برهان حقیقت (درگی)
برهان حقیقت | ||
|---|---|---|
| ||
| سوروملو مودور | علی حاجی زینال‌العابدین‌زاده (رحیموو) | |
| یاییلان ایللر | 1917 | |
| صحیفه‌لرین سایی | 8 صحیفه | |
| دیل | آذربایجان تورکجه‌سی | |
| یاییلان یئر | ایروان | |
| موضوع | ادبی، اجتیماعی، سیاسی درگی | |
برهان حقیقت — ایرواندا آذربایجان تورکجه‌سینده چاپ اولونان ادبی، اجتماعی-سیاسی درگی.
حاقیندا[دَییشدیر]
۱۹۱۷-جی ایل ژانویه‌نین ۱-دن ژوئیه‌نین ۲۹-دک ایرواندا آذربایجان تورکجه‌سینده چاپ اولونموشدور. جمعی ۹ نؤمره‌سی چاپ اولونموشدور. مودیر و موحرّیری علی حاجی زینال‌العابدین‌زاده (رحیموو)، ناشیری حسن میرزه‌زاده (علی‌یئو) ایدی. درگی بیر طرفدن علم و معاریفه چاغیریر، دیگر طرفدن ایسه دینی احکاملاری مودافیعه ائدیردی[۱].
« برهان حقیقت» درگیسی‌نین ایروان شهرینده‌کی «لوُیس» مطبعه‌سینده ایلک نؤمره‌سی ۱ ژانویه ۱۹۱۷-جی ایلده، سونونجو نؤمره‌سی ایسه ائله همین ایلین ژوئیه‌سینده چاپدان بوراخیلمیشدیر. سرلؤوحه آلتیندا «اعتراف، ترقّی، اعتیماد... هله‌لیک آیدا ایکی دفعه نشر اولونان ادبی، سیاسی، تاریخی، علمی و فنی مجموعه‌سیدیر». مودیری و موحریری علی حاجی زینال‌العابدین‌زاده رحیموو (محزون)، ناشیری حسن میرزه‌زاده (علی‌یئو)دیر. «برهان حقیقت» درگیسی‌نین جمعی ۹ نؤمره‌سی ایشیق اوزو گؤرموشدور. همین نؤمره‌لرده اساساً بدیعی و پوبلیسیستیک ماتریاللار درج ائدیلمیشدیر. «برهان حقیقت»-ین صحیفه‌لرین‌ده علی محزون، جبار عسگرزاده عاجز ایروانی (جبار باغچه‌بان)،عبدالحق مهرالنسا ، سری خانیم، توفیق فکرت، ا.سعدی، تحسین ناهید، ه.رمزی، تحسین ایروانی، میرزه جبار محمدوو و باشقالاری‌نین اوریژینال، ایقتیباس و ترجومه اثرلری چاپ اولونموشدور.
درگی اساساً معاریفچی-رئالیست ادبیاتین مؤوقعیینی مودافیعه ائدیردی.
«برهان حقیقت» درگیسینی نشر ائتمک باره‌ده ع. ح. زینالعابدین‌زاده‌یه ایجازه وئریلمه‌سی حاقیندا گورجوستان شوروی MDTA -ده [۲]خوصوصی قئید ده یازیلمیشدیر [۳].
قایناق[دَییشدیر]
- ضیأالدین محرموو، "ایرواندا مکتبدارلیق و معاریفچی‌لیک"، باکی، نورلان، ۲۰۱۰.
- حسین هشیم‌لی. علی محزون و "ادبیاتا دایر" اثری. باکی: نورلان، ۲۰۰۹، ۸۰ ص.