پرش به محتوا

اورتا تانک

ویکی‌پدیادان، آچیق بیلیک‌لیک‌دن

اورتا تانک (اینگلیسجه : Medium Tank)، خۆصوصیله ایکینجی دۆنیا مۆحاریبه‌سی دؤورونده گئنیش یایؽلمیش و حرکتلیلییه یؤنلمیش یۆنگول تانکلارلا زیره و سیلاحلانمایا یؤنلمیش آغؽر تانکلار آراسؽندا بیر کومپرومیس تمثیل ائدن تانکلارؽن تسنیفاتؽدیر.

اورتا تانکؽ موزه ده

اورتا تانکؽن تسنیفاتؽ چکییه دئییل، تاکتیکی ایستیفاده‌یه و نظرده توتولان مقصده اساسلانؽر؛ مثلاً، آلمان پانتر تانک اورتا تانکؽ مۆعاصیر مۆتفیق آغؽر تانکلارؽنا بنزر بیر کۆتله‌یه مالیکدیر. ایکینجی دۆنیا ساواشیسینین ان چوخ ایستئحصال اولونان، ثمره‌لی و اوغورلو تانکلارؽ (آلمان پانزر ۴، شوروی تی-۳۴ و آمریکا ام۴ شرمن) هامؽسی اورتا تانک دیزاینلارؽ ایدی. اورتا تانک ختلرینین بیر چوخو اکثر اؤلکه‌لرده اساسی دؤیوش تانکلاری آدلاندؽریلانلارا چئوریلدی.

گئچمیشی

[دَییشدیر]

اورتا آدؽنی داشؽیان ایلک تانکلار بیرینجی دونیا ساواشیندا بریتانیا اورتا مارک آ ویپت تانکؽ ایله اورتایا چؽخدی. او دؤورده‌کی بریتانیا آغؽر تانکلارؽن‌دان داها کیچیک، یۆنگول و سۆرعتلی ایدی و یالنؽز اوتوماتیک توفنگ داشؽییردی. اورتا تانک دوکتریناسی دونیالیق ساواشلارین آراسؽنین دوْوروندا ایستیفاده‌یه وئریلدی. اونون مؤوجودلوغو چوخ آغؽر تانکدان و آغؽر تانکدان داها اوزون سۆردو و تدریجا اساسی دؤیوش تانکؽنا چئوریلدی. ایکی ساواشلارآراسی دؤورون اورتا تانکلارؽنا بریتانیا ویکرس اورتا مارک۲ و شوروی چوخ بورجکلی تی-۲۸ داخیل ایدی. ایکینجی دۆنیا ساواشؽنا قدرکی دؤورده بریتانیا تانکلارؽ اۆچون اورتا تئرمینی ایستیفاده ائتمه‌یی دایاندؽردی، چۆنکی تانکلارؽ اؤلچویه گؤره دئیل، رولا گؤره تعیین ائدن رزمی تانکی و پییادا تانکی نین یئنی فلسفه‌سی ایستیفاده‌یه وئریلدی.[۱][۲]

آیریجا باخ

[دَییشدیر]

قایناقلار

[دَییشدیر]