قوسی تبریزلی

ویکی‌پدیا، آچیق بیلیک‌لیک‌دن
(قوسی تبریزی-دن يوْل‌لاندیریلمیش)

قوسی تبریزی یا علیجان قوسی تبریزی ( ۱۵۶۸میلادی تبریز - ۱۶۴۰ میلادی تبریز)[۱] شاعر اون یتدینجی میلادی یوز ایلده آذربایجاندا ان آدلیم شاعیرلردن [۲] ایکی نۆسخه اونون دیوانیندان[۳] واردی کی بیری بریتانیا و بیری گورجیستاندا موزه ده ساخلانیر.[۴][۴]

یاشایش[دَییشدیر]

قوسی تبریزی تبریرده دونیایه گلدی و بۇ شهریده علم وبیلگیلر قازاندی ، اونون دیوانی ۱۹۲۵ باکی دا انتشار تاپدی . او قصیده و غزل یازماقدا محمد فضولی و صائب تبریزی دن درس آلدیو میرزاطاهر وحیدی تبریزی نی اوز شعرینده تعریف ائدیب.

قوسی تبریزی . صائب تبریزیه تای بیر آزادلیقا چالیشان شاعیردی و آزادلیقا گوره چوخلی سوزلر یازیب و زمانه دن و آداملاردان شکایت ائدیب:[۴]

شعرلیرندن[دَییشدیر]

گر ناله چکمه‌سین دل بیمار نئیله‌سین

عاشق گؤزوم گر آغلاماسین زار نئیله‌سین

قوسی‌نین می حالینا بیر اهل دل دئمیش

قویماز منی فلک گؤز آچیم یار نئیله‌سین

دوْلودور[دَییشدیر]

دیلیم فغانیله و دیده قان ایلن دوْلودور،

کؤنول صحیفه‌سی شرحو بَیان ایلن دوْلودور.

وۇروبدور آغزینا مین قیفلی بیر دمیر غیرت،

هنوز سقفی-فلک ال-امان ایلن دوْلودور.

هارای کیم، نه دیلیم وار، نه بیر دیل آنلایانیم،

اگرچی نئی کیمی جیسمیم فغان ایلن دوْلودور.

اگرچی کؤنلومه ظاهرده دیَمک آساندیر،

بۇ چؤل کمینگهی شیرین-جییان ایلن دوْلودور.

سێنیق سبوده سۇ تۇتماز قرار، مئی دۇرماز،

شیکسته کؤنلومه مهوم کی، قان ایلن دوْلودور.

خۇماریلن منی اؤلدوردو ساقیگی-بی‌رحم،

سبویی-باده‌ی-گۆل‌رنگ جان ایلن دوْلودور.

بۇ بیر پییاله‌ده یارب، نه سئهر ائدیب ساقی -

کی، اۆستو باده ایلن، آلتی قان ایلن دوْلودور.

بصیرت اهلی دلیل ایسته‌مز کی، کؤونو مکان

نیشان ایلن دوْلودور، بی‌نیشان ایلن دوْلودور.

یۇوادا قؤنچه‌له‌نیر عندلیب بس کی، چمن،

نوایی-قؤوسیگی-آتشزبان ایلن دوْلودور.[۵]

قایناقلار[دَییشدیر]