ویکی‌پدیا:بلوکلاما: نوسخه‌لر آراسینداکی فرق
| خط ۳۴: | خط ۳۴: | ||
ایستیفاده‌چی اؤز حرکتلری ایله دیگر ویکیپئدیا ایستیفاده‌چی‌سینه و یا ایستیفاده‌چیلر قروپونا، اونلارا دولت، حوقوق، محکمه اورقان‌لاری و یا فیزیکی شخصلر طرفیندن سیاسی، دینی و یا دیگر تعقیبلره معروض قویماقلا زیان وئرمیش‌دیرسه، او زامان همین ایستیفاده‌چی خبردارلیق ائدیلمه‌دن، مودت‌سیز اولا‌راق ویکیپئدیادا بلوکلانیر. |
ایستیفاده‌چی اؤز حرکتلری ایله دیگر ویکیپئدیا ایستیفاده‌چی‌سینه و یا ایستیفاده‌چیلر قروپونا، اونلارا دولت، حوقوق، محکمه اورقان‌لاری و یا فیزیکی شخصلر طرفیندن سیاسی، دینی و یا دیگر تعقیبلره معروض قویماقلا زیان وئرمیش‌دیرسه، او زامان همین ایستیفاده‌چی خبردارلیق ائدیلمه‌دن، مودت‌سیز اولا‌راق ویکیپئدیادا بلوکلانیر. |
||
== |
== ویکیپئدیادا ساختاکارلیق == |
||
ویکیپئدیادا ساختاکارلیق قبول اولونمور و ساختاکارلیق ائتمیش ایستیفاده‌چی، ساختاکارلیغی ثوبوت اولونارسا تئز بیر زاماندا بلوکلانیر. ویکیپئدیادا ساختاکارلیق دئدیکده آشاغیداکی فعالیتلر نظرده توتولور: |
|||
*موزاکیره‌لر زامانی باشقا‌لاری‌نین یازی‌لاری‌نین سیلینمه‌سی، |
*موزاکیره‌لر زامانی باشقا‌لاری‌نین یازی‌لاری‌نین سیلینمه‌سی، دَییشدیریلمه‌سی؛ |
||
* |
*ایستیفاده‌چی‌نین اؤزونون - آرتیق شرح وئریلمیش یازی‌لاری‌نین معنا‌لاری‌نین دَییشدیریلمه‌سی و گیزلدیلمه‌سی، موختلیف متنلری کئچمیش موزاکیره‌لره داخیل ائتمکله یانلیش فیکیر یارادیلماسی؛ |
||
*مقاله‌ده |
*مقاله‌ده دَییشدیرمه زامانی بیلهرکدن اعتبارلی قایناقلارین دَییشدیریلمه‌سی؛ |
||
*مقاله‌ده |
*مقاله‌ده دَییشدیرمه زامانی بیلهرکدن ساختا قایناقلارین (ایستیفاده‌چی‌نین ایدیعا ائتدیگی فیکیرلرین اصلینده اولمادیغی منبعلر) یازیلماسی؛ |
||
* |
*سسوئرمه زامانی باشقاسی‌نین عوضینه سسوئرمه. |
||
== مؤلف حقوق‌لاری‌نین پوزولماسی و پلاگیات == |
== مؤلف حقوق‌لاری‌نین پوزولماسی و پلاگیات == |
||
۱۸ ژانویه ۲۰۱۳، ساعت ۱۶:۵۲ نوسخه‌سی
بلوکلاما قایدا‌لاری — بوتون ویکیپئدیا ایستیفادچی‌لری‌نین بیلمه‌لی اولدوق‌لاری اساس قایدا‌لاردان‌دیر.
بلوکلاما — ایدارچی‌لر و بوروکرات‌لار طرفیندن هر هانسیسا بیر ویکیپئدیا مقاله‌سی‌نین رئداکته‌سینه و یا ایستیفادچی‌نین فعالیتینه قویولان قاداغا‌دیر.
