فلسفه داشی

فلسفه داشی (اینگیلیس. Philosopher's stone) - الکیمیا علمینه گؤره توخوندوغو هر بیر نسنه‌نی قیزیلا چئویره بیلن داش. کیمیا (شیمی) علمینه گؤره ایسه هر هانسیسا بیر مادّه‌نی قیزیلا چئویرمک مومکون دئییل. بونون تمل سببی ایسه قیزیلین بیر کیمیوی بیرلشمه یوخ کیمیوی المنت اولماسی‌دیر. فلسفه داشی‌نین الده ائدیله بیلمه‌سی اوچون اورتا عصرلرده بیر چوخ فورمول‌لار حاضیرلانمیش و سیناق‌لار حیاتا کئچیریلمیشدیر. کئچیریلن سیناق‌لارین اوغورسوزلوقلا نتیجه‌لنمه‌سینه باخمایاراق مودرن کیمیا علمی همین آراشدیرمالار نتیجه‌سینده بؤیوک اینکیشاف مرحله‌سی کئچمیشدیر. الکیمیاچی‌لار کئچیریلن هر یئنی سیناغین آردیندان علمه معلوم اولمایان یئنی-یئنی المنت‌لر کشف ائتمیشدیلر. آلمان الکیمیاچی هنیق براندین فلسفه داشینی تاپماق اوچون کئچیردیگی تجروبه‌لر زامانی فوسفور المنتینی کشف ائتمه‌سی بونا میثال گؤستریله بیلر.

قایناق[دَییشدیر]