قمه‌وورماق (تطبیر)

ویکی‌پدیا، آچیق بیلیک‌لیک‌دن
پرش به ناوبری پرش به جستجو
قمه‌وورانلار هیئتی ایستانبول ۱۰ مُحرم فائوستو زونارو اثری.
قمه‌وورانلار دسته‌سی نخجیوان دا (۱۸۹۷ میلادی) ( «Vom Kaukasus zum Persischen Meerbusen» کیتابیندان گؤتورولموش)

قمه‌وورماق یا دا تطبیر بیر نوع مذهبی تؤره‌نی دیر کی بعضی شیعه‌لر آراسیندا رواجی وار و بو مراسیم ایچینده شیرکت ائدنلر بیر تیز و کسمه‌لی آلت اللرینه گؤتوروب کی بو وسیله‌نین آدی (قمه (کسمه)) دیر، اونلار (مراسیمده شیرکت ائدنلر) بو قمه‌اینن اؤز باشلارینا وورورلار و اؤزلرینه جراحت وارد ائلییرلر و باشلاریندان قان توکولور. بوجور عزادارلیق بعضی شیعه قروپلاری‌نین آراسیندا موحرّم آییندا مرسوم‌دور و آماجلاری دا بودور کی اؤز ارادت‌لرین و مواسات‌لارین و علاقه‌لرین و سئومک‌لرین حوسین ابن علیه گؤرسدسین‌لر. هابئله اؤز شوجاعت دویغولارینی تقویت و اعلام جهاد اؤز اینانجلاری‌نین یولوندا ائلییرلر. معمولاً شیرکت ائدنلر بو مراسیمده عاشورا گونونون سحر چاغی آغ گئییم‌لرین گئیماغینان بو اعمالی انجام وئریرلر. بو ایش بعضاً اوشاقلارا دا انجام قیلینیر. بو اعمالی انجام وئرمک گئچمیش زامانلاردان دارتیشمالی و مبحثلی اعمالی‌ایمیش و سبب اولوب کی بعضی شیعه عالیم‌لری بو باره‌ده بحث‌لری اولسون، بعضی عالیم‌لر قمه وورماغی آزاد بیلیبلر و بعضی عالیم‌لر بو ایشی حرام ایش اعلام ائدیبلر و بعضاً حتی بو ایشی حارام و ایسلام‌این وهن‌اینه سبب بیلیبلر و بو ایشی تحریم ائلییبلر.[۱]

قایناقلار[دَییشدیر]