ایستیفاده‌چی‌نین بلوکلانماسی
ایستیفاده‌چی‌نین بلوکلانماسی دئدیکده ایستیفاده‌چی‌نین قئیدیات یازی‌سی‌نین، آی.پی عونوانی‌نین و یا آی.پی عونوان‌لار دیاپازونونون تئکنیکی بلوکلانماسی نظرده توتولور. آی.پی عونوان‌لار دیاپازونونون تئکنیکی بلوکلانماسی دیگر ایستیفادچی‌لرین ده ایشینه مانع اولارسا، او زامان بلوکلانما لغو ائدیلیر، لاکین رئداکته قاداغاسی قووه‌ده قالیر.
ایستیفاده‌چی‌نی بلوکلایان ایداره‌چی‌نین مقصدی ایلک نؤوبه‌ده واندالیزمین و ویکیپئدیایا وورولا‌جاق هر-هانسی زیانین قارشی‌سینی آلماق‌دیر. نظره آلماق لازیم‌دیر کی، بلوکلانما قیصاص یوخ، خبردارلیق و قورویوجو واسیطه‌دیر. ایستیفاده‌چی‌نین بلوکلانماسی ویکیپئدیانین و ویکیپئدیا جمعیتی‌نین نورمال فعالیت گؤسترمه‌سینه قارشی یؤنلمیش حرکتین قارشی‌سینی آلماق‌دیر. بلوکلانما مدتی موختلیف اولا بیلر: 15 دقیقه، 1 ساعت، 6 ساعت، 12 ساعت، 24 ساعت و یا بیر نئچه آی. بعضا ویکی‌پئدیانی قوروماق اوچون ایستیفاده‌چی‌نی مودت‌سیز بلوکلاماق لازیم گلیر.
ایسته‌نیلن ایستیفاده‌چی دیگر ایستیفاده‌چی‌نین داورانیشیندا ویکیپئدیا قایدا‌لارینا ضید حال‌لار گؤردوکده، بو باره‌ده ایدارچی‌لری خبردار ائتمه‌لی‌دیر. بونون اوچون او، کند میدانی و یا ایداره‌چی‌لره موراجیعت صحیفه‌لرینده ایداره‌چی‌لره موراجیعت ائده بیلر. حاقیندا شیکایت اولونموش ایستیفادچی‌نین بلوکلانماسی حاقیندا قراری ایداره‌چی‌لر وئریرلر.
بعضا ایستیفاده‌چی‌نین بلوکلانماسی مساله‌سی ایداره‌چی‌لر آراسیندا موباحیثه‌یه سبب اولور. بونو نظره آلا‌راق قئیدیات‌دان کئچمیش و ویکیپئدیادا معین امه‌گی اولان ایستیفاده‌چی‌نین مودت‌سیز بلوکلانماسی، موطلق خبردارلیق‌دان و موزاکیره‌لردن سونرا اولما‌لی‌دیر. ایستیفاده‌چی‌نین بلوکلانماسی موختلیف سبب‌لردن اولا بیلر. سبب‌لر بلوکلانما سبب‌لری بؤلمه‌سینده گؤستریلمیش‌دیر.
