خان-وزير(اویون)

ویکی‌پدیادان، آچیق بیلیک‌لیک‌دن

خان-وزیرآذربایجاندا ان چوخ یازقاباغی (بایرام قاباغی) گونلرده، ائلجه ده دیگر فصیللرده اساساً اوشاق و گنجلر آراسیندا، گئنیش شکیلده اوینانیلان قدیم اویونلاریندان بیریدیر.

اویونون قایدالاری[دَییشدیر]

بو اویوندا بئش (7، 9 و س.) نفر ایشتیراک ائدیر. هر هانسی بیر یئرده اوووج بویدا بیر چالا قازیلیر. بئش(7،9 و س.) خیردا داش گؤتورولور. اویونچولار نؤوبه ایله بئش آددیملیقدا دایانیب بو داشلاری اوووجون ایچینده ساخلاماقلا چالایا آتیرلار. اگر داشین اوچو (5، 7 و س.) اورایا دوشرسه، او اویونچو چالا‌نین بیر طرفیندن دوروب خان اعلان ائدیلیر. داشین ایکیسی(4، 6 و س.) چالایا دوشرسه، همین اویونچو اؤزونو وزیر اعلان ائدیر، بیر (2، 3 و س.) داشی چالایا دوشن اویونچو ایسه یا خانا، یادا وزیره "آت" اولور. بئله‌لیکله، اویونون گئدیشینده "خان" ،"وزیر" و اونلارین "آتلاری" معلوم اولور. اویون قیزیشدیقجا، یئنی داشلار چالایا آتیلدیقجا، اویونچولارین ایفا ائتدیگی روللار دَییشیلیر. بو زامان خا‌نین حؤکمو یئرینه یئتیریلیر. خان: "آتلا‌نین!" - امری وئردیکده، وزیر و خان آت روللارینی آپارانلارین چیگینلرینده اوتورورلار.

اویونون سونراکی گئدیشینده هئچ بیر رول الده ائتمه‌ین اویونچو – یعنی بئشینجی(7، 9 و س.) آدام، روللارین یئنیدن دَییشیلمه‌سینه سبب اولور. بئله کی، اگر او، داشین بئشینی(7، 9 و س.) ده چالایا سالارسا، اوندا بئشینجی(7، 9 و س.) آدام "موحاریبه " اعلان ائدیر و خانلا وزیر آت اوستونده حاکیمیت اوغوروندا ووروشورلار. اگر وزیر غلبه چالارسا، خانلا یئرینی دَییشیر. یوخ، اگر خان غالیب گلرسه، اؤز یئرینده قالیر. اگر بئشینجی آدام داشلارین دؤردونو چالایا سالارسا، او، حاکیمیتین دَییشیلدیگینی اعلان ائدیر. یعنی خالقی تمثیل ائدن آتلار ، خان و وزیر اولور، خانلا وزیر ایسه آتلارین یئرینی توتورلار.

بئله‌لیکله، اویون بو شکیلده داوام ائدیر.