ویکی‌پدیا:یئنی ایشلدنلری اینجیتمه‌یین: نوسخه‌لر آراسینداکی فرق

ویکی‌پدیادان، آچیق بیلیک‌لیک‌دن
محتوای حذف‌شده محتوای افزوده‌شده
خط ۳۷: خط ۳۷:
# لازیم اوْلاندا عکس‌العمل گؤسترین.
# لازیم اوْلاندا عکس‌العمل گؤسترین.
# قۇلاق آسمادا آکتیو اوْلون.
# قۇلاق آسمادا آکتیو اوْلون.

نه ائتدیگینیزی بیلین و تۇتارلیغینیزی الدن وئرمه‌یین. مسئولیت‌لری‌نین فرقینده بیر ویکی‌پدیاچی اوْلون. حادیثه‌لره یاخشی نیّتله یاناشان شخص٬ قوْلای قوْلای تخریباتا گلمه‌یه‌جک و باشقا ویکی‌پدیاچیلارین زامانینی و قایناغینی یالنیزجا داها یاخشی بیر بیلیک‌لیک یاراتماق اۆچون خرجله‌مه‌لرینه فۆرصت وئرمیش اوْلاجاقدیر — کی ویکی‌پدیانین و بۆتون بۇ داییره ایچی پروژه و توْپلولوغون وارلیق هدفی ده ذاتاً بۇدور.





‏۸ مئی ۲۰۱۶، ساعت ۱۴:۴۸ نوسخه‌سی

ویکی‌پدیانین قاباقلاماسی ساده‌جه تجرۆبه‌لی ایشلدنلرین چوْخ آغیر چابالارییلا اوْلماز٬ ماراقلی یئنی ایشلدنلرین قاتیلیب چالیشمالارییلا دا اوْلار. هامیمیز بیر زامانلار یئنی قاتیلمیش ایدیق٬ حتّی بیر چوْخوموز چوْخو یئنی ایشلدنلرین ائتدیگی ان گئنل ائدیلن خطالاری ائدیردیک٬ یئنی قاتیلانلارین آیلار سوْنرا بئله بۇ تیپ خطالاری اوْلدوغونو یاددا ساخلامالی‌ییق.

یئنی ایشلدنلرین اوْلاسی «عۆضولریمیزین» و بو سببله بیزیم ان دَیرلی قایناغیمیزدیر. یئنی ایشلدنلرله نزاکتلی و دؤزوملو داورانمالی‌ییق٬ مؤحتمل چیخارلی اوْلا بیله‌جک ایشلدنلری سۆرعتله بۇرادان قاچیراجاق دۆشمنجه و کیچیلدیجی داورانیشلاردان اۇزاق دۇرمالی‌ییق. یئنی گلنلر بعضی بیلگی‌لردن یوْخسول حالدا ویکی‌پدیایا اؤیرنمه‌یه چالیشارکن٬ اوْنلارا یوْل گؤسترمه‌لی‌ییک.

یئنی گلنلرین قاباغینا چوماقلا چیخمایین!

