مریمالزمانی بیگم
| کرالیچه مریم الزمان | |
|---|---|
| ملیکا المعظما ملیکا هندوستان سلطانه مغول شهزاده راجپوت | |
کرالیچه هندوستان مریمالزمان شاهی بیگم | |
| کرالیچه، بؤیوک موغول ایمپیراتورلوغو | |
| شاهلیق | ۱۵۶۲ – ۲۷ اکتبر ۱۶۰۵ |
| قاباقکی | سليمه سلطان بیگم |
| سوْنراکی | شاه بیگم |
| پادشاه بیگم، بؤیوک موغول ایمپیراتورلوغو | |
| شاهلیق | ۳۱ آگوست ۱۵۶۹ – ۲۷ اکتبر ۱۶۰۵ |
| قاباقکی | حمیده بانو بیگم |
| سوْنراکی | صالحه بانو بیگم |
| آنا کرالیچه، بؤیوک موغول ایمپیراتورلوغو | |
| شاهلیق | ۲۸ اکتبر ۱۶۰۵ – ۱۹ می ۱۶۲۳ |
| قاباقکی | حمیده بانو بیگم |
| سوْنراکی | قدسیه بیگم |
| دوغوم | ت ۱ اکتبر ۱۵۴۳ راجکمار جودا بای |
| اولوم | ۱۹ مئی ۱۶۲۳ (۷۹ یاش)[۱] آگرا,[۲] بؤیوک موغول ایمپیراتورلوغو (ینی هیندوستان) |
| دفن | تربه مریمالزمانی, آگرا[۳] |
| حیات یولداشی | اکبر شاه |
| اوشاقلار | فاطما بانو بیگم شهزاده حسن میرزا شهزاده حسین میرزا شهزاده عباس میرزا جهانگیرشاه شهزاده دانیال میرزا فیروزه هانیم بیگم |
| آتا | راجا بهارمال |
| آنا | کرالیچه مناواتی |
| دین | هندوئیسم، ایسلام شیعه |
مریمالزمانی شاهی بیگم(اینگیلیسیجه: Mariam-uz-Zamani)،جودا بای نامیله مشهور اولان، اکبر شاه مغولون اصلی کرالیچه سی و پادشاه بیگمی، جهانگیر شاه مغولون آنا کرالیچه ایدی. مریمالزمانی، مغول امپراتورلوغونون تاریخندهکی ان گۆجلو و تاثیرلی قادینلرندن بیریسی ایدی و هابئله بۆتون امپراتورلوقدهکی ان زنگین کرالیچه سیدی. مریمالزمانی بیگم، بؤیوک موغول ایمپیراتورلوغو اؤز آدینا سکه ضَرب ائدیلن و اؤز آدینا سلطنت مهرینه مالیک اولان ایلک خانیم اولموشدور.
۱۵۴۳ سنهسینده آمر نام شهرِ راجپوتلر مملکتنده دنیایه گلدی. آتاسی بهارمال، آمر پادشاهی، و آناسی ملکه مناوَتی ایدی. مریمالزمانی، بهارمالون ایلک قیزی ایدی. آتاسی اوْنا جودا آدینی وِردی. جودا، گوزللیغی، عفتی، ذکاوتی، زیرکلیغی و کاریزماسی ایله مشهور اولان بر قیز ایدی. اول، سسی ایله جلالالدین اکبرون قلبینی تسخیر ائتمیش و بؤتون باجیلاری آراسنده اونون ان محبوب باجیسی اولموشدور.
کرالیچه مغولون
[دَییشدیر]۱۵۶۲ سنهسینده اکبر شاه ایله عقد ائدیب، بلافاصله اکبرون بویوک و عالیه کرالیچه بریسی مقامینه یتیشدی. بو ایکی عظیم شخصیت آراسندهکی محبت و مَوَدّت، زمانهنین سخت امتحانلرینه معرض قالدی و چوخ مشقتلر گؤردولر؛ زیرا جودا هندو مذهبنده، اکبر شاه ایسه اسلام دیننده ایدی. مریمالزمانی ۱۵۶۳ سنهسینده ایلک اولادی فاطمه بانو بیگمی دنیایه گتیر دی. ۱۵۶۴ سنهسینده ایکی قوشا اوغلان اولادی، حسن و حسین میرزا، دنیا گلدی. حسن میرزا ایکی آیدان سونرا وفات ائتدی، حسین میرزا ایسه بر یاشنده حیاتینی کایب ائتدی. سونرا مریمالزمانی ۱۵۶۷ سنهسینده یئنه حامله اولدی و عباس میرزا نامنده بر اوغلان دنیایه گتیر دی. ۱۵۶۹ سنهسینده ایسه جهانگیر شاه مغولون ولادتینی گؤردی. اونون دانیال میرزا و فیروزه خانم بیگم ناملی ایکی فرزند دیگهسی ده وار ایدی. مریمالزمانی خاتون، اکبر شاهون حیاتنده هم محبت و هم اعتبار ساحیبی اولان، دربار مغولونون ان محترم و نفوذلو قادینلرندن بریسی ایدی.
پادشاه بیگم
[دَییشدیر]جهانگیر شاهؽن ولادتیندن سونرا، مریمالزمانی بیگمون اوْنا اولان عمیق سئوقی و علاقهسی سبب ایله، بو دهورده هیچ بر همشیرهسی اونون قدرینجه اولاد صاحبی اولمادیغی اوچون، اکبر شاه آگرا قصرینی ترک ائدیب، مریمالزمانی و او زمان سلیم نامیله معروف اولان اوغلو جهانگیر اوچون فاتیحپور سیکریده اؤلکن بیر سارای بنا ائلدی. هابئله باشکندی آگرادان فاتیحپور سیکریه دا ائتدی و بو مقام جودا بای نامیله مشهود اولدی. اکبر شاه، مریمالزمانی «پادشاه بیگم» لقبلرندن اعلیسی اولان مقاملار ایله شرف و افتخار عطا ائتدی. بو مقامه اکبر شاهون هیچ بیر آیری باجؽسی، حتی رقیه سلطان بیگم و سلیمه سلطان بیگم کی اونلار شاه ایله قرابت و قان باغینده ایدیلر، نائل اولمادیلار. چۆنکی پادشاه بیگم، مغول امپراتورلوغونده بیر قادینلر یئته بیلهجهگی ان بویوک و عالی مقام ایدی. مریمالزمانی پادشاه بیگم مقامینه یتیشدیکدن سونرا درباردهکی نفوذونی چوخ آرتدیردی و دولت ادارهسینده عملاً رول آلماغا باشلادی. اول، گئنیش دریایی تجارتلره مالیک ایدی، قووَتلی بر دنیز ناوگانی صاحیبی ایدی و بؤیلهلیکله مغول امپراتورلوغونون ان زنگین قادینی مقامینه یتیشدی.
قایناقلار
[دَییشدیر]- ↑ Jahangirnama (1909). Alexander Rogers and Henry Beveridge (ed.). The Tūzuk-i-Jahāngīrī, Volume 2. Royal Asiatic Society, London. p. 261.
- ↑ جهانگیرشاه (1909). Rogers and Beveridge (ed.). The Tūzuk-i-Jahāngīrī, Volume 2. Royal Asiatic Society, London. p. 261.
- ↑ Christopher Buyers. Timurid Dynasty GENEALOGY delhi4. Royalark.net. یوْخلانیلیب2013-10-06.