ویکی‌پدیا:یئنی ایشلدنلری اینجیتمه‌یین

ویکی‌پدیانین قاباقلاماسی ساده‌جه تجرۆبه‌لی ایشلدنلرین چوْخ آغیر چابالارییلا اوْلماز٬ ماراقلی یئنی ایشلدنلرین قاتیلیب چالیشمالارییلا دا اوْلار. هامیمیز بیر زامانلار یئنی قاتیلمیش ایدیق٬ حتّی بیر چوْخوموز چوْخو یئنی ایشلدنلرین ائتدیگی ان گئنل ائدیلن خطالاری ائدیردیک٬ یئنی قاتیلانلارین آیلار سوْنرا بئله بۇ تیپ خطالاری اوْلدوغونو یاددا ساخلامالی‌ییق.

یئنی ایشلدنلرین اوْلاسی «عۆضولریمیزین» و بو سببله بیزیم ان دَیرلی قایناغیمیزدیر. یئنی ایشلدنلرله نزاکتلی و دؤزوملو داورانمالی‌ییق٬ مؤحتمل چیخارلی اوْلا بیله‌جک ایشلدنلری سۆرعتله بۇرادان قاچیراجاق دۆشمنجه و کیچیلدیجی داورانیشلاردان اۇزاق دۇرمالی‌ییق. یئنی گلنلر بعضی بیلگی‌لردن یوْخسول حالدا ویکی‌پدیایا اؤیرنمه‌یه چالیشارکن٬ اوْنلارا یوْل گؤسترمه‌لی‌ییک.

یئنی گلنلرین قاباغینا چوماقلا چیخمایین!

• یئنی گلنلرین توْپلولوق اۆچون احتیاج و دَیَر اوْلدوغونو آنلایین. یئنی گلنلرین چالیشمالارییلا٬ ویکی‌پدیایا فرقلی دۆشونجه‌لر و بیلگی‌لر علاوه اوْلاراق٬ ویکی‌پدیانین گۆوَنیلیر و طرفسیز بیر قایناق حالینا گلمه ایمکانی آرتیر.
• یئنی گلنلر اۆچون ائتدیگیمیز دعوتی و شۆعاریمیزی خاطیرلایین: جسور اوْل! سۆنّت٬ ایستاندارد و قانونلاریمیز وار٬ آنجاق بۇنلار بیزدن دعوت آلمیش اوْلان٬ یئنی گلنلری انگل‌له‌مک اۆچون بیر یوْل اوْلاراق ایشلنه بیلمز. یئنی گلنلرین٬ فیکیرلری و یارادیجی انرژیلری ایله فرقلی ساحه‌لرده‌کی یئنی و زنگین تجرۆبه‌لرینی٬ مؤوجود قانون و ایستانداردلارا رغماً بۇرا کؤچورمه‌لری مۆمکون اوْلوب بۇ قاتقیلار٬ توْپلولوغوموزو و نهایی محصولونو چوْخ داها گلیشدیره‌جک جهتده اوْلا بیلر. یئنی گلنلردن بعضیلری‌نین٬ ایلک باشدا «یانلیش» ائدیر اوْلاراق گؤروله بیله‌جک چالیشمالاری٬ اصلینده بلکه‌ده قانونلارین و ایستانداردلارین گلیشدیریلمه‌سینی و گئنیشلدیلمه‌سینی گرکدیره بیلر کی بۇ دا ویکی‌پدیانی گلیشدیردیک‌لری‌نین بیر سندی اوْلا بیلر. یئنی گلنی بیر مۆدّت گؤزله‌یین و لازیم اوْلارسا٬ ائتدیک‌لرینی «یانلیش» و یا «ایستاندارد خاریجی» اوْلاراق آدلاندیرمادان٬ اؤنجه نه ائتمه‌یه چالیشدیغینی سوْروشون.
• اگر یئنی گلنین٬ کیتابلارین آدلارینی یازمانی اۇنوتماق٬ خاص آدلاری ایتالیک یازماماق٬ یارارلی باغلانتی‌لاری وئرمه‌نی اۇنوتماق کیمی خطالار ائتدیگینی گؤرورسه‌نیز بۇ خطالاری اؤزونوز دۆزلتمه‌یه چالیشین. بۇنلاری یئنی گلنین اۆزونه چارپمایین! اۇنوتمایین کی٬ بۇراسی هرکسین دییشیک‌لیک ائده بیله‌جگی بیر یئردیر٬ بۇنا گؤره ده هرکسین اصلی مسئولیّتی دییشیک‌لیک ائتمک اوْلوب٬ باشقالارینی نقد ائتمک و یا باشلارینا گؤزچولوک ائتمک دئییلدیر.
• بیر یئنی ایشلدنه تذکّور وئرمک گرک اوْلورسا، گۆلر اۆزله بۇ ایشی گؤرون. سؤزونوزو بیر خوْش‌گلدین ایله باشلاییب، سوْنرا مۆلاییمت‌له تذکّۆرونوزو وئرین. بئله یۇموشاق دیلینیز اوْلمازسا، دانیشمایین.
• یئنی ایشلدنلر قاباغیندا یاخشی نیتینیز اوْلسون. یئنی گلنلرین چوْخونون هدفی خارابکارلیق دئییل کؤمکدیر.
• بیرینجی آددیمدا یئنی ایشلدنلری باغلامایین، ایلک اؤنجه اوْنلارلا دانیشین.