  • یئنی گلنلرین توْپلولوق اۆچون احتیاج و دَیَر اوْلدوغونو آنلایین. یئنی گلنلرین چالیشمالارییلا٬ ویکی‌پدیایا فرقلی دۆشونجه‌لر و بیلگی‌لر علاوه اوْلاراق٬ ویکی‌پدیانین گۆوَنیلیر و طرفسیز بیر قایناق حالینا گلمه ایمکانی آرتیر.
  • یئنی گلنلر اۆچون ائتدیگیمیز دعوتی و شۆعاریمیزی خاطیرلایین: جسور اوْل! سۆنّت٬ ایستاندارد و قانونلاریمیز وار٬ آنجاق بۇنلار بیزدن دعوت آلمیش اوْلان٬ یئنی گلنلری انگل‌له‌مک اۆچون بیر یوْل اوْلاراق ایشلنه بیلمز. یئنی گلنلرین٬ فیکیرلری و یارادیجی انرژیلری ایله فرقلی ساحه‌لرده‌کی یئنی و زنگین تجرۆبه‌لرینی٬ مؤوجود قانون و ایستانداردلارا رغماً بۇرا کؤچورمه‌لری مۆمکون اوْلوب بۇ قاتقیلار٬ توْپلولوغوموزو و نهایی محصولونو چوْخ داها گلیشدیره‌جک جهتده اوْلا بیلر. یئنی گلنلردن بعضیلری‌نین٬ ایلک باشدا «یانلیش» ائدیر اوْلاراق گؤروله بیله‌جک چالیشمالاری٬ اصلینده بلکه‌ده قانونلارین و ایستانداردلارین گلیشدیریلمه‌سینی و گئنیشلدیلمه‌سینی گرکدیره بیلر کی بۇ دا ویکی‌پدیانی گلیشدیردیک‌لری‌نین بیر سندی اوْلا بیلر. یئنی گلنی بیر مۆدّت گؤزله‌یین و لازیم اوْلارسا٬ ائتدیک‌لرینی «یانلیش» و یا «ایستاندارد خاریجی» اوْلاراق آدلاندیرمادان٬ اؤنجه نه ائتمه‌یه چالیشدیغینی سوْروشون.
  • اگر یئنی گلنین٬ کیتابلارین آدلارینی یازمانی اۇنوتماق٬ خاص آدلاری ایتالیک یازماماق٬ یارارلی باغلانتی‌لاری وئرمه‌نی اۇنوتماق کیمی خطالار ائتدیگینی گؤرورسه‌نیز بۇ خطالاری اؤزونوز دۆزلتمه‌یه چالیشین. بۇنلاری یئنی گلنین اۆزونه چارپمایین! اۇنوتمایین کی٬ بۇراسی هرکسین دییشیک‌لیک ائده بیله‌جگی بیر یئردیر٬ بۇنا گؤره ده هرکسین اصلی مسئولیّتی دییشیک‌لیک ائتمک اوْلوب٬ باشقالارینی نقد ائتمک و یا باشلارینا گؤزچولوک ائتمک دئییلدیر.
  • اگر یئنی گلنه٬ ائتدیگی بیر خطایلا علاقه‌لی اوْلاراق مۆطلقاً بیر شئی سؤیله‌مه‌نیز لازیم اوْلورسا٬ کؤمکچی اوْلما فضاسی ایچینده سؤیله‌یین. سؤزلرینیزه اؤنجه اؤزونوزو تانیداراق باشلایین و بۇرا خوْش‌گلدیک‌لرینی سؤیله‌یین و اوْنا یوْلداش کیمی یاخلاشاراق خطالارینی ساکین بیر دیل ایله و حتّی ائتدیگی بعضی شئیلرین خوْشونا گئتدیگینی ده بلیردین. اگر بۇنلاری ائتمه‌یه‌جکسینیز٬ هئچ‌بیر شئی سؤیله‌مه‌مک داها اۇیغون اوْلار.
  • یئنی گلنلر دییشیک‌لیک ائتمه‌یه٬ اؤزللیک‌له طرفسیز دۆنیاگؤروشو و یا صفحه آدی دییشدیرمه کیمی مسأله‌لرده بؤیوک دییشیک‌لیک‌لر ائتمه‌یه (باشقا ویکی‌پدیاچیلاری حیرصلندیرمه‌مک و یا اوْنلاردان اینجیتمه گؤرمه‌مک اۆچون) چکینه بیلرلر. اوْنلار جسور اوْلمانی اؤیردین و چکینگن‌لیک‌لریندن اؤترو سیخیلمامالارینی سؤیله‌یین.
