تيراختور فوتبال کولوبو

ویکی‌پدیا، آچیق بیلیک‌لیک‌دن
(تراکتورسازی فوتبال کولوبو-دن يوْل‌لاندیریلمیش)
پرش به ناوبری پرش به جستجو
تيراختور فوتبال کولوبو
Tractor Sazi F.C. Logo.svg
گئچرلی آد باشگاه تراکتور سازی تبریز
لقب(لر) تراختور
تیراختور
آل قوردلار
گئچرسیز آد تبریز تراختور تاخیمی
ایستادیوم یادگار امام ایستادیومو (سهند)
(یئرلشیمی: ۷۵٬۰۰۰ نفر)
مالیک دریک
ایداره‌چی ایران محمدرضا زنوزی مطلق
باش مشقچی ولز جان توشاک[۱]
لیگ ایرانین سوپر لیگی
۱۳۹۶-۹۷ ۱۰ اینجی
وب سایتی www.tractor-club.com
ایفتیخارلاری نایب‌قهرمانلیق خلیج فارس جامی (۳)
قهرمانلیق جام حذفی (۱)
نایب قهرمانلیق جام حذفی (۳)
Kit left arm Tractor 1415h.png
Team colours
Kit body Tractor 1415h.png
Team colours
Kit right arm Tractor 1415h.png
Team colours
Kit shorts Tractor 1415h.png
Team colours
Kit socks Tractor 1415h.png
Team colours
ائو کؤینگی
Kit left arm Tractor 1415a.png
Team colours
Kit body Tractor 1415a.png
Team colours
Kit right arm Tractor 1415a.png
Team colours
Kit shorts Tractor 1415a.png
Team colours
Kit socks Tractor 1415a.png
Team colours
قوناق کؤینگی
Kit left arm Tractor 1415t.png
Team colours
Kit body Tractor 1415t.png
Team colours
Kit right arm Tractor 1415t.png
Team colours
Kit shorts Tractor 1415t.png
Team colours
Kit socks Tractor 1415t.png
Team colours
اوچونجو کؤینگی
Soccerball current event.svg ایندیکی مووسوم
یوخلاما تاریخی: ۱۳۹۶/۱۰/۳۰

تراختور کولتورل و ایدمان تاخیمی و یا تراختور تاخیمی (فارسجا: باشگاه فرهنگی ورزشی تراکتورسازی تبریز‎) ساده‌جه تراختور ، تیراختور و تیرختور تبریزین، ایران فوتبال سوپرلیگ‌ینده فارسجا: جام خلیج فارس‎ ایشتیراک ائدن فوتبال تاخیمی‌دیر. بۇ تاخیم ۱۹۷۰-جی میلادی ایلینده و ۱۳۴۹-جو شمسی ایلینده قورولموش‌دور. تاخیمین حامی‌سی ایران‌نین بؤیوک اؤره‌تیم ائولریندن بیری اوْلان و تبریزده یئر‌لشن تراختور تؤره‌ین اؤره‌تیم ائوی‌دیر. بۇ تاخیم ایران و دونیا فوتبالینا بؤیوک اویونچولار وئرمیشدیر.[۲]

تراختور تاخیمی ۱۳۸۰-۱۳۸۱ ایللره‌جن ایرانین سوپرلیگی‌نده توپ اوْیناییردی، آنجاق او ایلدن آشاغا دسته‌یه دوشوب و ۷ ایل گؤزلمکدن سوْنرا ۱۳۸۸-جی ایلینده یئنیدن ایرانین سوپرلیگینه قاییتدی.[۲] تراختور ۱۳۹۰-۱۳۹۱-جی ایلینده لیگده ایکینجی تاخیم (نائیب قهرمان) چیخاراق آسیا قهرمانلار لیگی‌نه یول تاپدی.[۳]

آد[دَییشدیر]

تاخیم اؤز آدینی اونون رسمی حامی‌سی تبریزین تراختور تؤره‌ین اؤره‌تیم ائوی آدیندان گؤتورموشدور. اینگیلیسجه: tractor سؤزجوگون ایران تؤرکلری "تراختور" یا "تیرختور" دئییرلر. بونا گؤره یانداشلار اؤز سئویملی تاخیملارینی یالنیز تۆرکجه‌ آلقیش‌لاییرلار. یانداشلار تاخیمین آدینی تراختور یازماق ایسته‌ییرلر و کؤینکلر و بایراق‌لارینا تراختور یازیرلار، آنجاق بیر سیرا واختلار خ یازیلی بایراق‌لار و کؤینک‌لری‌له استادیومون ایچینه گئتمه‌یه یول وئرمیرلر.[۴][۵]

ایران ایسلام اینقیلابیندان اؤنجه[دَییشدیر]

تیراختور فوتبال کولوبو-جام تخت جمشید ۱۳۵۴.

