شورابیل گؤلو

ویکی‌پدیادان، آچیق بیلیک‌لیک‌دن
Shorabil
Shorabil Lake
یئرCity of اردبیل, اردبیل اوستانی
موختصات38°13′N 48°17′E / 38.217°N 48.283°E / 38.217; 48.283موختصات: 38°13′N 48°17′E / 38.217°N 48.283°E / 38.217; 48.283
نؤوعNatural Lake
اؤلکه‌لرایران
مساحت۶۴۰٬۰۰۰ m2 (۱۶۰ acre)[نیازمند منبع]
اورتا دَرینلیکApproximately ۳۰ metre (۹۸ ft) in the middle
شورابیل گؤلو گون باتان چاغیندا

شوْرابیل گؤلو یوخسا شوْرَبیل گؤلو ، اردبیل شهرینین گونئینده یئرلَشَن بیر گؤزل و گؤرمَلی بیر گؤل آدی دیر. یانیندا بیر پارک و اَیلَننجه ایمکانلاری (تفریح) دا واردیر. اردبیللی آراشدیریجی(موحققیق) بیلیم یوردو بو گؤلون قونشولوغوندادیر. 

یئری و اؤزللیکلری[دَییشدیر]

شورابیل گؤلونون یئری

شورابیل گؤلو اردبیلیم ۲ کیلومتر حنوب‌شرقینده دیر و سرئیندن سونرا اردبیل بؤلگه سی نین ایکینجی گزمَلی یئری ساییلیر.

گؤلون مساحتی 15 هکتار دیر، و درینلیگی ده اورتالیق 20 متر دیر. یئرتانیماق بیلیم آداملارین دئییشینه گؤره ، شورابیل یئرتانیماق اۆچونجو چاغی نین سونلاری و دؤردونجو چاغی نین باشلانیشیندا دوزَلیب و سونرالار اردبیل بؤیوکلشندن سونرا اردبیل ایچینده قالیب.

قیشدا دونموش شورابیل گؤلو

اردبیللی لرین سؤزونه گؤره، بو گؤلون پالچیغی، دَری مرضلری، و اَل-قول و سوموکلرین آغریسینی توختادیر. البته دئییلیر کی شیرین سو بو گؤله تؤکولندن سونرا بو توختاتماق خوصوصیتی آزالمیشدیر.

هر ایل گــوز (پاییز) مئوسیملرینده روسیه و سیبریدن گلن کؤچَری قوشلار بو گؤلده قالارلار. بو گولده گؤی قورشاقلی قیزیل آلا بالیغی دا یاشایار. 1387جی ایلدن بالیقچیلیق ایداره سی نین قرارینا گؤره بو گؤله اؤردک بالیق، کپور، مئیقو دا آرتیریلدیلار.

شورابیل گؤلونون دونماغی و خطرلری[دَییشدیر]

اردبیلین هاواسی نین قیشلاردا چوخ سویوخ اولدوغونا گؤره، شورابیل گؤلونون اوزو دونار. 1393جو ایلده، 7 اؤیرنجی گؤرونتو چکمک اۆچون گؤلون اوستون گئدیرلر؛ بو ایشه گؤره بوز چاتلاییر و بیر بؤلومونون سینماغینا گؤره اوچو گؤلون سویوخ سویونا دوشوب، اوزوجولوکله 2سی جانلارین الدن وئردیلر.[۱]

شورابیل گؤلونه شیرین سو تؤکوب و اکوسیستمی‌نین دَییشدیریلمه‌سی[دَییشدیر]

گؤلون شورلوغونون آرادان گئتمه‌سی[دَییشدیر]

یوخاری دئییلن کیمی شورابیل گؤلونون اطرافیندا تیکینتیلرین چوخالماسیندان سونرا، بالیق بئجرتمک کیمی موشخخص اولمایان بهانه لر له اورا شیرین سو تؤکولوب اورانین طبیعی شورلوغو آرادان گئتدی و بو اورانین اکوسیستمینه بؤیوک ضربه ووورب، گؤلون سویونو تئز تئز آزالماغینا باعیث اولدو. همده، شیرین سو بو گؤله تؤکولندن سونرا بو توختاتماق خوصوصیتی آزالمیشدیر و بو گؤل ایچینده یاشایان اسکی جانلیلار و بیتکیلر ده آرادان گئدیرلر. باشقا طرفدن طبیعی گؤل بیر راکید سو ساخلاماق حؤوضونا چئوریلمکله گؤلون اطرافیندا موغموغا (پشه) کیمی اوچان خوخانلار دا چوخالیب.

گؤلو نیجات وئرمک وعده‌لری[دَییشدیر]

گؤلون گون‌گونه پیس دوروما دوشمه‌سی، خالقین اعتراضی، و فعاللارین تذکور وئرمکلری، بلدیه و اوستانداری مسئوللاری گؤلو خطردن قورتارماق زوروندا قویدو. 1394جو ایلده خبرلرده دئییلدی کی گؤلون اکوسیستمینی دوزلتمک اۆچون کانادادان موتخصصیص و موشاویر بیر قوروپ اردبیله چاغیریلیبلار. اردبیل بلدیه سی نین ایقتیصاد و یاتیریم کومکچیسی سؤزونه گؤره کانادالی متخصصلر 1386جی ایلده شورابیلین توریسم گلیشمه طرحلرینی یئنی‌دن گؤزدن گئچیریب ایرادلارینی دئییَجکلر! البته بو موضوعدا دقیق ایطلاعات یاییملانمامیشدیر، چونکو خبر یازانلاری و ژورنالیستلاره دانیشیقلار اوتورومونا گیرمک ایجازه‌سی وئریلمَمیشدیر! [۲]

شورابیل گؤلوندن بیر باشاباش گؤرونتو.

قایناقلار[دَییشدیر]

  • تبیان سایتی
  1. ^ "شورابیلده بوغولان ایکی قیزین جسدی تاپیلدی"
  2. ^ "«شورابیل»ین قورتارماسینا شور وعده‌لر؛ ایجرا اولونان پروژه‌نین بیر داها گؤزدن گئچیریلمه‌سی (وعده‌های شور برای نجات«شورابیل»؛مطالعه پروژه‌ای که درحال اجرا است)"