  • خطا ائدن یئنی بیر ایشلدنی٬ علاقه‌لی کؤمک صفحه‌لرینه یوْل گؤسترمک اۇیغون بیر داورانیش ایسه ده٬ سیلینمه‌یه کاندید مقاله‌لرین سس‌وئرمه‌لرینده و ساییره‌ده یئر آلماقدان وازگئچمه‌لرینی سؤیله‌مک اۇیغونسوز اوْلور. بۇ داورانیش هم یئنی ایشلدنین جسارتینی قیرار٬ هم ده ویکی‌پدیا سیاستلرینی احتیاجی اوْلان یئنی دۆنیاگؤروشلریندن محروم قیلار.
  • یئنی گلنلره یوْل گؤستررکن٬ سؤزونوزو گئنلده ویکی‌پدیایا حاکیم اوْلان یۇموشاق دانیشمالاردان داها یۇموشاق سؤیله‌یین. یئنی گلنین٬ لوکس بیر کولوبا قبول ائدیلمک اۆچون سیزین تأییدینیزدن گئچمه‌سی لازیم اوْلدوغو حیسّینه دئییل ده٬ دوْغوردان بۇرا خوْش‌گلدیگینی حیسّ ائتمه‌سینی ساغلایین. خاص هدفه کونسانتره اوْلموش هانسیسا بیر فعالیّتین اؤزونه خاص محدودلاشمالاری و قۇرولوشو اوْلوب بۇنلاری اؤیرنمک هم زامان آلار هم ده زامان زامان یئنیدن اینجه‌له‌مک و دۆزلدیلمه‌لرینده فایدا واردیر.
  • یئنی گلنلره٬ کوکلا و ... کیمی کیچیلدیجی٬ آشاغیلاییجی آدلار تاخمایین. اگر بیر چوْخ یئنی گلن٬ بیر سس‌وئرمه‌ده عئینی طرفده سس وئرمیشسه٬ سس‌لری‌نین گئچرسیز ساییلا بیله‌جگینی٬ صمیمی بیر دیل ایله آچیقلایین. آد تاخمایا گرک یوْخدور.
  • ایشلدنلر بعضاً بحث صفحه‌لرینه دؤرد (‌‌‌~) ایشارتی ایله ایمضالارینی آتمانی اۇنودا بیلرلر. خاطیرلاتما مۆدّتی‌نین٬ آشاغیداکی شابلونو ایشده‌رک داها یۇموشاق و داها آز حیرصلندیریجی اوْلماسینی ساغلایا بیلرسینیز. {{ایمضاسیز}} شابلونونو ایشلده‌رک ایمضاسیز باخیشلاری دا کیمین یازدیغینی ایشارتله‌یه بیلرسینیز.
  • یئنی گلنی یاخشی نیّتلی سایین. بؤیوک احتیماللا کؤمک ائتمک ایسته‌ییرلر. اوْنلارا بیر شانس وئرین.
  • تجرۆبه‌لی ویکی‌پدیاچیلارا٬ ضررلی کیمی گؤرونن داورانیشلار اصلینده بؤیوک احتیماللا بیزیم اینتیظارلاریمیزی و قانونلاریمیزی بیلمه‌مکدن قایناقلانیر. بیری‌سی‌نین دَیرسیز٬ ایشه گلمز٬ ترول ضررلی‌سی٬ خارابکار٬ و یا داها دا پیس اوْلدوغوندان ۱۰۰٪ آرخایین اوْلسانیز بئله٬ سانکی دئییلمیش کیمی دۆشونون. ساکین٬ علاقه‌لی و سایغیلی اوْلماق مودلی ایله سایغینیزی آرتدیرمیش و پروژه‌میزی داها قاباق گؤتورموش اوْلارسینیز.
  • اۇنوتمایین کی بیر زامانلار سیز ده بیر «یئنی گلن» ایدینیز. سیز ویکی‌پدیایا یئنی گلیر اوْلسانیز نئجه قارشیلانمانی ایسترسه‌نیز باشقالارینی ده اوْ شکیلده (حتّی مۆمکونسه داها یاخشی) قارشیلایین.

