دانیشیق:نصرت آباد قاراداش
آدلارین تلفوظو و یازیلماسی[دَییشدیر]
@: آلپ‌ار تونقا بی، سلام. نصرت آباد نئجه تلفوظ اولونور؟ Nüsrət کیمی تلفوظ اولمور مو؟ حؤرمتله -- Bir Morty (دانیشیق) ۲۸ دسامبر ۲۰۱۸، ساعت ۱۹:۰۴ (UTC)
ایشلدن:Bir morty بی سلام، یازی قوراللاریندا بئله دئییلیبدبر:
۹/۷- فارسجا و عربجه شخص آدلاری‌نین یازیلیشیندا اۇرژینال ایملا قوْرونمالیدیر: محمّد، حسین، ابوالقاسم، منوچهر، کاظم، عبدالناصر، سعودالفیصل، کبری، ساعد، هیئت.
بۇ موردده بیر دفعه ده ایشلدن:M.XIII بی له بئله دانیشدیق و اونلار دا قانع اولدولار کی منطقی دئییل مثلا نصرت عظیمی آدلی بیر کیمسه‌نین مقاله‌سینده نصرت یازااق آنجاق نصرت آباد آدلی بیر یئرین مقاله‌سینده نوصرت یازاق. فارسلار دئمیشکن یا رومی رومی یا زنگی زنگی.آلپ ار تونقا✉ ۲۹ دسامبر ۲۰۱۸، ساعت ۱۸:۱۹ (UTC)
- حؤرمتلی آلپ‌ار تونقا بی، نئچه نۆکته: ۱. یازی قوراللاری دئییر جوغرافی آدلارینی ایمکان داخیلینده تلفوظلا توتوشدوراق. ۲. دۆزدور نۆصرت شخص آدی دیر، آنجاق منجه جوغرافی یئر آدیندا گلنده، داها شخص آدی کیمی ایشلنمه‌مه‌لیدیر. نئجه کی مثلا "هئیت" شخص آدیندا گلنده اوْرجینال یازیلیشی قوْرونور، آما باشقا یئرلرده "هئیأت" یازیلیر.(یازی قوراللاری‌نین ۲/۲-جی بندی‌نین ۳-جۆ بؤلومو) یا مثلا "ثریا" شخص آدی اوْلاندا اصیل یازیلیشی قوْرونور، آنجاق باشقا یئرلرده "ثۆریا" یازیلیر. (یازی قوراللاری‌نین ۳/۱-جی بندی) ۳. یازی قوراللاری دئییر دوْغمالاشمیش شخص آدلارینی تلفوظلا اویغون شکیلده یازابیلریک، منجه "نۆصرت‌آباد" ترکیبینده‌کی نۆصرت آرتیق دوْغمالاشمیش. آیری میثال: ممدآباد محله آدی دیر، بونو محمدآباد یازماق بیراز گۆلونج دۆر. ۴. یا زنگی زنگی، یا رومی رومی‌نی ده یازی قوراللاریمیز ۹/۸-جی بندی ایله نقض ائله‌ییر ذاتاً :) حؤرمتلی M.XIII بی، لۆطفا سیز ده نظریزی بو قوْنو ایله ایلگیلی بۇیورون. سایغیلاریملا -- Bir Morty (دانیشیق) ۲۹ دسامبر ۲۰۱۸، ساعت ۲۰:۰۴ (UTC)
- حؤرمتلی ایشلدن:Bir morty سیزدن قاباق من ده بئله بیر فیکریم وارایدی. بو مسئله گۆنلوک دانیشقدا ایشلنن کلمه/آد لارا یئتیشنده ده تکرار اوْلور مثلا؛ مظفرالدین شاه ساواشدا مۆظفر اوْلدو. فاتح/فاتیح،قربان/قوربان... بئله بیر حاللاردا طبیعی کی کلمه‌لر ایکی ایملالی اوْلمالیدیرلار. سؤز شهر/مکان آدلارینا گلنده جریان بیرآز فرقلی اوْلور مثلا سیز بۇیوروسوز ممدآباد دوْغمالاشیب به ندن ممدآوا دئمیرسیز (چوْخلو یئرلرده آباد "آوا" تلفوظ اولور)؟ بیلدیگینیز کیمی منطقه دن منطقه‌یه فرقلی تلفوظلارا راست گلریک بونلاری نئجه ایستاندارد ائتمک اولار و تکراری مقاله یاردیلماسینین قاباغی آلینار؟ (چوخ اولوب کی ایکی حؤرمتلی ایشلدن عئینی کندلره آیری آیری مقاله یاراتمیشلار). هله قوقل آختاریشی و اینترنتی الدن وئرمک اوْیاندا قالسین. اسکیدن ویکیپدیامیزین چالیشانلاری آراسیندا بئله توافوق اوْلموشدورکی ایشین راحات و ساده اوْلماسی اۆچون کندلرین آدی (شهرلر یوخ) رسمی و دوولتی آددا اولا (البته تورک تلفوظو مقاله‌نین ایچینده یازیلسا پیس دئییل). بیرده کندلره گؤره یارادیلان مقاله‌لرین چوخو ایلده بئش آلتی دفعه اوْخونولمور مثلا قارا خوجالی کندینین گئچن 3 آیدا بیر اوْخویانی دا اولمامیشدیر (موقایسه اۆچون:صدا سایان گونده 50-60 دفعه) بۆتون کندلر بئله دیر بونلارا چوخ واخت قوْیماق فعلی حالدا هدردیر. سؤزون قیساسی کندلری ایستیثنا سایین. حۆرمتلهM.XIII (دانیشیق) ۳۰ دسامبر ۲۰۱۸، ساعت ۱۴:۵۷ (UTC)
