رحیم شهریاری

ویکی‌پدیا، آچیق بیلیک‌لیک‌دن
پرش به ناوبری پرش به جستجو
رحیم شهریاری
آد رحیم شهریاری آق‌باش
دوْغوم تاریخ 1349

رحیم شهریاری ـ ایران آذربایجانیندان اولان مشهور موغنني و آراز موسيقي قروپونون قوروجوسودور. موختليف موسيقي اوسلوبلارين تقلید ائدیب اوخويان رحيم شهرياري پوپ و موغام ريتملريني بير يئرده ده ايفا ائدير.

یاشامی[دَییشدیر]

رحیم شهریاری 1349-جي ايلده تبریزین شام‌غازان محله‌سینده آنادان اولموشدور. اوشاقلیق چاغلاریندان آذربایجانجا ماهنی‌لاری و تیرینگه‌لری اوخوماقلا اؤز ماراغینی موسیقی‌یه گؤرستدی. او یوسف عظیم‌زاده یانیندا قارمان سازینی اؤیرندی و آذربایجان جمهوریتی اوستادلاریندان دا چوخ فایدالاندی. او 1368 نجی ایلدن اعتبارن، سهند (رشید وطن‌دوست رهبرلیگی‌ایله) و هلال احمر تبریز، دانشگاه آزاد کیمی موختلیف ارکستر گروپلاریلا امکداشلیق ائتمیش دیر. او 1375ـنجی ایلده آراز گروپونو قورماقلا، اؤلکه ایچینده و خاریجینده بیر چوخ کنسرتلر وئریب دیر. اونون چالیشمالاریندان گلمه‌دین، یالان دونیا، هایدی سؤیله، ریحان، آرزو قیزیم، بیاض گئجه‌لر، ایپک، سن‌سیز، وفاسیز، آغلاما، عصرین گؤزه‌لی۸۲، خبرین یوخدور، گئتمه قال۸۴، گؤزل‌لرین گؤزه‌لی۸۶، کیم بیلیر۸۸، یاواش یئری۹۰ و سنه گؤره۹۲ آلبوملارینی سایماق اولار.

ماهنی‌لاری[دَییشدیر]

  • بياض گئجه‌لر
  • کوچه‌لره سو سپميشم
  • آنا
  • آختارما مني
  • باهار ندير
  • نار گولي
  • اسن يئللر
  • گله‌جگم
  • تک قالديم

رحیم شهریاری‌نین خالق قارشیسیندا دورماغی[دَییشدیر]

رحیم شهریاری نئچه ایل اولار داورانیشلارینی دئیییشیب، و کونسئرتلرینده خوشا گلمز و خالق سئومه یه ن ایشلر گؤرور و محبوبیتی گئت گئده آزالیب. اؤزللیکله 1395جی ایلین یازیندا خیاو دا بیر کونسئرتده بارماقلارینی بوزقورد توتان بیر گنجه، "بیخود ائلیسن"، "وئررم قولاغیوی بورارلار"، و "اونو چیخاردین ائشیگه" کیمی پیس ایفاده لر ایشلدیب. بو حرکتین ویدئوسو توپلومسال اینترنت شبکه لرده یاییلماقلا، میلّت شهریاری نین داورانیشینا آغیر تپگی (اعتراض) گؤستریب. شهریاری دا بونا گؤره دئییب کونسئرتلریمه "جواز" آلماق چتینلیگه گؤره بو ایشلری گؤرورم.

قایناقلار[دَییشدیر]

  • آذربایجان و فارسجا ویکی پئدیا.