قرَق(اویون)

ویکی‌پدیادان، آچیق بیلیک‌لیک‌دن

قَرَق  - آذربایجاندا ان چوخ یازقاباغی (بایرام‌قاباغی) گونلرده، ائلجه ده دیگر واختلاردا، اساساً گنجلر آراسیندا، گئنیش شکیلده اوینانیلان قدیم اویونلاریندان بیریدیر.

عومومی معلومات[دَییشدیر]

قَرَق اویونو نوروز بایرامی گونلرینده، ائلجه ده ائل شنلیکلرینده، موختلیف ییغینجاقلاردا گنجلرین و جاوانلارین، خوصوصاً اورتا عصرلرده، صفویلر دؤورونده گئنیش یاییلمیش آت اوستو اویونلاردان بیری اولموشدور. بو اویونون رسم تصویرلرینه صفویلرین قزوین شهرینده‌کی"قیرخ سوتون" سارایی‌نین داخیلی دیواریندا راست گلمیشدیر. 16. عصر ایران شاعیری عبدی بیگ شیرازی "چیچکلر باغی" اثرینده همین رسمدن بحث ائتمیشدیر.

اویونون قایدالاری[دَییشدیر]

معلوماتا گؤره، قَرَق اویونوندا 6-8 نفر ایشتیراک ائدیرمیش. مئیدا‌نین اورتاسیندا باسدیریلمیش هوندور دیرگین-"قَرَق" آغاجی‌نین اوجونا ایچی گوموش پوللا دولو کیچیک بارداق و قیزیل بیر جام-پیاله قویولور. ائل-اوبا شنلیکلرینده، طنطنه‌لی گونلرده کئچیریلن اویونلاردا بارداق قیزیل سیکّه‌لرله دولدورولموش. اویونچولار آتلارینی چاپاراق موعیّن مسافه‌دن تک-تک هدفه اوخ آتیرلار. هدفی ووران غالیب ساییلیر و بارداقدان تؤکولن سیکّه‌لر اونا چاتاردی.

قایناق[دَییشدیر]

  • نوروز بایرامی انسکلوپدیاسی. باکی-2008 (شرق-غرب). ص.123.