تراختور ۱۳۵۴-جی ایلینده جام-ی تخت-ی جمشیده صعود ائتدی. او ایل تراختور ۱۶ تاخیمين ایچینده ۱۶-اینجی اوْلوب سوقوط ائتدی. اونلار بیرایلدن سوْنرا، ۱۹۷۸-اینجی(میلادی)ایلده (۱۳۵۷ ه.ش)، یئنی دن ایرانین سوپرلیگی‌نده ایشتیراک ائتدی‌لر و بئشینجی اوْلدولار. بۇ ایللرده تراختورون باش مشقچی‌سی حسین فیکری ایدی و اویون‌چولاردان پرویز مظلومی، عباس کارگر، ابراهیم کیان طهماسبی و... بۇ تاخیمدا اوْیناییردیلار [۶].تراختور ۱۹۷۹–اینجی ایلده‌ده (۱۳۵۷ه.ش) سوپرلیگده حاضیرایدی و یاریشمالار دورمادان اونجه ۹-اونجوایدی. بۇ ایلده ایران ایسلام اینقیلابی باش توتدوغوندان یاریشمالار دوردورولدو [۷]. بۇ تاخیم ۱۹۷۸ – اینجی ایلده (۱۳۵۶ ه.ش) حذفی جام دا فینالا چاتدی آنجاق ملوان بندر انزلی تاخیمی‌نین اؤنونده اوتوزوب و ایکینجی یئری توتدو[۶].

۱۳۶۰ ایل‌لرینده[دَییشدیر]

۱۳۶۰-اینجی ایل‌لرده ایران لار عیراق آراسیندا دویوش باشلاماق‌لا، ایرانین سوپرلیگی تعطیل اوْلدو و تکجه اوستانی یاریشمالار کئچیریلیردی. او زامان‌لار تراختور تبریزین فوتبال لیگینده اوْیناییردی. ۱۹۸۷-اینجی ایلده (۱۳۶۵ ه.ش)، تراختور و ماشین سازی فوتبال کلوب‌لارینین اویونچولاریندان تشکیل اوْلونان دوغو آذربایجان اوستانینین تاخیمی، اوستانی فوتبال اویونلاریندا فینالا چاتدی، اوتوزوب ایکینجی اوْلدو. او ایللرده احد شیخلاری، حسین قوی فکر، غلام‌رضا باغ‌آبادی و امیرداداش ضیایی تراختورون آدلیم اویونچولاریندان‌ایمیش‌لار. بۇ اویونچولار ایرانین میلّی فوتبال تاخیمیندادا اوْیناییردیلار. بۇ ایللرین سوْنوندا واسیلی قوجا، رومانیالی مشقچی‌سی تراختورا گلدی [۶]. ۱۹۹۰ (۱۳۷۰) ایل‌لری و ۲۰۰۰ (۱۳۸۰) ایل‌لرینین اولی واسیلی قوجا، تراختورون پایه تاخیم‌لارینی نظارت آلتینا آلدی و کلوبون اساس ایشلرینه خیدمت ائتدی. تراختور دییشیلدی و اوغورلو ایللر کئچیردی.[۶][۸]. اونلارین ایرانین سوپرلیگینده بیرینجی قوروپ‌دا ایستیقلال و کیشاورز تاخیمیندان اۆسته بیرینجی اوْلدولار، آنجاق پلئی آف اویونوندا پاس تاخیمینا اوتوزوب اوچونجو اوْلدولار[۹] . بۇ سونوج، تراختورون ان بؤیوک اوغورو ساییلماقدادیر. بۇ ایللرده کریم باقری، سیروس دین محمدی و حسین خطیبی تراختورون اویونچولاری‌ایمیش‌لر[۶]. ایسماعیل حیلالی و علی باغمیشه بۇ تاخیمدان ایرانین میلّی فوتبال تاخیمینا یول تاپدی‌لار. ۱۹۹۵-اینجی ایل‌ده (۱۳۷۳)، تراختور جام حذفی‌نین فینالینا ایکینجی دفعه اولاراق یول تاپدی، آنجاق بهمن تاخیمی‌نین اونونده اوتوزوب ایکینجی اوْلدو. بۇ ایلدن سوْنرا تاخیمین اؤنملی اویونچولاری تاخیمدان گئتدی‌لر و بئله‌لیک‌له تاخیمین ضعیف‌له‌مه‌سی باشلادی. محمد‌حسین ضیایی، قوجانین یئرین تۇتدو و تاخیمین اویونچو-مشقچی‌سی اوْلدو. تراختور ۲۰۰۱– اینجی ایل‌ده (۱۳۷۹)، لیگ‌ده سوْنونجو اوْلدو، بونا باخمایاراق ایرانین فوتبال فدراسیونونون حوکمو ایله، سوپرلیگده قالدی. تراختور ۲۰۰۳-۲۰۰۲ (۸۱-۸۰) ایلینده رضا وطن‌خواه و محمود یاوری نین مشقچی‌لییی‌له یئنی‌دن لیگ‌ده سوْنونجو اوْلدو و آشاغا دسته‌یه یئندی [۶].

