قره ملیک (قراملک)

ویکی‌پدیادان، آچیق بیلیک‌لیک‌دن

قره ملیک تبریزین باتی طرفی قره‌ملیک محله‌سینه ختم اولور.

جوغرافیاسی[دَییشدیر]

قره‌ملیک تبریزین باتی طرفینده و ماشین‌سازی کارخانه‌سینین دیبنده‌دیر. دوغو طرفدن خانه‌سازی محله‌سینه ختم اولور. بو محله تبریزین قدیمی و تاریخی محله‌لریندن بیری‌دیر کی تاریخده شام قازان محله‌سینین تایی حساب اولور. بو محله گونئی طرفدن کوجووار چؤلونه ختم اولوبدور.

تبریزین قاراملیك محلّه‌سی‌نین آدی حاقّیندا[دَییشدیر]

تاریخیمیزی، وارلیغیمیزی قورویوب ساخلایانلاردان بیری‌ده ائله یئر آدلاریمیزدیر. بوردا « قاراملیك » محلّه سی نین آدی ایله باغلی بیر سرگذشتی بیر لیكده مرور ائده جه ییك.بوگون تبریزین مشهور محله لریندن دیر قاراملیك. یازیلار « اومید نیایش »ین «آلتایلاردان سهندیمیزه» كیتابیندان اختصارلا وئریلمیشدیر قاراملیك داستانی قهرمانلیق دستانلاری سیراسیندادیر. حادثه لر میلادی 12- نجی عصرده ، یعنی ائلدنیزلر (آذربایجان آتابیگ‌لری ) دؤورونده و آتابای قیزیل آرسلان زمانیندا جریان ائدیر.

اساس اعتباری ایله بو دؤورده كی تاریخی حادثه لرین بدیعی انعكاسی دیر. آتابای ائلدنیزین دؤورونون باشلایاراق آذربایجانین مركزی اولان تبریز ده ایلده بیر دفعه ایگیدلیك ، قهرمانلیق و پهلوانلیق یاریشی اعلان اولونوردو . نوروز بایرامی نین ایكینجی گونو خالق بؤیوك دوزه ییغیشیر و هركس اوردا ایگیدلیك گؤستریردی.بو یاریشدا حؤكمدارلارین اؤزلری ده شركت ائدر و بیر ینجی لیك قازانالاری مكافاتلاندیراردیلار.

خالق آراسینداكی روایتلره گؤره ، او زامان دونیا ائلدنیزین اوغلو محمددن ایگید و قهرمان بیر آدام یوخ ایمیش . بونا گؤره ده تاریخده اونون آدینا « جهان پهلوان » دئیرلرمیش ... عاشیقلارین دئدیگینه گؤره ، اونون نصرت الدین آدیندا بیر اوغلو واریمیش . نصرت الدین ده آتاسی كیمی پهلوان و ایگید ایمیش. داستان قاراملیگین آدینا باغلانمیشدیر.

18 یاشلی ، قارا بنیز ، آریق بیر آوغلان قاراملیك ، قوجا آناسی نین خواهشی ایله یاریشدا اشتراك ائدیر و غلبه قازانیر و بونو گؤره ن نصرت الدین آوز كمانینی اونا باغیشلاییر. ائله بوگوندن قاراملیك دیله – دیشه دوشور ، اونون دوشمنلری آرتیر ، اونو محو ائتمك ایسته ییرلر.آنجاق او ، اوجان داغینا چكیلیر، قاچاق اولور ، مبارزه نی دوام ائتدیریر. ائله نصرت الدین اؤزو قاراملیگی تعقیب ائدیر ، گون اوزونه چیخماغا قویمور و اونون سئو گیلیسی اولان « رخساره » نی قوهوم - اوباسی ایله بیرلیكده حبس ائتدیریر ، كبینینی باشقا آداما كسدیریر. آنجاق توی گئجه سی ، قاراملیك سئو گیلیسینی آزاد ائدیب داغلارا آپاریر. داستانین اوچونجو روایتی محض تاریخی حادثه لر اوزهزینده قورولموشدور. دوشمنلرین تبریزه هجوموسیراسیندا قاراملیك ده دسته سی ایله تبریز محله لرینی مۆدافیعه ائدیر.

آنجاق دوشمن قوشونلارینا تاب گتیرمك اولمور... بو زامان آتابای قیزیل آرسلان قوجا وزیری شمس الدین ، مكتوب بازیب فخرالدین آدلی سركرده نی كؤمگه چاغیریر ، نصرت الدین ، فخر الدین و قاراملیك دوشمن قوشونلارینی محاصره یه آلیب ، قیریلار و تبریزی آزاد ائیرلر. نصرت الدین تبریز اوغروندا اؤلنلر ایچریسینده قاراملیگی تانیییر ، دیزه چؤكوب و دئییر : دونیانین لعنتی منه گلسین ، سنی یاشاماغا قویمادیم. او گوندن تبریزده ، همین محله قاراملیگین آدینی داشیییر.

خاریجی کئچیدلر[دَییشدیر]

قایناقلار[دَییشدیر]