بامسی بئیرک

ویکی‌پدیا، آچیق بیلیک‌لیک‌دن
پرش به ناوبری پرش به جستجو

بامسی بئیرک، بای بۇرانین اوْغلو بامسی بئیرک – گنج اوْغوز قهرمانلاریندان بیری. «دده قوْرقود کیتابی»ندا اساس پئرسوناژ کیمی ایکی بوْیون تصویر ائتدیگی حادیثه‌لرین ایشتیراکچیسیدیر. بای‌بۇرا بَیین اوْغلو، سالور قازانین ایناقی-مشاوریدیر. دده قوْرقود اوْنا آد قوْیمازدان اول بامسی لقبی داشیییردی. قهرمانلیق گؤسترندن سوْنرا دده قوْرقود اوْنا بئیرک آدی وئریر.

بامسی بئیرک-ین آدی[دَییشدیر]

بَی بؤیرک، بای بۇرا، بَی بیریه، بَغ بئیرگ، بَی بئیرک، بای بؤرک، باغ بؤغرک کیمی آدلارلا بیلینمکده‌دیر. بامسی ایله بانو چیچک کرتمه‌سیدیر[ق ۱]. بیر-بیرلرینی تانیمادان بؤیویرلر. بیر گۆن اوْودا اوْلارکن قارشیلاشیلار، آرالاریندا بیر مۆباحیثه چێخار و گۆلشمه‌یه تۇتوشورلار. آنجاق ایکیسی ده گۆجده برابر اوْلدوغو اۆچون بیر-بیرلرینی مغلوب ائده بیلمز. بامسی بئیرگین اسیر دۆشمه‌سی نتیجه‌سینده ایللرله آیری قالارلار. بۇ مۆدتده بانوچیچک مجبور اوْلاراق اره گئتمک مجبوریتینده قالار. بئیرک اسیر قالدیغی سارایین بَیی‌نین قێزی طرفیندن قۇرتاریلیر. تۆرک مدنیتینده قادینلارین دا کیشیلرله برابر گؤرولمکده‌دیر. آتینین آدی دَنگیبوْز و یا بئنگیبوْز شکلینده کئچر. آتی دا سوْیلو و صادقدیر، ایللرجه اؤزونو گؤزله‌یر.[۱]

آتا آدی ایله آدلاندیرما «بای بورا بَی اوغلو بامسی بئیرک» آنتروْپوْنیمینده ده مۆشاهیده اوْلونور. بۇرادا آتا آدی ایله اوْغول آدی آراسیندا ظاهری سسلنمه اوْخشارلیغینی یارادان «ب» جینگیلتیلی صامیتیدیرسه، اوْنلارین آراسیندا سمانتیک تۇتوم یاخینلیغینی یارادان «بؤرو» (قۇرد، جاناوار) لکسیک واحیدیدیر. «بای بورا-قام بوره‌نک» آنتروْپوْنیمی‌نین «بای» و «بؤره» (بؤرو) لکسیک واحیدی اساسیندا فوْرمالاشماسینی ثبوت ائتمه‌یه احتیاج یوْخدور. «بئیرک» آنتروپونیمی‌نین ایسه «بؤرو» لکسیک واحیدیندن یارانماسی س.علیزاده طرفیندن قئید اوْلونموشدور.[۲]

بامسی بئیرک دده قوْرقود کیتابیندا[دَییشدیر]

قایناقلار[دَییشدیر]

  1. Türk Əfsanə Sözlüyü, Dəniz Qaraqurd, Türkiyə, 2011, (OTRS: CC BY-SA 3.0) - "Beyrek Han"
  2. S.Əlizаdə. «Кitаbi-Dədə Qоrqуd» аntrоpоnimiyаsının еtimоlоъi əsаslаrı. Аzərbаycаn оnоmаstiкаsı prоblеmləri, III, Bакı, 1986, s.29

قئیدلر[دَییشدیر]

  1. اۇشاقلیغدا قیز-اوْغلان بیر-بیرلرینه آداغلی اوْلماق رسمیندن سؤز گئدیر.