بیرینجی دسته‌ده اولان ایللر: ۲۰۱۰-۲۰۰۳(۱۳۸۸-۱۳۸۱)[دَییشدیر]

سیروس دین موحممدی

تراختور یئددی مؤوسومو ایران فوتبالینین بیرینجی دسته‌سینده کئچیرتدی و ائله‌یه بیلمه‌دی سوپرلیگده اویناسین. تراختور بۇ یئددی ایلده، تکجه بیر دفعه پلئی‌آفا چاتدی و شیرین فراز کیرمانشاه تاخیمینا اوتوزماق‌لا سوپرلیگه قالخا بیلمه‌دی. بۇ ایل‌لرده ارنست میدِندروپ، فرشاد پیوس و احد شیخلاری تراختورون باش مشقچی‌سی‌لریندن اوْلوب‌لار. سونرا فراز کمالوند ۲۰۱۰-۲۰۰۹ (۸۸-۱۳۸۷ ه.ش) مؤوسومونده تراختورو سوپرلیگه قایتاردی [۶].

سوپرلیگه قالخماق[دَییشدیر]

تراختور ۸۸ – ۸۷ مؤوسومو ایران فوتبالینین بیرنیجی دسته‌سینده اوینایان سوْنونجو اویونوندا ۱۵.۰۰۰ یانداش‌ین حوضورویلا ائله‌یه بیلدی آلومینیوم-ی هورموزگان تاخیمینی ۲ قول‌لا اوتا و ۵۴ خال‌لا مۆستقیم صورتده ایرانین سوپرلیگ‌ینه قالخا. بۇ ایل‌ده ناصر شفق تراختورون پرزیدنتی و فراز کمالوند بۇ تاخیمین باش مشقچی‌سی ایدی. بۇ اویوندا تراختورون قول‌لارین امیر موحیببی و مسعود ابطحی وورموشدولار. او ایل شاهین بوشهر فوتبال کلوبو، تراختورون دالیجا قره به قره گلیردی و سون اویوندا ۲ هئچه دئیهیم-ی اهوازی اوتسادا ائله‌یه بیلمدی تراختورو قاباق‌لاسین، و تکجه پلئی‌آفا یئتیشدی.[۱۰]

سوپرلیگه قالخان‌دان سوْنرا[دَییشدیر]

تراختور سوپر لیگه قالخان‌دان سوْنرا اول ایل‌ده (ایرانین سوپر لیگینین ۹-اونجو دوررو) یئددینجی [۱۱] و ایکینجی ایل (ایرانین سوپر لیگینین ۱۰-اونجو دوررو) بئشینجی رۆتبه‌نی قازاندی. همین ایل تراختور تاخیمی اخلاق ساری‌دان ان یاخشی تاخیم سئچیلدی [۱۲] .

