تومریس

ویکی‌پدیا، آچیق بیلیک‌لیک‌دن
پرش به ناوبری پرش به جستجو
Tomyris Plunges the Head of the Dead Cyrus Into a Vessel of Blood by Alexander Zick.jpg

تومریس (ایران دیللری تهم ایری /Tahmirih یعنی جسور، شجاع[۱]) ـ ماساکت(ماساژت) لرین ایمپیراتورو ایدی.

ایران دیللری

تاریخی قایناقلاردا[دَییشدیر]

هرودوت کيتابيندا يئر آلان تاریخی باش وئرمیش ایشلردن ايران شاهي کوروشون 529 ایل میلاددان قاباخ ايلده اؤلدورولمه سي ايله باغليدير.

کوروش بوگونکو آذربایجان تورپاغیندا ، آراز چايي نین قوزیینده اولان ماساکت شاهلیغینا اوردو چکماقدا اؤلدورولموشدو.

بو دؤیوشده ماساکتلرين قهرمانی اؤلدورولموش شاهي‌نين دول قاديني تومروس خاتون دير.

هردوت يازير: " ماساکت‌لر، چوخ‌سايلي و جسور بير طايفا اولوب. اونلار گونشين دوغوشو ايستيقامتينده دوغودا، آراز چايي نين آرخاسيندا ياشاييرديلار. " بعضیلری اونلاري ایسکيت(اوشکوز) طايفالاريندان سايير. ماسساکتلرين شاهي اؤلموش، طايفانين باشينا اونون دول قاديني توميريس کئچميشدي. کوروش اؤز ائلچيلريني گؤندره رک، و سلیمان کیمی اونونلا ائولنمک ايسته ديگيني بيلديردي.سلیمان پئیغمبر بیلقیس(بیلگه قیز) ایله ائولندیر و چوخ گوجلو بیر ائلی اله گتیردیر و کوروش اونون تک تومروس خاتون ایله ائولنماق ایستییب و بو ایشده ماساکت یئرین اله گتیرماغا چالیشیردی. آنجاق توميريس آنلادي کي، کير اونونلا ائولنمک يوخ، بۇ يوللا ماسساکت چارليغيني اله کئچيرمک ايسته يير و ائله بونا گؤره ده همين تکليفي ردد ائتدي. بئله اولدوقدا کوروش حيله سی ایله اؤز ايستگينه نايل اولا بيلمه ديگيني گؤروب، ماسساکتلر اوزرينه آچيق هوجوما کئچدي. آراز چاييندان کئچمک اوچون کير گميلردن کؤرپو دوزلتمک و همين گميلرين اوزرينده قوللـه لر قورماق حاقدا امر وئردي.

کوروشون قوشونو بۇ ايشلرله مشغول اولارکن تومروس جارچيلاري چاغيريب، اونلارين ديلي ايله کوروشا بئله بير موراجيعت ائتدي: " ائي ميدييا حؤکمداري! اؤز نيتيندن گئري چکيل. آخي سن ايره‌ليجه‌دن بيله بيلمزسن کي، بۇ کؤرپولرين قورولماسي سنه خئييردير، يوخسا زييان؟ بۇ ايشين باشيني بوراخ، گئت اؤز اؤلکنده شاهليق ائله و بيزيم اؤز اؤلکه ميزده حؤکمرانليق ائتمه ميزه پاخيلليغين توتماسين. آنجاق سن البت کي، بۇ مصلحته قولاق آسماياجاق و اؤز بيلديگين کيمي حرکت ائده جک، آراميزداکي باریشی پوزاجاقسان. اگر سن ماسساکئتلرين اوزرينه هوجوما کئچمگي بئله چوْخ ايسته ييرسنسه، کؤرپو قورولماسيني داياندير. راحاتجا اؤلکه ميزه گير، بيز قوشونلاريميزي چايدان اوچ گونلوک مسافه يه گئري چکريک. يوخ، اگر سن بيزي اؤز تورپاغينا بوراخماق ايسته ييرسنسه، ايشيني داوام ائلتدير. " بۇ موراجيعتدن سونرا کوروش فارس اعيانلاريني اؤز يانينا چاغيرتديريب، اونلاردان مصلحت ايسته يير. هامي بير آغيزدان مصلحت گؤرور کي، توميريسين قوشونونو بورادا گؤزله مک داها مقصدويغوندور.

تومریس آنا

موشاويره ده ايشتيراک ائله ين ليدييالي کرئز ايسه بۇ قرارين علئيهينه چيخير. " منه بئله گلير کي، بيز گرک چايي کئچه رک، اؤلکه نين ايچريلرينه دوغرو ايره ليله يک. اونلار گئري چکيلديکجه بيز ايره ليله يک. من بيلن فارس حيات طرزي نين گؤزلليکلري و بيزيم آلديغيميز بؤيوک حض و لذتلر ماسساکئتلره معلوم دئييل. بونا گؤره ده من دوشونورم کي، بيز گرک اؤز دوشرگه ميزده اونلار اوچون قوناقليق دوزلدک، چوخلو قويون کسک، ماسالارين اوستونه شراب و جوربجور يئمکلر دوزک. بوتون بونلاردان سونرا آز ميقداردا قوشونو اوردا ساخلاييب، قالانلاري ايله چايا طرف گئري چکيلک. اگر من اؤز دوشونجمده يانيلميرامسا، دوشمن بۇ تله يه دوشه رک، اؤزونو نئعمتلريميزين اوستونه آتاجاق و بيزيم بؤيوک هونرلر گؤسترمه ميز اوچون شراييط ياراناجاقدير. "

