فریدا کاهلو

ویکی‌پدیادان، آچیق بیلیک‌لیک‌دن
فریدا کاهلو
آدفریدا کاهلو
قیسا بیلگیرسّام
دوْغوم تاریخ06 1907 جولای
مئکزیکوسیتی
اؤلوم تاریخ13 جولای 1954
میللیتمئکزیکلی
تحصیلاؤز ائییتیملی
Guillermo Kahlo (October 26, 1871 - April 14, 1941) – Photographer Born in Baden, Germany. Dead in Mexico City, Mexico.

یاشاییشی[دَییشدیر]

1907 ایلینده مئکزیکو,نون گونئیینده کی کویوآکان,دا دونیایا گلدی. 6 جولای 1907 گونو دوغولموش اولاسینا باخمایاراق،اؤزو دوغوم تاریخینی, مئکزیک اینقیلابی,نین گرچکلشدیردیغی 7جولای 1910 گونو اولاراق اعلان ائتمیش, یاشامینین مودئرن مئکزیکین دوغوشویلا باشلامیش اولماسینی ایسته میشدیر.

آلتی یاشیندایکن اوشاق فلجی (Poliomyelitis) سونوجو اولاراق بیر آیاغی چولاق قالمیش،اؤزونه " چه ول فریدا" دئمیشدی. بو انگلیله باشین دولاندیران فریدا , گنج قیزلیق چاغیندا، دؤنه مین أن یاخشی ائییتیمینی وئرهن میلّی حاضیرلیق اوخولو,ندا اوخودو. بو اوخول اونو اینجه صنعت، ادبیات ،فلسفه کیمی آلانلارا یؤنلندیردی. و گله جکده بؤیوک اولاجاق اینسانلارلا اوخول یولداشی اولدو. الساندرو قومئز آریاس، خوزه قومئز روبئلدا ،آلفونسو ویلا. اوخولدا آنارشیست بیر ادبیات گروهونا گیردی: و گوجلو بیر کاراکتئر اولمایا باشلادی. 18 یاشیندا گئچیردیغی بیر تصادف بوتون حیاتینی دئییشدیردی.

اوتوبوس تصادفو[دَییشدیر]

17 سئپتامبر 1925 اوخولدان ائه دؤنرکن میندیغی اوتوبوس تراموایلا چارپیشما سونوجو چوخ کیشینین اؤلدوغو تصادوفدا، تراموانین دمیر رئیل,لریندن بیریسی فریدانین سول بود,وندان گیریب لگن سوموگوندن چیخمیشدی. تصادوفدان سونرا بوتون یاشاییشی آتئل ایچینده خسته خانالاردا و دوکتورلار آراسیندا گئچیر ساغ آیاغیندا بیر بؤیوک آجیلا یاشاییر. 32 سفر عمل اولونور و اوشاق فلجی ندنیله چولاق اولان ساغ آیاغی 1954,ده قانقارییا اوزوندن کسیلیر.

تصادفدان بیر آی سونرا خسته خانادان چیخان کاهلو، عاییله سینین تشویقی ایله سیخینتی و آجیدان قاچماق اۆچون رساملیق ائتمه یه باشلادی. یاتاغینین تاوانینداکی آینایا باخاراق اتوپورترلر یاراتدی. ایلک اوتوپورتره سی، "مخمل کؤینکلی اتوپورتره"دیر(1926).

1927ایلی سونوندا یئریمه یه باشلایان کاهلو،بو دؤنمده اینجه صنعت و سیاست موضوعلارینا یاخینلاشمایا باشلادی.کوبا,لی  اؤندر خولیو آنتونیو مئللا  و فوتوقراف صنعتجیسی تینا مودوتی ایله تانیشیب یاخین یوالداش اولدو.بیرلیکده،دؤنمین صنعتجیلرینین دعوتلریله سوسیالیسلرین دارتیشمالارینا  قاتیلماغا باشلادیلار.کاهلو ،1929,دا مئکزیک کومونیست پارتیسی"نه اویه اولدو(عضو اولدو).

ائولیلیغی[دَییشدیر]

فریدا کاهلو (اورتادا) و دییئقو رییئرا, 1932, کارل وان ویختئن ألیله چکیلمیش.