یانداشلار[دَییشدیر]

تراختورون یانداشلاری ایران فوتبال کلوبلاری یانداشلاری آراسیندا ان چیلغینلاری ساییلیرلار. ایندی بۇ کلوب ایراندا یاشایان تورک‌لرین کیملیک موباریزه‌سینین سیمگه‌لریندن بیرینه چئوریلیب‌دیر. کلوبون یانداشلاری سئویملی تاخیملارینا گئدیش اویونلاریندا دا، تراختورون قوناغی اوْلدوغو تاخیمین ایستادیومونا آخیشماق‌لا، بؤیوک یاردیمچی اولورلار؛ اوزل‌لیکله تهرانین ایستیقلال و پیروزی (پرسپولیس) فوتبال تاخیملاری‌لا گئدیش اویونلاریندا، تهرانین ۱۰۰ مینلیک آزادی ایستادیومونا توپلاشان یانداشلارین ان آزی یاریسی تراختورو آلقیشلاییر.

ایراندا فوتبال ایستادیومونا تاماشاچی توپلاماق رکوردو دا تراختورا مخصوص‌دور. ایرانین یۆکسک فوتبال لیگی‌نین اویونلاری چرچیوه‌سینده تراختورون تبریزین دوغما سهند ایستادیوموندا شیرازین موقاویمت سیپاسی فوتبال کلوبونا قارشی کئچیردیگی اویوندا استادیومونون توتوموندان داها آرتیق یانداش گلیب و بعضی قایناقلارا گوره، سایی ۱۱۰میندن ۱۵۰مین آراسی اوْلان بۇ یانداشلار، اوز دوغما تاخیملارینی حتتا قیراغداکی تپه‌لرین اوستونه چیخاراق، آلقیش‌لاییبلار. تبریزین سهند ایستادیومونون (یادیگار ایمام) بۇ تاخیمین هر اویونونا تاماشا ائتمک اوچون، اورتام دورومدا ۶۰مین نفر یانداش توپلاشیر. رسمی آمارلار اساسیندا تراختور یانداشلاری ۱۳۸۷-۱۳۸۸و۱۳۸۹-۱۳۹۰ اینجی ایلده ایران تاخیملاری آراسیندا ان چوخ تاماشاچی‌لی تاخیم تانیندی.[۱۳][۱۴][۱۵] جان توشاک تیراختور-سایپا اویونونان سورا ددی: یانداشلار بیزه بویوک دستک اولدولار و تیراختورچیلاری لیورپول یانداشلارینا اوخشتوردی. [۱]

قادین یانداشلار[دَییشدیر]

قادینلار

ایراندا قادینلارا فوتبال اویونلارینا تاماشا ائتمک اوچون ایستادیوما گئتمک قاداغان‌دیر. بهانه کیمی ایستادیوملاردا کیشی فوتبال یانداشلاری‌نین بعضن اخلاق‌دان کنار یامانلار سسلندیرمه‌سی گؤسته‌ریلیر. آنجاق تراختور یانداشلارینین ایران فوتبال کلوبلاری یانداشلاری آراسیندا همده ان نظملی-اینتیظاملی یانداشلار ساییلیرلار. بونا گوره‌ده کلوبون قادین یانداشلاری ایستادیوما گیرمک قاداغاسی اوْلدوغونا گوره، سئویملی تاخیملارینی اویونلارینا ایستادیوم اطرافینداکی تپه‌لرین اۆزرینه چیخاراق، تاماشا ائدیرلر. آمّا بۇ عنعنه‌نین باشقا شهرلرده‌ده یاییلاجاغیندان تشویشه دوشن پولیس، سون واختلار بونا قارشی جیددی موباریزه آپاریر؛ حتتا تاخیمین بیر نئچه قادین یانداشی حبس ائدیلمیش و اونلاردان بیر داها فوتبال اویونلارینا تاماشا ائتمک اوچون اطراف تپه‌لره قالخمایاجاقلاری حاقّیندا ایلتیزام آلیندیغدان سوْنرا، آزاد بوراخیلمیشلار.[۱۶][۱۷]

شوعارلار[دَییشدیر]

تراختور و گؤستریش فولاد کولوبون بیرلیگی پوستر

فوتبالدان اۆستون شوعارلار[دَییشدیر]

