ملک‌بالیقی
ملک‌بالیقی یادا آنجل بالیقی (لاتینجه : Pterophyllum ) ، سیکلیدلر (Cichlidae) عائیله‌سیندن اولان کیچیک بیر شیرین سو بالیق نسیلی‌دیر کی آکواریوم ساخلایانلارین چوخو اونو آنجل بالیقی (Angelfish) آدیلا تانیییر. ملک‌بالیقی نؤعلرینین هامیسی گونئی آمریکانین تروپیک (ایستی) بؤلگه‌لرینده‌کی آمازون حؤوضه‌سی، اورینوکو حؤوضه‌سی و قویان قالخانی‌نین (Guiana Shield) موختلیف چایلاریندان گلیرلر. ملک‌بالیقؽن اوچ نؤعو، باشقا سیکلیدلره باخاندا قایداسیز و فرقلی بیر شکله مالیک‌دیرلر؛ بدنی یان‌لاردان چوخ سیخیلمیش، اوزون‌سوو و دایروی (دوم‌دوز یوخ، یومرو) بدنی و اوچ‌بوجاق شکلینده اوزون کورک و قیرت‌گاه (آنال) اوزگج‌لری وار. بو بدن شکلی اونلارا کؤمک ائدیر کی بیتکیلرین و آغاج کؤکلرینین آراسیندا، چوخ واخت دا دیک شکیلده گیزله‌نسینلر.[۱]
| ملک‌بالیقی | |
|---|---|
 | |
 | |
| علمی قوروپلاشدیرما | |
| عالم: | |
| تیپ: | |
| صینیف: | |
| دسته: | |
| عائله: | |
| سوی(تبار): | قهرمان بالیقلار |
| جینس: | Pterophyllum
Heckel, 1840 |
 | |
| سینونیم‌لر | |
طبیعتده‌کی آنجل‌فیش‌لرین چوخونون بدنینده انینه یول‌لاری (زولاغی) وار کی بو رنگ‌بندی، اونلارین گیزله‌نمه ائتمه‌سینه داها چوخ کؤمک ائدیر. آنجل‌فیش‌لر کمین‌چی (آنی باسقین) آوچیلاردیرلار و کیچیک بالیقلار یا دا اونورغاسیزلار ایله تغذیه ائدیرلر. بوتون ملک‌بالیقیلاری نؤعلاری تک‌عؤمورلوک جودت جفت‌لر تشکیل ائدیرلر. یومورتالارینی چوخلی سو آلتیندا قالمیش بیر آغاج کؤتویو یا دا انلی بیر یارپاق اوستونده قویورلار، اما آکواریوم شرایطینده اولاندا، فیلتر لوله‌لری‌نین اوستونده ده یومورتالایا بیلرلر. باشقا سیکلیدلرده اولدوغو کیمی، آنجل بالیقلار ده بالا ساخلاماق و قوروماق چوخ گؤز قاباغیندادیر و اینکیشاف ائدیب.
نوْوعلاری
[دَییشدیر]ملک بالیقلاری آلتداکی نوْوعلارا شامیل اولولار:[۲]
| شکیل | علمی آدی | داغؽنتیلاری |
|---|---|---|
 | آلتوم آنجل جیکوس پئلئقرین, ۱۹۰۳ | اورینو چای حؤوضه سی و اۆست ریونئقرو سو حؤوضه سی گۆنئی ونزوئلا، کولومبیانؽن گۆنئی دوغوسو و برزیلین قوزئیی |
 | لئوپولدی آنجل (ژان پیر قوز, ۱۹۶۳) | آمازون چایی (ماناکاپارو و سانتارئم آراسی) ، اسئقویبو چایی و راپونونی چایی |
 | اسکالار آنجل (فرد شولتز, ۱۸۲۳) (شیرین سو آنجل بالیقلاری) | آمازون چای حوؤوضه سی پرو ، کولومبیا و برزیلده. |
قایناقلار
[دَییشدیر]- ↑ Alderton, David (2019). Encyclopedia of Aquarium and Pond Fish. United Kingdom: Dorling Kindersley Limited. pp. 140–141. ISBN 978-0-2413-6424-6.
- ↑ Froese, Rainer and Pauly, Daniel, eds. (2013). Pterophyllum نؤوعلاری فیش‌بیس-ده. April 2013 نوسخه‌سی.