ان اوزاق و یاخؽن دؤنوش
ان اوزاق و یاخؽن دؤنوش و یادا آپسید (قدیم یونانجا : ἁψίς (hapsís) ) بیر گزگن جیسیمینین اؤز آناجیسیمی اطرافینداکی دؤنرگهنینین ان اوزاق و یا دا ان یاخین نقطهسیدیر. آپسیدلر خطی (آپس خطی، یا دا دؤنرگهنین بؤیوک اوخو) ایکی ان حد نقطهنی بیرلشدیرن خطدیر.
موختلیف جیسیملر اطرافینداکی دؤنرگهلره عایید اولان آپسیدلرین اؤزلرینی باشقا آپسیدلردن آییرماق اوچون آیری-آیری آدلاری واردیر. یئرمرکزلی (ژئوسنتریک) دؤنرگهلره ، یعنی یئر اطرافینداکی دؤنرگهلره عایید آپسیدلر، ان اوزاق نقطهده آپوقی و ان یاخین نقطهده پریقی آدلانیر؛ سونونجو یئر اطرافینداکی قمرلرین و آیین دؤنرگهلاری کیمی. گۆنش اطرافینداکی دؤنرگهلره عایید آپسیدلر ایسه هلیوسنتریک دؤنرگهده ان اوزاق نقطه اوچون آفلیون و ان یاخین نقطه اوچون پریهلیون آدلانیر.[۱] یئرین ایکی آپسیدی ، اؤز آناجیسیمی گونشین اطرافینداکی دؤنرگهنینین ان اوزاق نقطهسی آفلیون و ان یاخین نقطهسی پریهلیون دور. آفلیون و پریهلیون اصطلاحلاری عئینی شکیلده موشتری و آیری گزگنلرین، قویروقلواۇلدوزلارین کومتلرین و گونش سیستمینین گزهگنچه لرین دؤنرگهلارینا دا شامیلدیر.
قایناقلار
[دَییشدیر]- ↑ Happy Aphelion Day! Earth is at its farthest from the sun for 2023 today (en) (2023-07-06).