تراختورون یانداش‌لارینی بعضاً ایسپانیانین کاتالونیا اوستانی‌نین بارسلونا فوتبال کولوبو یانداش‌لاری‌له موقاییسه ائدیریرلر. کاتالان دیلی ایسپانیادا قاداغان اوْلوندوق‌دان سوْنرا، بارسلونانین یانداش‌لاری بۇ تاخیمین هر ائو اویونوندا دوغما نیوکامپ ایستادیومونا آخیشاراق، کاتالانجا میلّی شوعارلار سسلندیرمه‌گه باشلامیش‌لار. حاضیردا ایران تۆرک‌لریده هم تراختورون همده تبریزین باشقا فوتبال کلوب‌لاری —شهرداری و گؤستریش فولادین ائو اویون‌لاریندا ایستادیوملاردا میلّی شوعارلار سسلندیریرلر. تراختورون یانداش‌لاری‌نین تئز-تئز سسلندیردیک‌لری بعضی شوعارلار بونلاردیر:

  • یاشاسین آذربایجان.
  • یئل یاتار، توفان یاتار، یاتماز تراختور بایراغی.
  • آذربایجان وار اولسون، ایسته‌مه‌ین کور اولسون.
  • آذربایجان یوردوموز، تراختور بوزقوردوموز.
  • تۆرک دیلینده مدرسه، اولمالی‌دیر هر کسه.

تهراندا کئچیریلن اویون‌لاردا بعضاً تهران کلوب‌لاری‌نین یانداش‌لارینین تورک‌لره قارشی سسلندیردیکلری ایریقچی شوعارلارا تراختور یانداش‌لاری‌نین وئردیک‌لری جاوابین نتیجه‌سینده، تبریز تاخیمی جزالاندیریلیب و ائو اویون‌لاری‌نین بیر نئچه‌سینی یانداش یاردیمی اولمادان، تاماشاچیسیز ایستادیومدا کئچیرمه‌لی اوْلوب‌دور.[۱۸][۱۹][۲۰][۲۱]

فوتبالا جوشغو قاتان فرقلی شوعارلار[دَییشدیر]

  • تیراختورون غلبه قازانماسیندان و یا مغلوب اولماسیندان آسیلی اولمایاراق، اونلار سئویملی تاخیم‌لارینی آلقیش‌لاییرلار. حتتا تاخیم اوزو قول یئیه‌نده استادییوندا "عئیبی یوخ، عئیبی یوخ" سسلری ائشیدیلیر.
  • جوْشغو و هیجان قالخدیقجا و تاخیم سالدیریب قولا یاخینلاشاندا دئییرلر: "تیراختور حمله ائله، جیریق یئرین تاپمیسان".
  • تیراختورا داها جوش جوشغو وئرمک ایچین، "هئی هئی" دئییلیر.
  • تیراختور یانداشلاری هر قونودا باشقا تاماشاچیلارلا فرقلی دیرلر. رقیب تاخیم اویونچولاری واخت کورلایاندا، یئره اوزانیب اؤزلرینی مصدومیته ووراندا، دئییرلر: "عشقعلی تابوت گتیر، ائششک اؤلوب تئز گتیر".

اۇرمو گؤلو[دَییشدیر]

تراختورون یانداش‌لاری تکجه اوز دوغما تاخیم‌لارینی آلقیش‌لاماق‌لا کیفایتلنمه‌ییب، آذربایجانین بوتون توپلوم‌سال سورون‌لاری‌نا اوز موناسیبت‌لری‌نی بیلدیرمه‌یه، حاق‌سیزلیق‌لارا قارشی ائعتیراض سس‌لرینی اوجالتماغا چالیشیرلار. حاضیردا بئله سورون‌لاردان بیری، گونئی آذربایجانین سیمگه‌لریندن بیری ساییلان اورمو گؤلونون گئت-گئده قوروماسی‌دیر. تراختورون ۱۳۸۹اونجو ایلینده کئچیردیگی ائو اویون‌لاریندان بیرینده ایستادیوم‌دا "اورمو گؤلو سس‌لنیر، سوسوزام هارای هارای" شوعاری سس‌له‌ندی. بونون نتیجه‌سی اولاراق، ۱۳۹۰اینجی ایلین فروردین آیینین اون‌اوچونده تبریزدن، اورمودان و گونئی آذربایجانین دیگر بؤلگه‌لریندن اوْلان یوزلرله تراختور یانداشی‌نین هر بیری اورمو گولونون اوستونده‌کی کورپودن گوله بیر قاب سو توک‌دولر. بوندان سوْنرا اورمو گؤلونه گلن هر بیر آدام جیددی پولیس یوخلانیشیندان کئچیریلیر و بعضی معلومات‌لارا گؤره بۇ گونه‌جن بۇ کامپانییایا قوشولماق ایسته‌یه‌ن ۱۰۰دن آرتیق تراختور یانداشی مووققتی گؤز آلتینا آلینیب‌دیر.[۲۲]

