قارای تورکجه‌سی

تورک دیل‌لرده رسمی دۇرومو گؤی بوْیالی اؤلکه‌لرده و مختارلیق‌لاردا وار

تورک دیل‌لری دانیشان‌لارین سایینا گؤره

کاراییم تورکجه‌سی، کارای تورکجه‌سی و یا کارایجا تورک دیللرینین قیپچاق قولونا باغلی دیلدیر. قیریم تاتار تورکجه‌سینه یاخیندیر. موسوی اینانجینا منسوب بیر تورک قروپو طرفیندن دانیشیلماسی سببی ایله ده باشقا بیر اهمیته مالیکدیر. دانیشانلارینین ساییسی آز اولان کاراییم تورکجه‌سی، یوخ اولما تهلوکه‌سی آلتیندا اولان تورک یازی دیللریندن بیریدیر.

یاییلما ساحه‌سی

20 -نجی عصرده هله ده لیتوانیده تراکائی و پانئوئژیس(Panevėžys) بؤلگه‌لرینده، اوکراینین لوک(Luck) و هالیکس(Halicz) بؤلگه‌لرینده و کیریم‌دا بو دیلی دانیشانلار واردیر. تورکیه و صهیونیست ایشغالچی ایسرائیلده هله ده بو دیلی دانیشانلارا راست گلمک اولار.

دانیشانلارین ساییلاری و دیالئکتلری

سون سووئتلر بیرلیگی دؤنمینده تشکیل اولونان نوفوس ساییمیندا تکجه 2٬602 نفر قالدیغی آنلاشیلان کارای خالقیندان: یالنیز 503 نفر کارای تورکجه‌سینی آنا دیلی اولاراق ایشلتدیگینی، 502 نفر ایکینجی دیل اولاراق دانیشدیغینی بیلدیرمیشدیر.
بوگون بو دیلین یالنیز ایکی دیالئکتی قالمیشدیر: تراکای و گالیت

الیفبا

اورتا عصرلردن بری اؤنملی بیر ادبیات دیلی اولان کاراییم تورکجه‌سی، عبری الیفباسی ایله یازیلمیش بیرچوخ مکتوبدا راستلانماقدادیر. اؤرنک اولاراق 10 -نجو عصرده اسپانیادا بیر خاخاملیق مدرسه‌سی طلبه‌سینین آنایوردو ‌ورشویا یازدیغی مکتوبلار صاف کاراییم تورکجه‌سینین ان گؤزل اؤرنکلریندن دیر. بو دیلین دانیشانلاری، 8 -نجی عصرده یهودی‌لیک‌دن گلیشمیش اولان کارایلار جماعتینه باغلیدیرلار. بوگون بالتیک دنیزینین جنوب شرقیینده، شرقی اوروپادا، ‌تورکیه و صهیونیست ایشغالچی ایسرائیلده هله ده بو اینانجا صاحیب اولانلارا راستلانماق اولار.
20- نجی عصرین ایلک یاریسیندا دینی مؤحتواسی اولمایان یازیلار کاراییم تورکجه‌سینده یازیلمیشدیر: مثلا ورشودا یایینلانان کاراییم آوازی آدلی درگی. آنجاق بوگون بو دیل آرتیق یوخ اولماق عرفه‌سینده‌دیر. لیتوانینین باشکندی ویلینیوس شهری، دیگر شهرلری تراکائی و پانئوئژیس‌ده هله ده کاراییم تورکجه‌سی دانیشابیلن اینسانلار واردیر. لیتوانی‌ده بوگون توپلام 267 نفر کاراییم واردیر. آنجاق آرتیق تاپیلابیلن یازیلی منبعلر دینی مؤحتوالی‌دیر.
"کارایجا دانیشماق" آدلی کشتائو (Éva Á. Csató) و داوید ناتان (David Nathan) طرفیندن یایینلانان سون مالتی مدیا سی دی، کارای توپلومونا ایلگیسی اولان تورک دیلچیلر و باشقا دیلچیلره پولسوز پایلانیر.

اینکوباتورداکی تورک دیللری

• کاراییم تورکجه‌سی ویکی پدیا
• قاقاووز تورکجه‌سی ویکی پدیا
• کریمچاک تورکجه‌سی ویکی پدیا
• کوموک تورکجه‌سی ویکی پدیا
• گونئی آلتای تورکجه‌سی ویکی پدیا
• عثمانلی تورکجه‌سی ویکی پدیا
• کاراچای تورکجه‌سی ویکی پدیا
• سالار تورکجه‌سی ویکی پدیا
• خاکاس تورکجه‌سی ویکی پدیا
• نوقای تورکجه‌سی ویکی پدیا
• قاشقای تورکجه‌سی ویکی پدیا
• چولیم تورکجه‌سی ویکی پدیا
• تووا تورکجه‌سی ویکی پدیا
• اسکی تورکجه‌ ویکی پدیا

باغلانتیلار

• ائتنولوگدا کاراییم تورکجه‌سی

قایناق

• آنادولو تورکجه‌سی ویکی‌پدیا