بئله ليکله، مشورتچيلرين فيکيرلري هاچالانير.کوروش اؤزونون اولکي فيکريندن داشيناراق، کرئزين تکليفينه طرفدار چيخير. شاه توميريسه خبر گؤندرير کي، بيز سنين اؤلکنه کئچمک ايسته ييريک، گئري چکيل. توميريس ده سؤزونه عمل ائده رک قوشونونو گئري چکير. بئله اولدوقدا کوروش کرئزي اؤز واريثينه- اوغلو کامبيزه حواله ائدير. شاه اوغلوندان ايصرارلا خواهيش ائدير کي، کرئزه حؤرمت گؤستريلسين و (گر ماسساکئتلر اوزرينه هوجوم باش توتماسا) اونو حيمايه ائتسين. بئله ليکله، کير کامبيزي ايرانا گؤندريب، اؤزو قوشونلا بيرگه چايي کئچير. بير گونون ايچينده آرازي کئچن کوروش کرئزين تکليفينه عمل ائدير. دوشرکه سينده ان ضعیف دسته سيني قوياراق، اؤزو گوجلو قوشونلاري ايله گئري چکيلير. ماسساکئت حيصه لري دوشرگه يه هوجوم چکيب، ضعیف فارسلارا قلبه چالير. کرئزين دئديگي کيمي، غلبه ني قئيد ائتمک ده ياددان چيخمير. يئييب-ايچديکدن سونرا ماسساکئتلري يوخو توتور. بئله ليکله، اونلار يوخودا ايکن فارسلارين هوجومونا معروض قالير، بير چوخلاري اؤلور، بير چوخلاري ايسه اسير دوشورلر. ماسساکئتلرين سرکرده سي، توميريسين اوغلو اسپارقاپيس ده اسير دوشنلرين ايچريسينده ايدي.

توميريس قوشونونون و اوغلونون عاقيبتيندن خبر توتان کيمي کوروشون يانينا چاپار گؤندرير. چاپار دئيير: " قانيچن کوروش! اؤز هونرينله اؤيونمه! شراب باشا ووراندا سيز فارسلار بۇ اوزوم سويوندان مست اولور و لياقتسيز سؤزلر دانيشارسينيز. باخ، ائله همين زهريمارلا دا سيز منيم اوغلومون قوشونونا قاليب گليبسيز. اگر حيله ايله غلبه چالماسايدينيز، شرفلي دؤيوشده سيلاح گوجونه هئچ نه ائله يه بيلمزدينيز. ايندي گل ماسساکئتلرين اوچونجو حربي حيصه سيني يئنندن سونرا خوشلوقلا منيم مصلحتيمه قولاق آس: اوغلومو قايتار و نئجه گلميسنسه، ائلجه ده ساغ-سالامات چيخ گئت. اگر بونو ائتمه سن، آند اولسون بوتون ماسساکئتلرين پناهي اوْلان گونش آللاهينا کي، من دوغرودان دا سني قان گؤلونده بوغارام. "

تومریس خاتون و کوروشون کسیلمیش باشی

کوروش ايسه بۇ سؤزلره اهميت وئرمه دي. توميريسين اوغلو اسپارقاپيس شرابين دوماني باشيندان چکيلن کيمي هانسي وضعيته دوشدويونو آنلايير و کوروشدان اللريني آچديرماسيني خواهيش ائدير. اللري آچيلان کيمي شاهزاده اؤزونو اؤلدورور.

توميريس کوروشون مصلحته قولاق آسماديغيني بيلن کيمي اؤز قوشونو ايله فارسلار اوزرينه هوجوما کئچير. بو، منيم ظنيمجه، باربارلار آراسيندا باش وئرميش ان قانلي دؤيوش ايدي. دؤيوشون گئديشي حاقدا منه معلوم اولانلار بونلاردير: اولجه دوشمن قوشونلاري اوز-اوزه دوراراق، اوزاقدان بير-بيريني اوخا توتدولار. سونرا نيزه و خنجرله ال به ياخا دؤيوشه کئچديلر. دؤيوش اوزانير، هئچ کيم گئري چکيلمک ايستميردي. نهايت، ماسساکئتلر غلبه چالديلار. آز قالا فارسلارين هاميسي دؤيوش مئيدانيندا هلاک اولدو. کوروشون اؤزو ده اؤلدورولدو. اونون 29 ايلليک حاکيميتينه سون قويولدو. توميريس شراب باده سيني اينسان قاني ايله دولدوراراق، کوروشون جسديني تاپماغي امر ائتدي. اونون باشيني بادنين ايچينه سوخاراق.بئله سؤيله دي: " من ساغ قالسام دا، سن مني محو ائتدين. سن حيله گرليکله منيم اوغلومو اليمدن آلدين. من دئميشديم کي، سنه قان ايچيرده جگم. ايندي نه قدر ايسته ييرسن، ايچ بۇ اينسان قانيندان. "

بئله ليکله، فارسلارين بؤيوک ميدييانين خاراباليقلاري اوزرينده قوردوقلاري ايران دؤولتي نين ايلک شاهي شرفسيز شکيلده قادين الينده محو اولدو.

قایناق‌لار[دَییشدیر]

  1. For the etymology see: F. Altheim und R. Stiehl, Geschichte Mittelasiens im Altertum (Berlin, 1970), pp. 127–8