بالکان ساواشلاری

ویکی‌پدیا، آچیق بیلیک‌لیک‌دن
پرش به ناوبری پرش به جستجو
Prilep Battle 1912 Postcard.jpg

بالکان ساواشلاریعثمانلی ایمپیراتورلوغونین ۴ بالکان دؤولتینه قارشی ۱۹۱۲-۱۹۱۳-جو ایللرده آپاردیغی ساواش (۸ اۇکتوبر ۱۹۱۲ - ۲۹ سپتامبر ۱۹۱۳). محاربه‌نین اصل سببی بولغاریستانلا صربیستاننین بالکانلاردا آرتان فعالیّتی اوْلموش‌دور.

Balkan troubles1.jpg

تاریخی[دَییشدیر]

Bulgarian army adrinople.jpg

۱۹۱۱-جی ایلده ایتالیا عثمانلی ایمپیراتورلوغونا محاربه اعلان ائتدی و تئزلیک‌له تریپولینی و دودکانیس آدالارینی ایشغال ائتدی. بۇنونلا عثمانلیلار سیخیشدیریل‌دی، بولقاریستان، صربیستان و یونان تۆرکیه‌یه قارشی محاربه‌ده اؤز قوه‌لرینی بیرلشدیردیردیلر. اوْنلار عثمانلی اراضی‌سین‌ده‌کی بعضی اراضیلری ایشغال ائتمه‌یه اۆمید ائدیردیلر. تۆرکیه تئزلیک‌له مغلوب ائدیل‌دی، لاکین صربیانین گذشته گتمه‌سینه اۆمید بسلین بولقارلار ماکدونیانی اله کچیرمه‌یه ادعا ائتدیلر. بئله‌لیک‌له، بیرینجی بالکان محاربه‌سیندن سوْنرا، ۱۹۱۳-جو ایلده ایکینجی بالکان ساواشی باش وردی. بۇ محاربه‌ده صربیستان، یونان، رومانی و عثمانلیلار بولغاریستانین اۆزرینه هۆجوم ائده‌رک اوْنو مغلوب ائتدیلر. آدریاتیک دنیزی اۆزرینده داغ‌لیق اؤلکه اوْلان آلبانی اساساً موسلمان اهالی‌سینه مالیک اوْلماقلا برابر هم ده آوروپانین ان گئری‌ده قالمیش بؤلگه و ایدی. صربلر هر ایکی بالکان محاربه‌سین‌ده اوْنون بیر حیصّه ‌سینی ایشغال ائتدیلر، لاکین یونانلار دا اوْنون دیگر حیصّه ‌سینه ادعا ادیردیلر. صۆلحو قورویوب ساخلاماق اۆچون بؤیوک دؤولتلر موستقیل آلبانی کراللیغینین یارانماسینین طرفداری ایدیلر. بالکان محاربه‌لری دؤیوشن بۆتون طرفلری محاربه‌نین نتیجه‌لرین‌دن ناراضی‌ سالدی، بۆتون بونلار ۱۹۱۴-جو ایلده صرب میللت‌چیلری طرفیندن اوتریش تاختینین ولی عهدی هرسوق فردیناندین اؤلدورولمه‌سی و بیرینجی دونیا ساواشینین باشلانماسی ایله نتیجه لندی.

بؤلمه‌:۱۹۱۲-جی ایلدکی حادیثه‌لر

بؤلمه‌:۱۹۱۳-جو ایلدکی حادیثه‌لر

گؤرونتولر[دَییشدیر]