بلوکلانما سبب‌لری
- ایستیفاده‌چی ایستیفاده ائتدیگی بوتون قئیدیات آدلارینی ایستیفاده‌چی صحیفه‌سینده گؤسترمه‌لی‌دیر. ایستیفادچی‌نین ایستیفاده ائتدیگی بیر نئچه گیزلی قئیدیات یازی‌سی‌نین (کوکلا‌لارین) اولدوغو آشکارلانارسا؛
- ایستیفاده‌چی سس‌وئرمه‌ده بیر-نئچه قئیدیات آدین‌دان سس وئررسه:
- ایستیفاده‌چی ویکیپئدیادا اساساً واندالیزمله مشغول اولارسا (مقاله‌ده بوتون متنین سیلینمه‌سی، مقاله‌ده منبع ایله اساسلانمیش متنین سیلینمه‌سی، اعتبارلی قایناغین و ایستینادلارین سیلینمه‌سی)؛
- ایستیفاده‌چی دیگر ایستیفاده‌چی‌لره قارشی کوبود داورانیب اونلاری تحقیر و تهدید ائدرسه؛
- ایستیفاده‌چی دیگر ایستیفاده‌چی‌نی محکمه و یا دیگر فیزیکی شخص ایله هده‌له‌ییرسه؛
- ایستیفاده‌چی دیگر ایستیفاده‌چی حاقیندا شخصی معلومات‌لاری، اونون راضی‌لیغی اولما‌دان ویکیپئدیادا یایارسا (بو قایدا تفتیشچی‌لره عایید دئییل و اونلار ایستدیک‌لری ایستیفاده‌چی حاقیندا موعیَن معلومات‌لاری، تفتیشچی حوقوق‌لارینا اویغون اولا‌راق ویکیپئدیادا آچیقلایا بیلرلر)؛
- ایستیفاده‌چی ساختاکارلیقلا مشغول اولا‌راق، ویکی‌پئدیادانین نورمال ایشینی پوزارسا.
بلوکلاما مودتی ایدارچی طرفیندن سربست اولا‌راق تعیین ائدیلیر.
ویکیپئدیادا تعقیب
ایستیفاده‌چی اؤز حرکتلری ایله دیگر ویکیپئدیا ایستیفاده‌چی‌سینه و یا ایستیفاده‌چیلر قروپونا، اونلارا دولت، حوقوق، محکمه اورقان‌لاری و یا فیزیکی شخصلر طرفیندن سیاسی، دینی و یا دیگر تعقیبلره معروض قویماقلا زیان وئرمیش‌دیرسه، او زامان همین ایستیفاده‌چی خبردارلیق ائدیلمه‌دن، مودت‌سیز اولا‌راق ویکیپئدیادا بلوکلانیر.
ویکیپئدیادا ساختاکارلیق
ویکیپئدیادا ساختاکارلیق قبول اولونمور و ساختاکارلیق ائتمیش ایستیفاده‌چی، ساختاکارلیغی ثوبوت اولونارسا تئز بیر زاماندا بلوکلانیر. ویکیپئدیادا ساختاکارلیق دئدیکده آشاغیداکی فعالیتلر نظرده توتولور:
- موزاکیره‌لر زامانی باشقا‌لاری‌نین یازی‌لاری‌نین سیلینمه‌سی، دَییشدیریلمه‌سی؛
- ایستیفاده‌چی‌نین اؤزونون - آرتیق شرح وئریلمیش یازی‌لاری‌نین معنا‌لاری‌نین دَییشدیریلمه‌سی و گیزلدیلمه‌سی، موختلیف متنلری کئچمیش موزاکیره‌لره داخیل ائتمکله یانلیش فیکیر یارادیلماسی؛
- مقاله‌ده دَییشدیرمه زامانی بیلهرکدن اعتبارلی قایناقلارین دَییشدیریلمه‌سی؛
- مقاله‌ده دَییشدیرمه زامانی بیلهرکدن ساختا قایناقلارین (ایستیفاده‌چی‌نین ایدیعا ائتدیگی فیکیرلرین اصلینده اولمادیغی منبعلر) یازیلماسی؛
- سسوئرمه زامانی باشقاسی‌نین عوضینه سسوئرمه.
مؤلف حقوق‌لاری‌نین پوزولماسی و پلاگیات
ویکیپئدیایا مؤلف حقوق‌لاری ایله قورونان اینفورماسیانین، فایل‌لارین مؤلفین ایجازه‌سی اولما‌دان و یا منبع گؤستریلمه‌دن داخیل ائدیلمه‌سی قاداغان‌دیر. بئله کی، مؤلف حقوق‌لاری‌نین پوزولماسی و پلاگیات گله‌جکده ویکیپئدیایا قارشی موختلیف حقوقی پروسئ‌دورلارین باشلانماسینا سبب اولا بیلر کی، بو دا ویکیپئدیانین آدینا خلل گتیره بیلر.
