عثمان قیلینجی

ویکی‌پدیادان، آچیق بیلیک‌لیک‌دن
پرش به ناوبری پرش به جستجو

عثمان قیلینجی و یا قیلینج آلایی (عثمانلیجا: تقلید سیف)، عثمانلی ایمپیراتورلوغونون سولطانلاری‌نین تاختا چیخما مراسیمی زامانی ایستیفاده ائدیلن اؤنملی دؤولت قیلینجی دیر. قیلینجا عثمانلی ایمپیراتورلوغونون قوروجوسو عثمان غازی‌‌نین آدی وئریلمیشدیر.[۱][۲][۳]

تاریخی[دَییشدیر]

تطبیقی ایلک اوْلاراق عثمان غازی‌نین قایین آتاسی شیخ ادبالی‌نین عثمان غازیه قیلینج باغیشلاماسی ایله باشلادی. بۇ قیلینجین ایستیفاده‌سی پادیشاهین تاختا چیخماسیندان ۲ هفته ایچریسینده ائدیلمه‌سی مجبوری ایدی. بونون اۆچون ایستانبولدا کؤرفز اۆزریندکی ایوب مزار بیناسیندا کئچیریلیردی. یئنی پادیشاه توپقاپی ساراییندان سلطنت قاییقینا مینرک کؤرفزدن ایوب مزار بیناسینا گلیردی. ایوب مزارلیغی، صحابه ابو ایوب الانصاری‌نین ۷-جی یوز ایلدکی ایستانبولون ایلک موسلمان مۆحاصیره‌سی زامانی شهید اوْلماسی سببی ایله فاتح سولطان محمد طرفیندن تیکیلمیشدیر.[۴][۵]

بۇ تؤرن چوْخ سمبولیک ایدی؛ اؤنجه یئنی پادیشاهین قیلینجا ال آتاراق بیر دؤیوشچو اوْلدوغو گؤسترمه‌سی باخیمیندان اؤنملی ایدی. قونیه‌دن بیر مولوی درویش بۇ قیلینجین تاخیلما پروْسه‌سینده ایشتیراک ائدیردی.[۶]

۱۹-جو یوز ایلین سوْنلارینا قدر موسلمان اوْلمایان تمثیلچی‌لرین ایوب مسجیدیندکی مراسیمی ایزلمه‌سی قاداغان ایدی. خاریجی تمثیلچی‌لر ایلک دفعه بئشینجی محمدین قیلینج گؤتورمه مراسیمی‌نی ایزلمیش دیر. ۱۰ مئی ۱۹۰۹-جو ایلده کئچیریلن مراسیمه ایمپیراتورلوغون ایچیندکی مؤوجود بۆتون دینی ایجمالارین اؤزللیکله روم پاتریکی، باش خاخام و ائرمنی کیلیساسی‌نین تمثیلچی‌لری قاتیلدیلار. غیری موسلمان‌لارین مراسیمی گؤرمه‌سینه ایجازه وئریلمه‌سی نیویورک تایمز قزئتینده اطرافلی یازیلار یازماسینا سبب اوْلدو.[۷] بئشینجی محمدین قارداشی و خلفی آلتینجی محمد، مراسیمین فیلمه چکیلمه‌سینه ایجازه وئررک، داها دا ایرلی گئتدی. آلتینجی محمد سوْن عثمانلی پادیشاهی اوْلماسی ایله سوْن قیلینج گؤتورمه مراسیمی اوْنون دؤنمینده کئچیریلدی.[۸]

قایناقلار[دَییشدیر]

  1. ^ M'Gregor, J. (July 1854). «The Race, Religions, and Government of the Ottoman Empire». The Eclectic Magazine of Foreign Literature, Science, and Art 32: 376.
  2. ^ Caruso, Lauren (2013). Bay'ah: Succession, Allegiance, and Rituals of Legitimization in the Islamic World (PDF) (MA). The University of Georgia. p. 37. Retrieved 6 September 2021.
  3. ^ Hasluck 2007, pp. 604–622
  4. ^ Bagley 1969, p. 2
  5. ^ Quataert 2005, p. 93
  6. ^ (1876-09-18) «Girding on the Sword of Osman» (PDF). The New York Times. ISSN 0362-4331.
  7. ^ (1909-05-11) «New Sultan Breaks Moslem Traditions» (PDF). The New York Times. ISSN 0362-4331.
  8. ^ Abdullah Kirbaçoglu (cinematographer) (1918-07-04). Crowning of Mehmed VI as last Sultan of the Ottoman Empire in 1918 (Documentary). Amsterdam: MokumTV. https://www.youtube.com/watch?v=WLKghFyL8tg. Retrieved 2009-04-19.