تندیر

ویکی‌پدیا، آچیق بیلیک‌لیک‌دن
پرش به ناوبری پرش به جستجو
تندیر

تندیر — ایستی‌لنمک اوچون ایستیفاده ائدیلن بیر نؤوع مانقال. یئره چوخور قازیلاراق ائدیلن خوصوصی بیر سوبایا دا داندیر دئییلیر. 

تندیرده مانقال کؤمورو، اودون کیمی یاناجاق‌لار ایستیفاده ائدیلر. عومومیتله بورادا چؤرک بیشیریلر و ات قیزاردیلار. 

تندیرقویما[دَییشدیر]

تندیر اوچون لازیم اولان ساری تورپاق قزیل، سامان، آت قیلی و س. قاریشدیریلیب علاوه  اولوناندان سونرا یاخشی-یاخشی حاصیل ائدیلیر، سونرا تندیرین بادی (دیواری) قویولوردو. تندیرین دایره‌سی یوخاری‌یا گئتدیکجه کیچیلیر، بادین قالین‌لیغی، هامارلیغی تندیرقویانین اوستالیغیندان آسیلی ایدی. تندیر قویولوب باشا چاتاندان سونرا او، یاخشی قورومالی ایدی. تندیرین چاتلاماماسی، اوْووُلماماسی اوچون اونو اوستواؤرتولو یئرده، چوخ واخت سال داشلارین اوستونه قویوردولار. بئله‌لیکله، تندیر نمدن، یاغیشدان قورونوردو. تندیرین بئلینده دمیر مفتیلله کمر ده قویولوردو. کمرین اوسته تندیرین ایچری طرفینده خئیلی چیخینتی‌لار قویولوردو. بو چیخینتی‌لار کاباب شیشینی ساخلاماق اوچون قویولوردو. چونکی تندیر کابابی کند آدام-لاری نین لذیذ یئمک‌لریندن ساییلیردی. یاخشی قورویان تندیری آلتیندان کندیر سالیب بیر نئچه نفرله لازیمی یئره آپاریر، اونو بوغازینا قدر تورپاق-داشلا دولدورور، آشاغیدا کولفه قویوردولار. اوّلجه تندیرین ایچینه آز-آز تزَک قویوب یاندیریردیلار. یاناجاغی تدریجاً آرتیریردیلار. چونکی تندیرین بادی هر آن چات وئره بیلردی. تندیرین ایستی‌یه داواملی‌لیغینی تام یقین‌لشدیرندن سونرا اورادا چؤرک بیشیرمک اولاردی. تندیرین اوستونه ایکی بارماق ائنینده تخمیناً 1 م اوزون‌لوغوندا دمیر چوبوق قویوردولار. بونا ائل آراسیندا خچیرگت دئییردیلر. تندیرین آغزینا ساچ (قاپاق، دایره‌وی اولوردو) قویوردولار. تندیرین باشیندا دؤرددایاق، اوخلوو، رفه‌ته، تندیرین کوخاسینی قویوردولار. طبیعی کی، چؤرک-بیشیرمه زامانی ائو قادینی بونلاردان ایستیفاده ائدیردی. 

کندده عادتاً ایکی نؤو تندیردن (بؤیوک تندیر، اوجاق تندیری) ایستیفاده ائدیردیلر. بیرینجیده تندیر چؤرگی، لاواش، فتیر، کته، قاتلاما بیشیریردیلر. ایکینجی نؤو تندیر (اوجاق تندیری) نیسبتاً بالاجا ایدی. اوندان اساساً یئمک بیشیرنده ایستیفاده ائدیردیلر.  

قایناق‌لار[دَییشدیر]