مارشلار[دَییشدیر]

تراختور ایران‌دا اؤزونه مخصوص مارش و ماهنیلاری اوْلان ایلک فوتبال کلوبلارینداندیر. بۇ مارشلاردان "باریش کوْر قوروپو"نون یازیب ایفا ائتدیگی "یاشا، یاشا تراختور" ماهنی‌سی فوتبال کلوبۇ طرفیندن رسمی مارش کیمی قبول ائدیلمیش‌دیر

تراختور فوتبال کلوبونون فوتبال آکادمی‌سی[دَییشدیر]

موردادآیی‌نین ایکینجی بولوموندن، فوتبال آکادمی‌سی‌نین قورماغی اوچون پلان‌لار توکولوب و حاضیرلیق‌لار آپاریلیب و شهریور آیی‌نین ۱ -یندن (۱۳۹۰ گۆنش‌ ایلی/۲۰۱۱ میلادی) رسمی صورت‌ده کیلاس‌لاردا آد یازماق باشلانیب. مهر آیی‌نین ۸-ایندن ۱۲۰ اویرنجی‌له آکادمی‌نین باشلانیش توره‌نی کئچیریلیب.

تراختور فوتبال کلوبونون فوتبال آکادمی‌سی ایراندا، آسیا فوتبال کونفدراسیونون قانون‌لاری اساسیندا تشکیل تاپمیش ایلک آکادمی‌دیر.[۲۳].

اویون‌چولار[دَییشدیر]

مهدی کیانی، اؤنجه‌کی کاپیتان.
نومره موقئع اوْیونچو
۱ ایران قاپی‌چی محسن فروزان
۲ ایران مودافیعه‌چی محمد طیبی
۳ ایران مودافیعه‌چی رضا شربتی
۵ ایران مودافیعه‌چی علی عبدالله‌زاده
۶ ایران هافبک علیرضا نقی‌زاده
۷ ایران هافبک مسعود شجاعی Captain sports.svg
۸ ایران هافبک علی طاهران
۹ ایران هافبک مهدی مهدی‌پور
۱۰ ایران هافبک احسان پهلوان
۱۱ ایران هافبک دانیال اسماعیلی‌فر
۱۶ ایران هافبک محمدرضا مهدی‌زاده
۱۷ ایران هۆجومچو محمدرضا آزادی
۱۹ ایسکاتلند هافبک لی اروین
نومره موقئع اوْیونچو
۲۱ ایران هافبک اشکان دژاگه
۲۲ ایران قاپی‌چی علیرضا حیدری
۲۴ ژاپون هافبک یوکیا سوقیتا
۲۶ ایران مودافیعه‌چی احسان حاج‌صفی
۲۸ ایرلند هۆجومچو آنتونی ایستوکس
۲۹ ایران مودافیعه‌چی ایمان سلیمی
۳۲ ایران هافبک حامد حسینعلی‌زاده
۳۳ ایران قاپی‌چی مهدی محمدیان
۴۰ ایران مودافیعه‌چی علی اسماعیلی
۷۰ ایران مودافیعه‌چی امیر نصر آزادانی
۷۸ ایران هۆجومچو سبحان خاقانی
۹۹ ایران هافبک قائم اسلامی‌خواه

مشقچیلر[دَییشدیر]