رسیم چکمه یه دوام ائدن کاهلو آینی دؤنمده یولداشی تینا مودوتی آراجیلیغییلا مئکزیکلی میشئل آنجئلو اولاراق آنیلان اونلو رسام دییئقو ریوئرا ایله تانیشدی و اونا رسیملرینی گؤستردی. آرالاریندا رومانتیک بیر ایلیشگی دوغولان ایکی رسام،21 آقوست 1929"دا ائولندیلر. فریدا ،ریوئرانین اۆچونجو آروادی اولدو. ائولیلیکلری،"فیل ایله گؤیرچینین ائولیلیغینه" بنزتمیشدیلر.

صنعتجی، ایکینجی اتوپورتره سینی ائولندیغی ایل یاراتدی (اثر ،2000 ایلینده بیر آمریکالی کولئکسییونئر طرفیندن 5 میلیون دولارا ساتین آلینمیشدی). همن ایل ریوئرانین کومونیست پارتی"دن ایخراج ائدیلمه گؤره فریدا کاهلو دا پارتیدن آیریلدی. 1930"دا أریله برابر آمریکایا گئتدی و 1933"ده ریوئرا آلدیغی دیوار رسیمی سیفاریشلرینی قورتارانجایا قدر أریله بیرلیکده اورادا یاشادی. ائولیلیکلریندن ایکی ایل سونرا بیر دویون عکسلریندن "فریدا و دییئقو" (1931) آدلی تابلوسونو  یاراتدی. سانفرانسیسکو قادین رساملار توپلولوغو ایللیک سرگیسینده، سرگیلنن بو اثر ،اونون بیر سرگیده یئر آلان ایلک تابلوسو اولدو.

ایکیسینین، فیرتینالی بیر ائولیلیک یاشاملاری اولدو. ساغلیق سورونلاری ندنیله بیر چوجوغونو سالان و دالبادال ایکی دوشوک(Abortion) ائدن فریدا، أرینین صداقتسیزلیق ندنیله 1939 ایلینده اوندان آیریلدی آما بیر ایل سونرا یئنیدن ائولندیلر و فریدانین اوشاقلیغینی گئچیردن "گؤی ائوه"ه یئرلشدیلر.

فریدانین دا ائولیلیکلری سیراسیندا موختلیف ارککلرله ایلیشکیلری اولموشدو. بونلاردان بیریسیده روس انقلابینین اؤنده گلن آدلاریندان لئو تروسکی ایدی. تروسکی، ریوئرانین مئکزیک جومهور باشقانیندان آلدیغی اؤزل اذن ایله 1937"ده مئکزیکه گلمیش و فریدانین ائوینه یئرلشمیشدی. آرالارینداکی ایلیشگی یی ،تروسکینین آروادی آنلادیغیناگؤره ،فریدا تروسکیدن آیریلمیشدی. تروسکی"یه دوزنلنن سوقصد دالیجا ،سوقصدجی ،رسام- سیکوئروس"ون یولداشی اولدوغونا خاطیر سورقولانان فریدا، مئکزیکدن اوزاق اولماسین اویقون گؤموشدور. او سیرادا سان فرانسیسکو"دا اولان اسکی ائشی ریوئرانین یانینا گئدیب و او یئنیدن اونونلا ائولنمیشدیر.

سون ایللری[دَییشدیر]

تئز تئز ساغلیغی پوزولان فریدا ، دایانیلماز آجیلارلا باشا چیخماق اۆچون بوتون گوجویله رسیم چکیر، یالنیز اؤلکه سینده یوخ،آمریکا و فرانسادا سرگیلر آچیر. 1938"ده نیویورک"دا آچدیغی سرگی اونا بؤیوک اون گتیردی. 1939"داکی پاریس سرگیسی ایله اؤوگولر قازاندی.

1943"ده La Esmeralda آدلی یئنی بیر اینجه صنعت اوخولوندا اؤیرتیم اویه لیغینه باشلایان فریدا،ساغلیق دورومو خارابلاشماسینا باخمایاراق درس وئرمه یی اون ایل بویونجا سوردوردو. ساغلیق پرابلئملری ندنیله مئکزیکوسیتی"ه گئده مدییینه گؤره،درسلرینی ائوینده وئریردی. اؤیرنجیلرینه " Los Fridos"  (فریدا اؤیرنجیلری) دئییلیردی.

