رحیم مؤذنزاده اردبیلی
Rahim Moazenzadeh Ardebili | |
|---|---|
| رحیم مؤذنزاده اردبیلی | |
 Moazenzadeh in 2005 | |
| دوغوم | September 23, 1925 |
| اؤلوم | May 26, 2005 (aged 79) |
| دفن یئری | Ibn Babawayh Cemetery |
| میلیت | Iranian |
| پئشه | Muezzin in the style of Iranian music |
| والیدین(لری) | عبدالکریم مؤذنزاده اردبیلی (آتاسی) حانیه مهراجی (آناسی) |
| قوهوملاری | سلیم مؤذنزاده اردبیلی (قارداشی) |
رحیم مؤذنزاده اردبیلی (۱ مهر ۱۳۰۴ - ۵ خورداد ۱۳۸۴)[۱][۲][۳] ایرانلی مشهور اذانوئرن و نوحهچی دیر. مؤذنزاده اردبیلی آذانی، اونون سسی ایله ثبت اولان مشهور بیر آذان دیر کی، 1334-جو هیجری شمسی ایلده ایران رادیوسوندا ثبت ائدیلمیشدیر.
یاشاییشی
[دَییشدیر]رحیم مؤذن زاده، ۱ مهر ۱۳۰۴ هیجری شمسی تاریخینده اردبیلده آنادان اوْلوب. اوشاقليغيندا مکتبخانایا گئدیب و میرزا عزیز نظارتی آلتيندا قرآن اوخودو و هابئله ایران موسیقی آلاتلاری ایله تانیش اولدو. او، آواز و اذان اوخوماغین اوصوللارینی اؤیرشندن سونرا آتاسی ایله بیرلیکده اردبیل مسجیدلرینده و گاه اردبیلین اطراف شهرلرینین مسجیدلرینده او جوملهدن نمین، آستارا، خالخال و تالیشده اذان دئمهیه و نوحه اوخوماغا مشغول اولدو. آتاسینین تهراندا مسکون اولدوغوندان سونرا، رحیم حوزوی تحصیللری اوچون قوم شهرینه گئتدی فقه دن خاریج درسلرین اوخوماغا مشغول اولدو و ناهارچاغلاری دا فاطمه معصومه حرمینده اذان دئییردی. آتاسی کریم مؤذنزاده، کی ایلک دفعه اولاراق ۱۳۲۲ ایلینده رادیو دا اذان دئمیشدی، ۱۳۲۹ ایلینده وفات ائتدی و اوغلو رحیم ۲۵ یاشیندا اولارکن اونون یئرینی دولدورماق اوچون تهرانا گئتدی.