پان فارسیسم — پان‌فارسیسم (اینگیلیسجه:Pan-Iranism ) (توركجه:pan farsizm) بیر نوْع شوونیستی و نیژادی دۆشونجه و حرکتدیر. بو دۆشونجه اساسیندا ایرانی تکجه فارسلارین یۇردو ساییلیر و ایراندا یاشایان اوْ بیری میللتلری فارس ائتمه‌یه چالیشماق توْصیه اوْلونور. بۇ باخیشین تملی، فارس نیژادینین اۆستونلویو اساسیندا قۇرولوبدور.پان فارسیسمین شوْونیستی دۆشونجه‌سی ایراندا پهلویلرین ایش اۆستونه گلمه‌سینده بؤیوک روْلو اوْلوب و بۇ دؤرده اؤزون گۆجلندیریبدیر. پهلوی دوْرانین تحصیلی کیتابلاریندا و چوْخلو آیری یازیلاردا، بۇ دوْرانین ضیالیلاری عربلره، تورکلره، کوردلره، بلوچلارا و اوْ بیری میللتلره و اوْنلارین دیللرینه، محو ائتمک مقصدی ایله حمله ائدیردیلر. فارس دیلیندن باشقا دیللری و اوْنلاری دانیشانلاری آرادان آپارماغا چالیشیردیلار و یئر آدلارین دَییشمه‌یه بؤیوک ماراق گؤستریردیلر.پان فارسیسم، کسروی دئمیشکن، بیر بایراق، بیر دین، بیر دیل، بیر دوولت و بیر کولتوره موعتقیددیر. بو باخیشا اساسن ایراندا دیل و کولتور آیریلیق‌لاری "میللی وحدت"ه بویوک ضربه‌ساییلیر و گرک فارسیزاسیون طریقی‌له آرادان گوتوروله. بو دوشونجه‌ده تورک، کورد، بلوچ، عرب و... ایراندا یاشایان میللت‌لرین کولتورو گرک دفن اولانا و یئرینه فارس دیلی و کولتورو قویولا. بو باخیشین اساسیندا قئیری فارسلار ایراندا "قوناق" و "موستاجیر" ساییرلار و فارسلار ائو صاحیبی بیلینیرلر، بو "ایسم" اساسیندا تورک‌لرین اؤز آنا دیللرینه سئوگیسی، فارس دیلینه و میللی وحدته توخونماق ساییلیر.(قالانین اوْخو...)
۲۰۰۸ — آذربایجان خانیم‌لاری‌نین ۳-جو کونگره‌سی کئچیریلمیش‌دیر.
۱۸۱۵ — اوتریش، روسیه و پروس، پاریس‌ده «موقدس ایتیفاق» یارادیرلار.
۱۸۸۷ — توماس ادیسون ایلک فونوقرافی ایختیراع ائدیر.
۱۹۳۲ — تورکیه‌ده تورک دیل کونگره‌سی توپلانمیش، ایلک دفعه "دیل بایرامی" قئید ائدیلمیش‌دیر.
۱۹۴۷ — اینگیلیس‌ده فیلیسطین‌لی‌لرله یهودی‌لرین اؤز گله‌جک‌لری ایله باغلی اؤزلری‌نین قرار وئرمه‌لی اولدوق‌لاری بیان ائدیلمیش، فیلیسطینین بوشالدیلماسی قرارا آلینمیش‌دیر.
ویکی‌پدیا (اینگیلیسجه: Wikipedia) اینترنتده آزاد شیکلده یاییلان بیر بیلیکلیک یا دائرة‌المعاریف دیر. بۇ بیلیکلیک دۆنیانین بیر چوْخ دیللرینده ویکی تکنولوژیسی‌نین تطبیقی ایله کؤنوللو ایشلدنلر طرفیندن یارادیلیر و یاراندیغی دؤوردن، یعنی ۲۰۰۱-جی ایلین اوّللریندن بۇ یانا ویکی‌پدیاداکی ایشلدن و مقاله سایی دۇرمادان آرتیر و هر گئچن گۆن داها چوخ آدلیملیق قازانیر.
بیلیکلیگین آدی اینگیلیس دیلینده تکنیکی بیر ایصطیلاح اوْلان "wiki" (سایتین فعالیتی‌نین اساسینی تشکیل ائدن تکنوْلوژی؛ بۇ کلمه هاوایی دیلینده "تئز" دئمکدیر) و "encyclopedia" (بیلیکلیک) سؤزلرینین ترکیبیندن یارانیب.
