استنفورد بیلیم‌یوردو

ویکی‌پدیا، آچیق بیلیک‌لیک‌دن

استنفورد بیلیم‌یوردو
Stanford-university.png
شعار اؤزگورلوک یئلی اَسیر
یارانما تاریخی ۱۸۹۱
تیپ اؤزل (خصوصي)
باشچی جان ال. هئنسی
اوستاد سایی‌سی 2118
اؤیرنجی سایی‌سی 15877
شهر استنفورد، کالیفورنیا ایالتی
وئب‌سایت http://www.stanford.edu/

استنفورد بیلیم‌یوردو (اینگیلیسجه: Stanford University‎ ، رسمی انگلیسجه آد. Leland Stanford Junior University)، آمریکا نین کالیفورنیا ایالتی نین استنفورد شهرینده اؤزل بیر بیلیم‌یورد آدی دیر.
بو بیلیم یوردو کالیفورنیا نین اسکی سناتور و ایالت باشقانی، لیلاند استنفورد، 1885جی ایلده قوروب، آنجاق 1891جی ایلیندن اؤیرنجیلری قبول ائتمیشدیرو بو بيليم يورد دونيانين ان آدليم و اعتبارلي آراشديرما قوروملاريندان دير. ایللیک ییغدیغی اعانه و بودجه 21.4 ميليارد دیر. بیلیم یوردون آلانی نین اوز اؤلچومو (مساحتی )3310 هکتار دیر. استنفورد بیلیم یوردونون کیتاب ائویسی 9.3 میلیون کیتاب، الکترونیک کیتاب ، سسلی کیتاب، و باشقا آراشدیرما باشلیقی واردیر. بو کیتاب ائوینده ۳۰۰٫۰۰۰ آز تاپیلان کیتاب واردیر. بۇ بیلیم یورد دونیانین ان تانینمیش اوستادلاری و آراشدیریجیلارینی توپلاماقدا تانینمیشدیر.
بۇ بیلیم‌یوردو اؤز اوزمانلیق درجه لرینی آشاغیدا آدلاری چکیلمیش اوخوللار لا اعطا ائدیر. توپلام 15877 اؤیرنجی‌سی واردیر. لیسانس اؤیرنجیلر سایی سی 6980 و لیسانسدان یوکسک اؤیرنجیلر سایی سی دا 8897 دیر.
بو بيليم يورد آراشديريجيلاري 2015 نجي ايله قدر،‌ 59 نوبئل اؤدولو (جايزه سي) آليبلار. قوقول (Google)، هیولت پاکارد، نایک، سان میکروسیستمز، یاهو ، اینستاگرام کیمی بؤیوک شیرکتلری بو بیلیم یوردوندا تحصیل آلانلار قوروبلار. استفورد بیلیم یوردون یئتیشدیردیگی اؤیرنجیلرین شیرکتلری، دونیانین اقتصادیندا بؤیوک ائتکیلری وار، و هر ایل 2.7 تریلیارد دولار مالی دولانیم یارادیرلار.

استنفورد بیلیم یوردوندان بیر گؤرونتو

اوخوللار (فاکولته لر)[دَییشدیر]

استنفورد بیلیم یورد 7 اؤخولدا 71 دپارتمانا [۱] بؤلونور:

  • آلوئر یوکسک اوخولو (Graduate School of Business)
  • یئر، انرژی، و چئوره بیلیملر اوخولو (School of Earth, Energy & Environmental Sciences)
  • اؤیرتیم اوخولو (School of Education)
  • مۆهندیس‌چیلیک اوخولو (School of Engineering)
  • اینسان تانیماق و بیلیملر اوخولو (School of Humanities & Sciences)
  • حقوق اوخولو (School of Law)
  • طیب و ساغلاملیق اوخولو (School of Medicine)

استنفورد بیلیم‌یوردوندا تانینمیش اوستادلار و اؤیرتیم آلانلار[دَییشدیر]

قایناق[دَییشدیر]

en ویکی‌پدیاسی‌نین ایشلدنلری طرفیندن یارانمیش«Stanford_University»، مقاله‌سیندن گؤتورولوبدور. (2015 تاریخینده یوْخلانیلیبدیر).

  1. "Academic Departments"