ایندیکی مشقچی‌سی
 
آد وطنداش‌لیغی ایل
محمد بیاتی ایران ۱۳۴۹–۱۳۵۴
حسین فکری ایران ۱۳۵۴–۱۳۵۷
هدایت مهابادپور ایران ۱۳۶۷–۱۳۶۹
واسیلی گوجا رومانی ۱۳۶۹–۱۳۷۶
محمدحسین ضیایی ایران ۱۳۷۶–۱۳۷۷
بوریس تیبیلوف روسیه ۱۳۷۷
فیروز کریمی ایران ۱۳۷۷–۱۳۷۸
ستار نوبری ایران ۱۳۷۸
محمدحسین ضیایی ایران ۱۳۷۸–۱۳۷۹
رضا وطن خواه ایران ۱۳۷۹–۱۳۸۰
ستار نوبری ایران ۱۳۸۰
محمود یاوری ایران ۱۳۸۰–۱۳۸۱
احد شیخ‌لاری ایران ۱۳۸۱–۱۳۸۲
واسیلی گوجا رومانی ۱۳۸۲
حمید علیدوستی ایران ۱۳۸۲–۱۳۸۳
محمدحسین ضیایی ایران ۱۳۸۳
ارنست میدندروپ آلمان ۱۳۸۳–۱۳۸۴
نام وطنداش‌لیغی ایل
فرشاد پیوس ایران ۱۳۸۴–۱۳۸۶
احد شیخ‌لاری ایران ۱۳۸۶–۱۳۸۷
فراز کمالوند ایران ۱۳۸۷–۱۳۹۰
امیر قلعه نویی ایران ۱۳۹۰–۱۳۹۱
تونی اولیویرا پورتوقال ۱۳۹۱–۱۳۹۲
حسن آذرنیا (موقت) ایران ۱۳۹۲
مجید جلالی ایران ۱۳۹۲
غلامرضا باغ‌آبادی (موقت) ایران ۱۳۹۲
تونی اولیویرا پورتاغال ۱۳۹۲–۱۳۹۳
رسول خطیبی ایران ۱۳۹۳
تونی اولیویرا پورتاغال ۱۳۹۳–۱۳۹۴
امیر قلعه نویی ایران ۱۳۹۴–۱۳۹۶
یحیی گل محمدی ایران ۱۳۹۶
مجتبی حسینی(موقت) ایران ۱۳۹۶
ارتوغرول ساغلام تورکیه ۱۳۹۶-۱۳۹۷
جان توشاک ولز ۱۳۹۷-ایندی

سونوجلار[دَییشدیر]

تخت‌جمشید جامی:

  • تخت‌جمشید جامی ۵۵ – ۵٤: روتبه ۱۶
  • تخت‌جمشید جامی ۵۷ – ۵٦: روتبه ۵

آزادیگان جامی:

  • آزادیگان جامی ۷۱ – ۷۰: روتبه ۱۰
  • آزادیگان جامی ۷۲ – ۷۱: روتبه ۶
  • آزادیگان جامی ۷۳ – ۷۲: روتبه ۸
  • آزادیگان جامی ۷٤ – ۷۳ : روتبه ۱۵
  • آزادیگان جامی ۷٦ – ۷۵ : روتبه ۱۱
  • آزادیگان جامی ۷۷ – ۷٦ : روتبه ۹
  • آزادیگان جامی ۷۸ – ۷۷ : روتبه ۱۱
  • آزادیگان جامی ۷۹ – ۷۸ : روتبه ۶
  • آزادیگان جامی ۸۰ – ۷۹ : روتبه ۱۲

سوپرلیگ:

  • سوپرلیگین بیرینجی دوورو ۸۱ – ۸۰: روتبه ۱۴

بیرینجی دسته‌نین لیگی:

  • بیرینجی دسته‌نین لیگی ۸۲ – ۸۱: روتبه ۳
  • بیرینجی دسته‌نین لیگی ۸۳ – ۸۲: روتبه ۸
  • بیرینجی دسته‌نین لیگی ۸٤ – ۸۳: روتبه ۵
  • بیرینجی دسته‌نین لیگی ۸۵ – ۸٤: روتبه ۲
  • بیرینجی دسته‌نین لیگی ۸٦ – ۸۵: روتبه ۱
  • بیرینجی دسته‌نین لیگی ۸۷ – ۸٦: روتبه ۴
  • بیرینجی دسته‌نین لیگی ۸۸ – ۸۷: روتبه ۱

سوپرلیگ:

