فرکانس

الکترومغناطیس دالغالارینین طیفی و گؤزله گؤرولن بؤلومو

چئشیتلی فرکانسلار. یوخاریداکی ان آز و آشاغیداکی ان چوخ.

فرکانس یا تیترشیم ساییسی یا تئزلیک، اینگیلیسجه: frequency بیر اوْلایین بلیرلی زاماندا تکرارلانما اؤلچومودور. فرکانسدا زامان بیریمی عومومیتله «بیر ثانیه»دیر کی اوْلایین نئچه کئز تکرارلانماسین بیر ثانیه سۆره‌سینده ایفاده ائدیر.

SI سیستمینده فرکانسی هرتز(Hz) ایله گؤستریلیر. هرتز ساده تعریفده بیر ثانیه‌ده نئچه دفعه تکرارلانماق آنلامیندادیر. بیر هرتز بیر اوْلایین ثانیه‌ده بیر تکرارلاندیغی آنلامیندا گلیر و ایکی هرتز بیر اوْلایین ثانیه‌ده ایکی دفعه تکرارلاندیغینی ایفاده ائدیر. آیری سایی قوراللاریندا فرکانس اۆچون باشقا تعریفلر وار :سیکل بیر ثانیه‌ده، دؤور بیر دقیقه‌ده (rpm). اۆرک چارپماسی فرکانسی نئچه دفعه بیر دقیقه‌ده‌دیر.

اؤلچومو

بیر اوْلایین فرکانسینی اؤلچمک اۆچون اوْ اوْلایین بلیرلی بیر زامان آرالیغیندا نئچه دفعه تکرار اولوندوغو سایلیر، سونرا بو سایی زامان آرالیغینا بؤلۆنه‌رک فرکانس الده ائدیلیر. فرکانس اؤلچمگین باشقا یوْلو ایکی تکرارلانما (یا یئنی‌لنمه) آراسیندا سۆرن زامانی تعیین ائتمکدیر، بو تعیین اوْلونان زامانین آدی پریود دور. پریود، ایکی تکرارلانمانین آراسیندا سۆرن زاماندیر. پریود ریاضی تعریفده، فرکانسین ترسه‌سی‌دیر.

$f={\frac {1}{T}}$

دالغانین فرکانسی

بیر دالغانین فرکانسی، دالغا بوْیو ایله ایلیشکیلیدیر. دالغانین، دالغا بوْیویلا فرکانسینین چارپیمی، اوْ دالغانین سۆرعتینی بلیرله‌یر (مۆشخص ائدر). بونا گؤره دالغا بوْیو بیلینن بیر دالغانین فرکانسی بو ایلیشکینی قوللاناراق بلیرلنیر.

$f={\frac {v}{\lambda }}$

بو ایفاده‌ده v سۆرعت و λ (لاندا) دالغا بویونو گؤستریر.

فرکانس لار

فرکانس لارین نئچه جۆره‌لیگی

فرکانس حدی	فرکانس حدی آدلاری	قیساسی	پایلایش	باند نۆمره‌سی
(Hz(۳۰۰– ۳۰	ELF	Extremely Low Frequencies	۲
(Hz(۳۰۰۰– ۳۰۰	سس فرکانسی	VF	Voice Frequencies	۳
(KHz(۳۰۰– ۳	چوخ آشاغی فرکانس	VLF	Very Low Frequencies	۴
(KHz(۳۰۰– ۳۰	آشاغی فرکانس	LF	Low Frequencies	۵
(KHz(۳۰۰۰– ۳۰۰	اورتا فرکانس	MF	Medium Frequencies	۶
(MHz(۳۰– ۳	یوخاری فرکانس	HF	High Frequencies	۷
(MHz(۳۰۰– ۳۰	چوخ یوخاری فرکانس	VHF	Very High Frequencies	۸
(MHz(۳۰۰۰– ۳۰۰	یوخاری فرکانسلار اۆستو	UHF	Ultrahigh Frequencies	۹
(GHz(۳۰۰– ۳	چوخ یوخاری اۆست فرکانس	SHF	Super-High Frequencies	۱۰
(GHz(۳۰۰– ۳۰	ان چوخ یوخاری اۆست فرکانس	EHF	Extremely High Frequencies	۱۱
(GHz ۳۰۰- ۳ THz	آدسیز	()	NO NAME	۱۲

قایناقلار

Türkçe Wikipedi

فارسجا ویکی پدیا