اؤزبک مطبخی
اؤزبک مطبخی – شرق اؤلکه‌لری‌نین مطبخی آراسیندا اؤز رنگارنگ‌لیگی ایله سئچیلیر. بعضی پیشیرمه دستورلاری چوخ‌عصرلیک تاریخه مالیکدیر، اونلارین حاضیرلانماسی ایسه دؤوروموزه قدر گلیب چاتمیش مراسیملرله موشاییعت اولونور. اؤلکه‌نین قوزئیینده پلوو، قیزاردیلمیش ات و خمیر معمولات‌لارینا اوستونلوک وئریرلرسه، گونئیده دویو و تره‌وزدن موختلیف چئشیدده اولان یئمک‌لر حاضیرلاییرلار. چؤرک اؤزبک‌لر اوچون موقدّس ساییلیر. اونلار کؤکه‌نی تندیرده بیشیریرلر. کؤکه‌لرین ایسه "آبی-نان" " پتیر " ، " شیرما " ، " لاچیره " ، " چئوات " ، " قاتلاما " کیمی نؤولری وار. حتّی، بؤیوک عالیم ابن سینا بیر چوخ خسته‌لیک‌لری موعالیجه ائتمکده اؤزبک چؤرگینی یئمگی ده مصلحت گؤروردو. پلوو اؤزبکیستانین ان لذیذ یئمگی‌دیر. اونو کیشی‌لر حاضیرلاییر. اؤزبک مطبخینده شوربالار دا اؤزونه‌مخصوص یئر توتور. بوندان علاوه ، اؤزبکستان اؤز مئیوه‌لری، یئمیشی و قارپیزی ایله تانینیر. ایچکی‌لره گلینجه، اونلار چایا چوخ اؤنم وئریر و اونو عادتاً تمیز حالدا ایچمگی خوشلاییرلار. لاکین صحرا بؤلگه‌لرینده چایا سود ده قاتیلیر. چایدان باشقا آیران، کومپوت و شربت ده اؤزبک‌لرین سئویملی ایچکی‌لری سیراسیندادیر.