قهوه فالی
قهوه فالؽ(عربجه: قراءة الفنجان; فارسجا: فال قهوه; آنادولو تورکجهسی: kahve falı; یونانجا: καφεμαντεία; (صربجه:гледање у шољу))قهوه فالؽ، ایچیلمیش قهوه قالؽقلاریندان ایستیفاده ائدهرک فالچؽلیق و فالچؽلیغین مشهۇر بیر اۆصولودور. بۇ مقصدله عادتا تۆرک قهوهسیندن ایستیفاده اوْلونور.
چای و قهوهدن ایشارهلرین اوْخونماسی عرب دیلینده فینجان معناسؽنی وئرن "تاسسئ" سؤزوندن گؤتورولموش تاسسئوْقرافییا کیمی تانؽنیر. قهوه ایله فالچؽلیق یۇنانیستان، ایران، آذربایجان، رۇسییا و یۇقوسلاوییا خالقلارؽ آراسؽندا خۆصوصیله پوْپولیار اوْلوب و مؤوجوددور. قهوه فالچؽلیغینین دۆنیانین مۆختلیف اؤلکهلرینده و بؤلگهلرینده فرقلی عادت و کۆلتورلاری وار، لاکین عۆمومیتله بۇ، قهوه چۇبوقلاریندان مایعنین چوْخ حیصّهسینی ایچمکله، فینجانؽن دیبینده قاتؽ قهوه و سۇ قارؽشیغی قوْیماقلا، سوْنرا فینجانؽ بوْشقابین اۆستونه چئویرمکله ائدیلیر. بیر مۆدت سوْنرا اوْنو چؽخاریرلار و فالچؽ فینجانؽن دیبینده عمله گلن فوْرمالارا باخؽر و اینسانلارا، حیوانلارا، آغاجلارا و آیری شئیلره بنزتدییی فوْرمالارا ایشاره ائدهرک، قهونی ایچن اینسانؽن حیاتؽ، کئچمیشی، بۇ گۆنو و گلجهیی ایله باغلؽ بعضی مقاملارؽ ایفاده ائدیر.
