئنی نؤوعونون بؤلگه ده رسمی استاتوس آلماسی اوچون ۱۳ ایل ایسته نیلیردی. ۱۹۲۳جو ایلده زاکاویا زاقافقازیا مولکی هاوا یولچولوق سهاملی توپلومو یارادیلمیشدیر. اونون قوروجولاری موغان ملیوراسیا و تیکینتی قوروملاری، خزر دنیز گمیچیلیگی و آزنفت اولموشدور. "زاکاویا"نین اوچاقلاریندان گؤیدن گؤرونتو چکیلیشلری نین آپاریلماسیندا، تعجیلی یوکلرین چاتدیریلملسیندا و پوست داشیماسیندا ایشه آپاریلماسیندا نظرده توتولوردو.

آزالین اوچاقلاری[دَییشدیر]

  • ایرباس A۳۱۹-۱۰۰
  • ایرباس A۳۲۰-۲۱۴
  • ایرباس A۳۴۰-۵۴۲
  • بویینگ ۷۵۷-۲۰۰
  • بویینگ ۷۶۷-۳۰۰ER
  • بویینگ ۷۸۷-۸
  • ایمبرایر ۱۷۰-۱۰۰LR
  • ایمبرایر ۱۹۰-۱۰۰

آزال اوچوش یئرلری[دَییشدیر]

آزال اوچاقلاری نین مقصد اؤلکه لری

آزال هاوایولو شیرکتی نین، اوچوش یوللاری ۱۵ اؤلکه ده ۲۸ بؤلگه دن عبارتدیر. ۲۰۱۴جو ایلده آذربایجان هاوا یوللاری ۱.۸ میلیوندان چوخ یولچو (مسافر) داشیمیشدیر.

اؤلکه شهر هاوا آلانی
تورکیه آنکارا اَسَن بوغا اولوسلارآراسی هاوا آلانی
قازاخستان آکتائو آکتائو هاوا آلانی
تورکیه آنتالیا آنتالیا هاوا آلانی
ایسپانیا بارسلونا بارسلونا ال پرات هاوا آلانی
چین پکن پکن باشکندی اولوسلارآراسی هاوا آلانی
تورکیه بودروم میلاس بودروم هاوا آلانی
دوبئی بیرلشمیش عرب امیرلیکلر آل مکتوم اولوسلارآراسی هاوا آلانی
دوبئی بیرلشمیش عرب امیرلیکلر دوبئی اولوسلارآراسی هاوا آلانی
آلمان فرانکفورت فرانکفورت هاوا آلانی
آذربایجان جومهوریتی گنجه گنجه اولوسلارآراسی هاوا آلانی
تورکیه ایستانبول آتاتورک اولوسلارآراسی هاوا آلانی
تورکیه ایستانبول صابیحا گؤکچن اولوسلارآراسی هاوا آلانی
چئک کارلووی واری کارلووی واری هاوا آلانی
روسیه (تاتاریستان) قازان قازان اولوسلارآراسی هاوا آلانی
اوکراین کییئو بوریسپیل اولوسلارآراسی هاوا آلانی
انگلیس لندن هیترو اولوسلارآراسی هاوا آلانی
ایتالیا میلان مالپنسا هاوا آلانی
روسیه مینرالنی وودی مینرالنی وودی هاوا آلانی
روسیه موسکو مودودئوو هاوا آلانی
بلاروس مینسک مینسک اولوسلارآراسی هاوا آلانی
روسیه موسکو وونوکئوو اولوسلارآراسی هاوا آلانی
آذربایجان جومهوریتی ناخجیوان ناخجیوان هاوا آلانی
آمریکا بیرلشمیش اوستانلری نیویورک جان اف کندی اولوسلارآراسی هاوا آلانی
فرانسه پاریس شارل دوقول هاوا آلانی
چئک پراگ واسلاو هاول هاوا آلانی
لاتویا ریقا ریقا اولوسلارآراسی هاوا آلانی
روسیه سن پترزبورگ پولکوو هاوا آلانی
گورجوستان تیفلیس تیفلیس هاوا آلانی
ایسراییل تئل آویو بئن قوریون هاوا آلانی
ایران تهران ایمام خومئینی اولوسلارآراسی هاوا آلانی
اوتریش ویئن ویئن اولوسلارآراسی هاوا آلانی
روسیه یکاترینبورگ کولتسووو هاوا آلانی
آذربایجان جومهوریتی باکی حئیدر علییئف اولوسلارآراسی هاوا آلانی

باش وئرن قضالار[دَییشدیر]

  • ۵ دسامبر ۱۹۹۵. آزالا مخصوص ناخچیوان-باکی آغی ایله یول دوشموش توپئلوف ۱۳۴ اوچاغی قالخدیقدان بیر نئچه دقیقه سونرا سول موتورو ایشدن دوشوب، بورت موهندسی ایسه سهون ساغ موتورو سؤندوروب. پیلوت (اوچاق سورَن، خلبان) اوچاغی شوملانمیش ساحه یه ائندیرمگه قرار وئریب. یوکسک گرگینلیکلی الکتریک دکل تئللرینه توخونان اوچاق آلیشیب، ۸۲ نفردن ۵۲ سی جانلارینی الدن وئریب.
  • ۱۵ مئی ۱۹۹۷. آزالین یاک ۴۰ اوچاغیندا گنجه یاخینلیغیندا اؤیرنجی جاوان پیلوتلار ۴جو دایره نی قورتاراندا ، اوچاق بؤیوک بوجاق آلتیندا شیغاراق یئره چیرپیلیب  و ۶ نفرین هامیسی جانلارینی الدن وئریب. سونرادان آراشدیرما زامانی اوچاغین اوکسیژن بالونوندا گولـلَه ایزی گؤرونوب. معلوم اولوب کی، کیمسه آلچاقدان اوچان اوچاغا آتش آچیب. همن گون هاواآلانی یاخینلیغیندا، آذربایجان اوردوسو تعلیم ده ایمیش.
  • ۲۳ دسامبر ۲۰۰۵. باکی دان آکتائو شهرینه اوچان آنتونوو An-۱۴۰ اوچاغی تکنیک سورونونا گؤره باکی نین ۳۰ کیلومتر قوزئیینده خزر دنیزینه دوشوب ۱۸ یولچو و ۵ اوچوش کادری جانلارین الدن وئریرلر.
  • ۱۲ آوقوست ۲۰۱۰. ایستانبول آتاتورک هاوا آلانیندا آزالین A۳۱۹ اوچاغی ائنمه زامانی، اوچوش-ائنمک باندیندان قیراغا چیخیب. اوچاق یئره اوتوراندان سونرا بانددان قیراق تورپاق بؤلومه گیریب. سونوجدان اوچاغین بورنو ساغ طرفدن قیریلیب. یولچولارا بیر شئی اولماییب ساغلام قالیبلار. 

قایناقلار[دَییشدیر]

  • آذربایجان تورکجه‌سی لاتین صفحه سی
  • انگلیسجه ویکی پدیا صفحه سی