دینی مرجع‌لیگی

ویکی‌پدیا، آچیق بیلیک‌لیک‌دن
ابو القاسم خویی (اؤلوم 1992) و علی سیستانی چاغداش شیعی مرجع‌لری‌نین ان آدلیم‌لاریندان

تقلید مرجع‌لیگی یا دینی مرجع‌لیگی شیعی بیر آنلام و مفهوم‌دور و شیعه مسلمان‌لارین شرعی احکام دا بیر اجتهادا و اعلملیغا چاتان کیمسه‌یه رجوع و دؤنمه‌سی آنلامینا گلیر. فتوا وئرمک منصبینه اهل اولان و فقهی احکامی قایناق‌لاریندان استنباط ائدیب و اونلاری عملیّه رساله آدلانان بیر کتابدا ییغان کیمسه‌یه شیعه مذهبینده تقلید مرجعی یا دینی مرجعی یادا "آیت الله العظمی" دئییلیر. شیعه‌لر تقلید مرجع‌لرینه فقهی احکام‌لارینی تانیماق و بیلمک اوچون رجوع ائدیرلر. مرجع‌لرین نفوذو شیعه‌لیک مرجع‌لیگی تاریخینده گؤرسنیلن کیمی بوتون سیاسی و اجتماعی مسائلده ده یئر آلیر. مرجع بیر دینی علم‌لری طلبه‌سی (اؤیرنجی‌سی) اولاراق علمیه حوزه‌لرینده (غالباً نجف و قوم حوزه‌لرینده) درس اوخویار و ایل‌لر بویو عالی و اولو درس‌لری کئچیردیکدن سونرا اجتهاد رتبه‌سینه چاتیب و فتوا وئرمک منصبینه اهل اولار. مرجع‌لیگین مشروع‌لوغو و دوزلوگونده عقلی دلیل، جاهل و بیلمزین بیلمدیگی ایش‌لرده او ایش‌لره عالم و بیلگین اولان متخصص و اوزمانا رجوع ائتمه‌سی‌دیر و نقلی و روایت‌لره باغلی اولان دلیل، شیعی حدیث کتاب‌لاریندا شیعه‌لرین سون امامی امام مهدی‌دن روایت اولونان حدیث‌دیر، او حدیث بودور:«وأما الحوادث الواقعة فارجعوا فيها إلى رواة حديثنا، فإنهم حجتي عليكم وأنا حجة الله.» [۱] (واقع اولوناجاق حادثه‌لرده بیزیم حدیث‌لری روایت ائدن‌لره رجوع ائدین؛ اونلار سیزه منیم حجتیم و دلیلیم‌دیرلر و من ده آلله-ین حجتی و دلیلییَم.)[۲]

قایناق لار[دَییشدیر]

  1. وسائل الشیعة (آل البیت باسقی سی)، الحر العاملی، ج18، ص 101. بؤلوم: وجوب الرجوع إلى رواة الحديث، ح 9.
  2. ویکیپدیا عربی