قرئوی قولانی

قرئوی قولانی زامان محدوده‌سی: Middle Pleistocene – Recent PreЄ Є O S D C P T J K Pg N ↓
بیر قرئوی قولانی گورۆنتوسی
Conservation status
Endangered  (IUCN 3.1)
CITES Appendix I (CITES)
علمی قوروپلاشدیرما
عالم:	حئیوان
تیپ:	خوْردالیلار
صینیف:	ممه‌لیلر
دسته:	تکدیرناق‌لیلار
عائله:	آتلار
نوع:	E. grevyi
قرئوی قولانؽن داغؽنتیسی آفریقادا
سینونیم‌لر

قرئوی قولانی (Equus grevyi)، یوْخسا ایمپئریا زئبراسؽ کیمی‌ده تانؽنیر، وحشی قولانلارؽن ان بؤیوک جانلؽ نوْوودور و اۆچ قولان نوْوو آراسؽندا ان چوْخ تحلۆکه آلتؽندا اوْلانیدیر، دیگر ایکیسی دۆزنلیک قولانی و داغ قولانی. فرانسا پرئزیدئنتی ژۆل قرئوینین آدؽنی داشؽیان بۇ قولان، کنیا و اتیوپینین بعضی یئرلرینده یاشؽییر. ظاهیرن قرئوی قولانین فیزیکی خۆصوصیتلری اوْنو آیری قولانلار نوْولریندن فرقلندیرمه‌یه کؤمک ائده بیلر؛ عۆمومی گؤرونوشو دۆزنلیک و داغ قولانلاری داها "آت" گؤرونوشو ایله مۆقایسه‌ده قاتؽر و ائششه‌یین گؤرونوشونه بیر قدر یاخؽندیر. آیری قولانلار نوْولری ایله مۆقایسه‌ده قرئوی زئبراسؽ ان هۆندوردور؛ قاتؽرا بنزر، داها بؤیوک قۇلاقلاری وار و بۆتون زئبرالار آراسؽندا ان دار زوْلاقلارا مالیکدیر. خۆصوصیله دیک یال و داها اینجه بۇرنو وار.

قرئوی قولانی یارؽ-قوراق ساوانادا یاشایؽر، بۇرادا اوْتلار، پاخلالؽلار و آکاسییا کیمی قاراغاتلارلا قیدالانیر؛ سۇسوز بئش گۆنه قدر یاشایا بیلیر. دیگر قولان نوْولریندن فرقلنیر کی، هریرده یاشامؽر و اۇزونموددتلی عومومی علاقه‌لری آزدؽر. آیغؽر اراضیسی و آنا-تای مۆناسیبتلری قرئوی قولانؽن عومومی سیستئمینین اساسؽنی تشکیل ائدیر. دۆنیاداکی بیر نئچه حئیوانپارک و حیوان اۇغورلو اسیر یئتیشدیرمه چالؽشلارینا باخمایاراق، دوْغما وطنینده بۇ قولان بینالخلق طبیعت مۇحافیظه بیرلیگی طرفیندن نسلی کسیلمکده اوْلان حیوانلار سیاهؽسینا داخیل ائدیلمیشدیر. ۱۹۷۰-جی ایللردن بری اوْنون نۇفوسو ۱۵.۰۰۰-دن ۲.۰۰۰-دۆشوب. ۲۰۱۶-جؽ ایلده نۇفوسو "ثابیت" اوْلدوغو بیلدیریلیردی؛ لاکین، ۲۰۲۰-جی ایله قدر وحشی طبیعتین سایؽ هله‌ده یالنؽز ۲۲۵۰ حیوان اطرافؽندا تخمینلنیر.