ايستانبول (آنادولو تورکجه‌سینده:İstanbul) – تورکیه‌نین ان بؤيوک شهری دیر. دنيز بندری اولان بو شهر، اؤلکه‌نين صنايع-تيجارت و مدنيّت مرکزی دیر. روم و بیزانس ایمپریالارینین و عوثمانلی ایمپریاسی‌نین پایتاختلاری اوْلموشدور. یونان قایناقلاریندا بیزانتیون، روس منبعلرینده تسارقراد، شرقی روما ایمپریاسی دؤورونده کونستانتینوپول آدلاندیریلمیشدیر. بوسفور بوغازینین ساحیللرینده و افسانه‌لره گؤره یئددی تپه اوزرینده قورولموشدور.
آلمانین اِسِن و ماجاریستانین پِچ شهرلری ایله بیرگه ایستانبول 2010-جو ایلده اوروپانین مدنیّت پایتاختلاریندان بیری اعلان ائدیلمیشدیر.