اگر هر-هانسی متنده مؤلف حقوق‌لاری باخیمین‌دان موباهیسه یارانمیش‌دیرسا، ایلک آددیم همین متنین مقاله‌دن چیخاریلماسی اولما‌لی‌دیر.
مؤلف حقوق‌لاری‌نین پوزولماسینی آشکار ائتمیش ایستنیلن ایستیفادچی، همین متنی سیلمک ایختیارینا مالیک‌دیر. خبردارلیق‌لارا باخمایا‌راق، مؤلف حقوق‌لارینی پوزا‌راق متن‌لرین ویکیپئدیادا یئرلشدیریلمه‌سی ایله مشغول اولان ایستیفادچی‌لر، لاییحه‌نین محافظه ائدیلمه‌سی مقصدی ایله بلوک‌لانا بیلرلر.
عدالت‌لی ایستیفاده (“فایر-اوسئ”) لیسئنزیاسی ایله شکیل‌لرین شخصی صحیفه‌لره قویولماسی قاداغان‌دیر. بونو آشکار ائتمیش ایدارچی، شک‌لی اؤزو سیلمک و یا بو باره‌ده ایستیفادچییه اونون موذاکیره صحیفه‌سینده خبردارلیق ائتمک حقوقونا مالیک‌دیر. اگر خبردارلیق‌لاردان سونرا دا ایستیفادچی “فایر-اوسئ” لیسئنزیاسی ایله شکیل‌لردن ایستیفاده‌یه داوام ائدرسه، بو زامان او بلوک‌لانا بیلر. دیگر طرف‌دن، ایدارچی شک‌لی ایستیفادچی صحیفه‌سین‌دن سیله‌رک، صحیفنی معین مدته رئداکته‌لردن محافظه ائده بیلر.
ایستیفادچی‌لرین آدلاری
ویکیپئدیادا قئیدیات‌دان کئچرکن ایستیفادچی اؤزونه پروووکاسیا مقصدیله، تهقیرئدیجی و یا ادب‌سیز آد سئچمیش‌دیرسه، او زامان او، ایدارچی طرفیندن بلوک‌لانا بیلر. همین ایستیفادچی‌لرین شخصی و موذاکیره صحیفه‌لرینه خبردارلیق شابلونو قویولور.
یئنی ایستیفادچی‌لرین آدلاری، آرتیق ویکیپئدیادا فعالیت گؤسترن ایستیفادچی‌لرین آدلارینا چوخ بنزدیکده ده قئیدیات یازی‌لاری ایدارچی‌لر طرفیندن بلوکلانمایا معروض قالیرلار.
اورتاق ایستیفادچی آدلاری
اورتاق ایستیفادچی آدلارینا ویکیپئدیادا ایجازه وئریلمیر. اونلار آشکارا چیخاریلان کیمی، درهال و مدت‌سیز بلوک‌لانیرلار. اورتاق ایستیفادچی آدی دئدیکده، عینی آدین بیر نئچه نفر طرفیندن ایستیفاده‌سی نظرده توتولور. اورتاق ایستیفادچی آدلارینا ویکیپئدیادا احتیاج یوخ‌دور. بئله کی، قئیدیات‌دان کئچمه‌ین آنونیم ایستیفادچی‌لر ده مقاله‌لرین رئداکته‌سینده ایشتیراک ائده بیلرلر. دیگر طرف‌دن ویکیپئدیادا قئیدیات‌دان کئچمک چوخ آسان‌دیر و ایستیفدچی قئیدیات زامانی گؤستردیگی ائلئکترون اونوانینی گیزله‌ده بیلر.
آدی و پارولو اینتئرنئتده یئرلشدیریلمیش هر هانسی ایستیفادچی آدی دا "اورتاق ایستیفادچی آدی" حساب اولونور و بئله حال آشکار اولونموش‌دورسا، ایدارچی‌نین همین ایستیفادچی آدینی بلوکلاماق ایختیاری واردیر.