  • سوپرلیگین دوققوزونجو دوورو ۸۹– ۸۸: روتبه ۷
  • سوپرلیگین اونونجو دوورو ۹۰– ۸۹: روتبه ۵
  • سوپرلیگین اونونجو دوورو ۹۱– ۹۰: روتبه ۲
  • سوپرلیگین اونونجو دوورو ۹۲– ۹۱: روتبه ۲
  • سوپرلیگین اونونجو دوورو ۹۳– ۹۲: روتبه ۶
  • سوپرلیگین اونونجو دوورو ۹۴– ۹۳: روتبه ۲
  • سوپرلیگین اونونجو دوورو ۹۵– ۹۴: روتبه ۴
  • سوپرلیگین اونونجو دوورو ۹۶– ۹۵: روتبه ۳
  • سوپرلیگین اونونجو دوورو ۹۷– ۹۶: روتبه ۱۰

حذفی جام:

  • ۱۳۵۵: روتبه ۲
  • ۱۳۷٤: روتبه ۲
  • ۱۳۹۲: روتبه ۱

رسیم‌خانا[دَییشدیر]

ائشیگه باغلانتی[دَییشدیر]

قایناقلار[دَییشدیر]

  1. خبرگزاری تسنیم - Tasnim. جان توشاک سرمربی تراکتورسازی شد - اخبار تسنیم - Tasnim (fa). یوخلانیلیب ۲۰۱۸-۰۶-۰۸.
  2. ۲٫۰ ۲٫۱ تراکتورسازی تبریز به لیگ برتر فوتبال ایران صعود کرد، خرداد ۱۳۸۸، خبرگزاری جمهوری اسلامی
  3. فارس نیوز (91/12/06). (فارسجا) تراکتورسازی چگونه آسیایی شد. فارس نیوز خبرگزاریسی. یوخلانیلیب ۲۰۱۵-۰۸-۳۱.
  4. تراختور کیست؟
  5. سرخابی هستید یا طرفدار تراختور؟
  6. ۶٫۰ ۶٫۱ ۶٫۲ ۶٫۳ ۶٫۴ ۶٫۵ ۶٫۶ حدادپور، مهدی. "تراختور... شیرِ". روزنامه ورزشی گل. ۲۰ خرداد ۱۳۸۸.سال چهارم شماره ۹۶۲، صفحه ۵
  7. کتاب ۳۴ سال با پرسپولیس (از سال ۴۷ تا سال ۸۱)نویسنده: صداقت، فرهاد، چاپ اول، تبریز، شهریور ۱۳۸۱، صفحه ۹۱ تا ۹۴، شابک 964-06-1693-1
  8. گزارش ویژه درباره پدیده سال تراکتورسازی و هوادارانش ۲۹ اسفند ۱۳۸۸، رستمی، حمید
  9. کتاب: ۳۴ سال با پرسپولیس (از سال ۴۷ تا سال ۸۱) صداقت، فرهاد،چاپ اول، تبریز،شهریور ۱۳۸۱،ص ۱۰۸،شابک 964-06-1693-1
  10. تراکتور سازی تبریز به لیگ برتر صعود کرد
  11. لیگ برتر نهم از نگاه آمار
  12. تراکتور سازی بهترین تیم لیگ دهم
  13. تبریزی‌ها رکورد حضور تماشاگر را شکستند، ۱۷ بهمن ۱۳۸۸، خبرگزاری فارس
  14. عزیزمحمدی: تراکتور رکوردار تماشاگران لیگ برتر است، ۲۸ فروردین ۱۳۸۹، فوتبال سه
  15. تراکتورسازی پرتماشاگرترین تیم لیگ برتر فوتبال شد، خبر گزاری مهر، مه۲۰۱۱
  16. زنان و کودکان تماشاگران ویژه تراکتورسازی و پرسپولیس، 27 فروردین 1389، خبرآنلاین
  17. حضور تعدادی از هواداران زن تراکتورسازی تبریز در بازی رفت روز جمعه، یاری‌یول، تبریزسسی
  18. محرومیت تراکتور دلیل اصلی کاهش آمار تماشاگر در لیگ برتر
  19. جعفری :داخل فدراسیون جریانی است که نمی‌خواهد تماشاگران تراکتور بخشیده شوند
  20. محروميت تماشاگران تراکتورسازي بخشيده نشد
  21. نامه عباسی به کفاشیان برای بررسی رفع محرومیت تماشاگران تراکتور
  22. شعار زیبای هواداران تراکتور
  23. آکادمی فوتبال تراکتورسازي افتتاح شد، کد خبر : 52655 زمان ارسال : سه‌شنبه 12/07/1390 10:40