ساج (مطبخ)

ویکی‌پدیادان، آچیق بیلیک‌لیک‌دن
ساج

ساجچؤرک و یا یئمک بیشیرمک اوچون ایستیفاده اولونان معیشت اشیاسی. 

تاریخی[دَییشدیر]

  ساج قدیم تاریخه مالیکدیر. قدیم زامان لاردا کؤچری لر کؤچ ائدرکن گئتدیگی یئرلرده یئمک و چؤرک بیشیرمک مقصدیله ساجی دا اؤزلری  ایله بیرگه آپاراردیلار. 

  آذربایجاندا هله قاز سوباسی و تاوا ایختیراع اولونمامیشدان اوّل چؤرک و یئمک بیشیرمک اوچون ساجلاردان ایستیفاده اولونوردو. آذربایجان اراضی‌‌سینده تاپیلمیش ان قدیم ساج نومونه‌سی میلادان اؤنجه 4. مین‌ایل‌لیگینه عاییددیر. 17. عصردن باشلایاراق گیل ساج داها مؤحکم و بؤیوک، حاضیردا ایستیفاده اولونان تؤکمه اوصولو ایله حاضیرلانمیش دمیر ساجلا عوض اولونموشدور. 

بیچیمی[دَییشدیر]

  بیر طرفی بیر قدر قاباریق - گونبز، دیگر طرفی ایسه چؤکک - اویوق اولان دَییرمی بیچیمده‌دیر. قاباریق حیصه  ساج اوستو، اویوق حیصه  ایسه ساج ایچی آدلانیر. 

ایشلنمه‌سی[دَییشدیر]

  ساجین قاباریق طرفینده یوخا، چؤرک، کؤکه، قوتاب بیشیریلیر. اویوق اولان طرفینده ایسه موختلیف یئمک‌لر بیشیریلیر. 

  عادتاً یئمک حاضیرلاماق اوچون ساج یا اوجاغین، یا دا آغاج کؤمورونون اوزرینده قویولور. 

ساج یئمک‌لری‌نین حاضیرلانماسی[دَییشدیر]

  یئمک بیشیرمک اوچون اساساً دیامتری 33 سم اولان ساجلاردان ایستیفاده ائدیلیر. ساج ایچینده حاضیرلانمیش یئمک‌لر  " ساج‌ایچی "  آدلانیر. ات، تویوق، بالیق و بو کیمی بوتون ارزاق نؤوع‌لری‌نین ساج ایچینده بیشیریلمه‌سی مومکوندور. 

  ان قدیم ساج یئمگی ساج قووورمادیر. ساج قووورما حاضیرلاماق اوچون اتین ان یاخشی حیصه‌سی و قویون قویروغو سوغانلا بیرلیکده ساج ایچینده یاغدا قوورولور. 

  ساجدا بیشیریلن یئمک‌لر ایستی حالدا سوفره‌یه وئریلمه‌لی‌دیر. بونون اوچون ساج سوفره‌یه  "‌ساج آیاغی‌"  دئییلن 3 دایاقلی آلتلیغین اوزرینده قویولور. ساج آیاغی اولمادیقدا ساجی سوفره‌یه عادی قایدادا، آلتلیق اولمادان دا قویماق اولار. 

قایناق[دَییشدیر]