اسماعیل مددی

ویکی‌پدیا، آچیق بیلیک‌لیک‌دن
پرش به ناوبری پرش به جستجو

اسماعیل مددی اوصالو (اولکر) ـ ایران آذربایجانیندان اوْلان چاغداش تورک شاعیر.

تانیتیم[دَییشدیر]

اسماعیل مددی ۱۳۴۸-نجی ایل مرداد آیی‌نین ۱۵-ینده گونئی آذربایجانین اورمیه شهرینده اورتا حاللی بیر عایله‌ده دونیایا گؤز آچدی. مرحوم آتاسی سیف‌الله، امکلی بلدیه کارمندی ایدی. آناسی نصرت خانیم ایسه ائوخانیمی‌دیر. او، ایلک، اورتا و متوسطه درسلرینی اورمیه‌نین "وزیری"، "آزادی" . "۱۳آبان" اوخوللاریندا بیتیردی. ۱۳۶۴-نجو ایلده بیناب اونیورسیته‌سینده فارس دیلی و ادبیاتی بؤلومونه گیردی و ۱۳۷۱-ده ماذون اولدو.

۱۳۷۸-نجی ایلده تورکیه‌یه گئده‌رک، آنکارا غازی اونیورسیته‌سینده تؤمر (تورکجه یابانجی دیل اؤیره‌نیم، آراشدیرما و اویغولاما مرکزی) دیپلوماسینی آلدی. ۱۳۷۹-دا ایزمیر ائگه اونیورسیته‌سینی قازاندی و "تورک دیلی و ادبیاتی" بؤلومو "تورک لهجه‌لری و ادبیاتلاری" آنا بیلیم دالیندان یوکسک لیسانس آلدی. ۱۳۸۲-ده پرفسوردکتر یاووز آک‌پینار دانیشمانلیغی ایله یازدیغی ماراقلی شاعیریمیز "بولود قاراچورلو سهندین حیاتی و اثرلری اوزه‌ره بیر آراشدیرما" آدلی تزینی پرفسوردکتر رضا فیلیزاوکف پرفسوردکتر عمر فاروک هویوگؤزل، پرفسور دکتر اسماعیل آکادان اولوشان ژوری قارشیسیندا مدافعه ائتدی. ۱۳۸۵-ده باکی خزر اونیورسیته‌سینده پرفسور دکتر هاملت عیسی خانلینین علمی رهبرلییی ایله آذربایجان دیلی(تورکجه‌سی) و ادبیاتی بؤلومونون دکترا درسلرینی کئچیردی. ۱۳۸۷-ده "مشروطیتدن گونوموزه قدر گونئی آذربایجان سربست شعر گلیشیمی" آدلی دوکتورا تئزینی مدافعه ائتدی.

اولکر متوسطه طلبه‌سی ایکن ۱۳۶۳-نجو ایلدن چئشیدلی تورکجه هجا قالیبینده و اؤزونه خاص سربست فورمدا شعر سؤیله‌مه‌یه باشلادی.

اسماعیل مددی ایندیلیکده اورمیه‌ده یاشاییر. "اورمیه ادبیات فاکولته سی"، "اورمیه صنعتی دانشگاهی" و "نازلی اونیوئرسیته سی"نده و تبریزده آذربایجان و استانبول تورکجه‌سی درسلرینی و اؤزل درسخاناسیندا ( TÖMER / تؤمر ایله / ALES - SÖZEL / آلئس - سؤزل ) درسلرینی اوخوتماقلا مشغولدور. ائولیدیر و "آراز" و "ائل‌آی" آدلاریندا بیر اوْغلو و بیر قیزی وار.

اثرلری[دَییشدیر]

1- گونش تونقالی، یالقیز بیتگی (۱۳۷۲)شعرلر توپلوسو 2- بویور آددیم آت(۱۳۷۷) شعرلر توپلوسو 3- بیر سالخیم دان یئلی(۱۳۸۳) شعرلر توپلوسو 4- سئودا یولدایمیش(۱۳۸۶)شعرلر توپلوسو 5- منی باشدان یارادانا (1392)شعر توپلوسو 6- آداقلاریم (1396) شعر توپلوسو - 7- قوجا (ماللا) نصرالدین اورمودا (مللا نصر الدینین آذربایجان تورکجه سینه اویارلانمیش فیکرالاری) 8- اورمیه شعر آنتولوژیسی (اورمیه شهری و گؤلو ایله ایلگیلی سؤیلنمیش اولان شعرلردن سئچمه لر /بیرینجی جیلد و س.

قایناق‌لار[دَییشدیر]