لۆطفاً یئنی گلنلری دیشله‌مه‌یین

ایداره‌چی ایستاتوسونا عریضه‌لر گئده‌رک آرتیم گؤسترمکده‌دیر. خطا ائدن ناشی ایداره‌چیلر٬ بۇ خطالاری اؤزلرینه آرخا آرخایا بیر نئچه ایشلدن طرفیندن گؤستریلدیگینده٬ «دیشلنمیش» حیسّ ائده بیلرلر.

یئنی ایداره‌چیلره گؤندریلن مرحمت‌سیز مساژلار عئیناً یئنی گلنلره یوْللانانلار کیمی‌دیر. بۇنا گؤره٬ ناشی ایداره‌چیلری ده دیشله‌مه‌یین. اۇنوتمایین کی٬ هر ایداره‌چی بیر ناشی ایداره‌چی اوْلاراق باشلار و هر ایداره‌چی٬ ایداره ایله علاقه‌لی ان آزیندان بیر خطا ائدر. یئنی الده ائتدیک‌لری ایختیارلا علاقه‌لی اوْلاراق اوْنلارا٬ عئیناً بیر یئنی گلنه ائتدیگینیز کیمی٬ ویکی‌پدیانین گئری قالانی ایله بیرلیکده کؤمکچی اوْلون.

بۇ آرادا ایداره‌چیلر ده٬ «من بیر ناشی‌یم» سؤزونون هر مۆشکولو حل ائده‌جک بیر معذرت اوْلمادیغی‌نی بیلمه‌لی‌دیرلر. اؤزلریندن ویکی‌پدیا قانونلاری چرچئوه‌سینده٬ یاخشی نیّتلی اوْلاراق اللریندن گلنین ان یاخشی‌سینی ائتمه‌لری گؤزلنیر.

لۆطفاً دانیشماق اۆچون دانیشماق صفحه‌سینی ایشلدین. داورانیشلارلا علاقه‌لی وئریله‌جک اؤنری‌لرده بۇ قدرجیک بیر ساغلام دۆشونجه الده ائتمک اۆچون سس‌وئرمه ۇرمایا گرک اوْلمامالی‌دیر.

بیر «دیشله‌یَن» اوْلماماق اۆچون گؤرولمه‌سی لازیم اوْلانلار

داها گئنل دانیشماق لازیم اوْلارسا٬ اگر «دیشله‌ین» صیفتینی قازانماق ایسته‌مه‌ییرسه‌نیز بۇ تؤوصیه‌لری رعایت ائده بیلرسینیز:

  1. باخیشلاردا کسکین ایفاده‌لردن قاچینین (برباد٬ آخماق٬ گیج٬ پیس٬ و ساییره کیمی سؤزلر و نیدا ایشارتلری).
  2. باشقالاری‌نین یاناشماسی و اۆصلۇبو قارشی‌سیندا چتین تۇتمایین.
  3. جاوابلارا اؤلچولو اوْلون.
  4. هانسیسا بیر وضعیت و یا شرط آلتیندا٬ باشقالاری‌نین ائتدیک‌لرینی یا دا ائتمه‌دیک‌لرینی ایستی‌قانلی‌لیقلا قبول‌لانین.
  5. فرقلی‌لیک‌لری خوْش گؤرون و مۆلاییم تۇتون.
  6. ساواشلارین حلّینده آکتیو روْل آلمایا ایستک‌لی اوْلون.
  7. لازیم اوْلاندا عکس‌العمل گؤسترین.
  8. قۇلاق آسمادا آکتیو اوْلون.

نه ائتدیگینیزی بیلین و تۇتارلیغینیزی الدن وئرمه‌یین. مسئولیت‌لری‌نین فرقینده بیر ویکی‌پدیاچی اوْلون. حادیثه‌لره یاخشی نیّتله یاناشان شخص٬ قوْلای قوْلای تخریباتا گلمه‌یه‌جک و باشقا ویکی‌پدیاچیلارین زامانینی و قایناغینی یالنیزجا داها یاخشی بیر بیلیک‌لیک یاراتماق اۆچون خرجله‌مه‌لرینه فۆرصت وئرمیش اوْلاجاقدیر — کی ویکی‌پدیانین و بۆتون بۇ داییره ایچی پروژه و توْپلولوغون وارلیق هدفی ده ذاتاً بۇدور.