1948"ده یئنیدن مئکزیک کومونیست پارتیسینه قاتیلماق اۆچون باش ووردو و باش ووروسو قبول ائدیلدی.

1950"ده اومورقاسینداکی(ستون فقرات) سورونلار ندنیله خسته خانایا گؤتورولدو و 9 آی خسته خانادا قالدی. 1953 ایلی آوریل آییندا مئکزیکوسیتی"ده بیر کیشیسل سرگی آچدی, جولای آییندا ساغ آیاغی کسیلدی

اؤلومو[دَییشدیر]

فریدا کاهلو،13 جولای 1954"ده آغجیگر ائمبولی تشخیصیله سون نفسینی وئردیغینده،آرخاسیندا بوراخدیغی سون تابلوسو :"یاشاسین یاشام" آدلی بیر رسیم اولدو . جنازه سی،سحریسید گون یاندیریلدی و کوللری،ماوی ائوده ساخلانیلماقدادیر. گؤی ائو ،1955"ده ریوئرا طرفیندن ددلته باغیشلاندی.

حیاتینی قونویا آلان فیلیملر[دَییشدیر]

  • فریدا کاهلونون حیاتی "فریدا" آدیلا سینما پرده سینه گئتدی و بو فیلمده کاهلویو سلما هایک اوینادی (2002).
  • 2005"ده یاشاییشینی قونویا آلان "The Life and Times Of Frida Kahlo" آدلی بیر بلگسل فیلم چکیلدی.

رسیملری[دَییشدیر]

فریدا کاهلونون 143 رسمی واردیر،55 دنه سی اتوپورتره دیر یاشامینین بویوک بیر بؤلومونو یاتاقدا باشینین اوستونده، "گوندوزلرینین و گئجه لرینین جلادی" اولاراق یاد ائتدیگی بیر آینایا باخاراق گئچیردیغی ایچین دالبادال اتوپورتره چکمیشدیر. رسیملرینده کی اوستالیق ؛پابلو پیکاسو یا بئله "بیز اونون کیمی اینسان اوزلری چکمه یی بیلمه ریز" دئدیرتدیرمیشدی.

مداوم شکیلده ائوجیل حئیوان بسله ین فریدا"نین بسله دیغی حئیوانلارلا ایلگیلی ایکی پورتره سی واردیر.1941"ده یاراتدیغی "من و طوطیلریم" ایله 1943"ده چکدی یی "میمونلارلا اتوپورتره".

فریدانین رسیملری "سورئالیست" اولاراق ده یرلندیریلسه ده او سورئالیزمی رد ائتدی.رسیملری اصلینده آجی و کسین گرچکلی یی یانسیتیردی.فریدانین رسیملرینده مئکزیک کولتورو و دئوریمجی(انقلابی) میلّی کیملیک نقاشی اوزونده اؤزون گؤستریر.

کاهلو، 1938"ده نیویورک"دا سورئالیست رسمین اؤنجو آدلاریندان دوستو آندره بروتون"وندا دستکیله بیر سرگی آچدی و بو سرگی اونا اولوسلارآراسی  اون گتیردی. 4 تابلوسو اونلو آکتور ائدوارد جی رابینسون"ا ساتاراق ایلک بؤیوک ساتیشینی گرچکلشدیردی..رسیملرینین یاریسی ساتیلدی. بو باشاری اوستونه 1939"دا پاریسده بیر سرگی آچدی. پاریس سرگیسینده چوخ تابلوسو ساتیلماسادا اثرلری بؤیوک ایلگی توپلادی. پیکاسو و کاندینسکی کیمی  صنعتجیلرین اؤوگوسونو قازاندی،لوور موزه سی، صنعتچینین "چرچوه" آدلی تابلوسونو ساتین آلدی. صنعتچی،اؤلکه سینده کی ایلک کیشیسل سرگیسینی 1953"ده مئکزیکده کی قالئریسینده آچدی.دوْکتورو یاتاغیندان چیخماسینی یاساقلادیغی اۆچون سرگینین آچیلیشینا براندکارد اوستونده داشیناراق گؤتورولموشدو.

قایناقلار[دَییشدیر]