- سایین M.XIII بَی، من بو توافوقدان کی کندلرین آدی رسمی و دؤولتی یازیلاجاق خبرسیز ایدیم. یوخسا دانیشیغی یوْلا سالمازدیم. سیزین قاباقکی نظرینیزی ده اوْخودوم، عئین منیم نظریم ایمیش :) فقط بیر سوال، ایندی مثلاً عوثمانلی ایمپیراتورلوغو کیمین بیر کلمه (کی کند/شهر آدی دئییل) نئجه یازیلاجاق؟ عوثمانلی یا عثمانلی؟ (منیم اؤز نظریم عوثمانلی.) سیزدن تقلید ائده‌رک سؤزون قیساسی: منجه فقط کندلری ایستیثنا سایاق، قالانی‌نی تلفوظلا اویغون یازاق. (مثلا حۆسئینیه و عوثمانلی) سایغیلارلا -- Bir Morty (دانیشیق) ۳۰ دسامبر ۲۰۱۸، ساعت ۱۷:۵۳ (UTC)
- چوْخ گؤزل؛ کندلر ایستیثنا اولسون (حداقل فعلاً)، بۆتون عرب/فارس کؤکلو شخص آدلاری دا قورال‌لارا گؤره اوْرژینال حالیندا یازیلسین، قالدی او آدلاردان دۆزلمیش ترکیبلر، بۇرادا ایشین چتینی اۆزه چیخیر، مثلاً («عثمان غازى» عوْثمانلی دؤولتی‌نین قۇروجوسودو.) بۇ جۆمله‌نین پارادوکسو نئجه حل اولار؟ عوْثمانلی یعنی عثمان غازی‌نین دؤولتی؟! ندن اؤز آدی بیر شکیلده اوْلسون دؤولتی‌نین آدی آیری شکیل؟! اوْ طرفدن ده بعضی یئرده ده ایکی ایملالی سؤزجوکلر مجبوراً قاباغا گلیر؛ (اۆستده‌کی میثال:مظفرالدین شاه ساواشدا مۆظفر اوْلدو) موشکول ده بورادادیرکی آد و صیفتین آراسیندا دقیق بیر سینیرلامامیز یوْخدو عئینی کلمه بیر جومله ده هم آد و صیفت اولاراق آیری آیری ایکی ایملا شکلینده گله‌بیلر و حقیقتده یازی قوراللاری بۇ قونودا دقیق و آیدین بیر توضیحی یوخدو، منجه نهایتی ائلیه‌بیلریک بئله موریدلرده سلیقه‌لی باخاق داها آیدین دئسم اوْ دوؤلت/شهر/یئرلر کی آدلاری ایلک باخیشدا بیر شخصی خاطیرلادیر اۇ شخصین آدینین ایملاسی‌یلا یازیلا «مثلاً:عثمانلی(عثمان غازی)-خمینی‌شهر(آیت‌الله خمینی)-حسینیه(حسین بن علی)-بندرعباس (شاه عباس)و...» کی بو دا چوخ پرکتیکال نظره گلمیر. البته من بئله قۇنولارا نظر وئرمگه صلاحیتیم یوخدو و اکثریتین نظرینی یوْخلاماق داها فایدالی اوْلار، حال-حاضیردا ایشلدن سایی آز اوْلدوغو اۆچون دقیق بیر نتیجه اَلده ائتمک مۆمکون دئییل و بیر مۆناسیب زامانا بۇراخمامیز یاخشیدیر. سیزین قیسا سؤز ده قطعاً بیر چیخیش یوْلو اولا بیلر. درین حؤرمتله M.XIII (دانیشیق) ۳۱ دسامبر ۲۰۱۸، ساعت ۱۵:۱۶ (UTC)
- حؤرمتلی M.XIII بَی. منجه ده یازی قوراللاری بو موْریده ایشاره ائتمه‌لی ایدی. نهایت من ده سیزین بویوردوقلارینیزا قاتیلیرام. واخت آییریب مۆفصّل توْضیح وئردیگینیز اۆچون چوْخ تشکۆرلر. سایغیلارلا -- Bir Morty (دانیشیق) ۳۱ دسامبر ۲۰۱۸، ساعت ۱۶:۳۰ (UTC)
سلام حؤرمتلی ایشلدنلر. منجه یازی قوراللاری‌نین ۹/۷-جی و ۹/۸-جی بندلرین جوغرافی آدلارینا و حؤکومتلر آدلارینادا عومومیت وئره بیلریک. نصرت‌آباد کندی/شهری آذربایجان جومهوریتینده اولسا نۆصرت‌آباد و یا نۆصرت‌آوا شکلینده یازمالییق، اما بو کند و یا شهر مثلاً ایراندا اولسا نصرت‌آباد یازمالییق. یا حؤکومتلر موردینده، او حؤکومتین رایج دیلینه باخمالییق، مثلاً عثمانلی ایمپیراتورلوغونون رایج دیلی لسان عثمانی یا همن عثمانلی تورکجه‌سی ایمیش، بیز قایناقلارا باخمالییق، مثلاً عثمانلی تورکجه‌سینده اولان یازیلاردا عثمانلی کلمه‌سی عوثمانلی یازیلیرمیش یوخسا عثمانلی؟! منیم بو مورد ده بیلگیم یوخدور آنجاق بئله دوشونورم کی عثمانلی یازیلیرمیش. باشقا حؤکومتلرین آدلارینا گؤره ده او حؤکومتلرین رسمی و یا رایج اولان دیللرینه باخمالییق. حؤرمتله Trkgs (دانیشیق) ۲۲ دسامبر ۲۰۲۱، ساعت ۲۱:۵۶ (UTC)