موريتانی

ویکی‌پدیا، آچیق بیلیک‌لیک‌دن
موريتانی‌لی قیز

موريتانی (عرب دیلی: موريتانيا، یا دا موريتانی ایسلام جومهوریتی) — غربی آفریقادا یئرلشن بیر دؤولت، غرب‌ده آتلانتیک اوقیانوسی ایله یویولور. اؤلکه‌نین دؤولت قۇرولوشو ۱۹۹۱-جی ایلده قبول اوْلونموش آنا یاسا ایله ایداره ائدیلن جومهوریتی‌دیر. عۆمومی سس وئرمه یوْلو ایله ۶ ایللیک مدته سئچیلمیش باشکان اؤلکه‌نی ایداره ائدیر. یۆکسک قانونوریجی اوْرقان میلّی ییغین‌جاق (آشاغی پالاتا) و سنا‌دان (یۇخاری پالاتا) عبارت ایکی پالاتا‌لی مجلیسه مخصوص‌دور.

بایراغی[دَییشدیر]

موريتانی بایراغی یاشیل رنگ اۆزرینده قیزی‌لی ساری رنگ‌لی اۆفوقی آیپارا و ۵ گوشه‌لی اۇلدوزدان عبارت‌دیر. یاشیل و قیزی‌لی ساری رنگ پان-آفریقا (پان-یونانجا بیرلیک، بوتونلوک، تام) رنگلری اوْلا‌راق قبول ائدیلیر. یاشیل رنگ ایسلامی تمثیل ائدیر، ساری رنگ ایسه صحرا چؤلونون قوملارینی تمثیل ائدیر. آیپارا و اۇلدوز دا ماوریتانیانین اساس دینی اوْلان ایسلاما ایشاره‌دیر.

جوغرافیاسی[دَییشدیر]

موريتانی ۴ اؤلکه ایله همسرحددیر: غربی صحرا، سنقال، الجزاییر و مالی.

تاریخی[دَییشدیر]

۱۹۰۴-جو ایلده موريتانین بیر حیصّه ‌سی، ۱۹۴۶-جی ایلده ایسه بوتونلوک‌له فرانسه نین ایداره‌سینه کئچمیش، ۱۹۵۸-جی ایلده ایسه فرانسه جمعیتی‌نین آوتونوم جومهوریتی دۇروم آلمیشدیر.

۱۹۶۰-جی ایل، ۲۸ نوْوامبر تاریخ‌ده اؤلکه فرانسهنین اسارتین‌دن قورتولا‌راق موستقیل‌لیک الده ائتمیشدیر.

اها‌لی‌سی[دَییشدیر]

۳،۳۵۹،۱۸۵ نفردیر. کؤللیین ان گئج لغو اوْلوندوغو اؤلکه موريتانی ایسلام جومهوریتی‌دیر. کؤله‌لیک ۱۹۸۱-جی ایلده لغو اوْلونوب، کؤله صاحیبی اوْلماغا گؤره جزا نظرده توتان قانون ۲۰۰۷-جی ایلده قبول ائدیلیب. رسماً لغو اوْلون‌سا دا عملده کؤله‌لیک داوام ائدیر، اؤلکه اها‌لیسینین ۱۰ ایله ۲۰%-نین کؤله اوْلدوغو دوشونولور. اساس کؤله صاحیبلری اؤلکه‌نین الیت طبقه‌سینی تشکیل ائدن عربلردیر، کؤله هدیّه

ائتمک بؤیوک حؤرمت ژستی ساییلیر.

ایقتصادیاتی[دَییشدیر]

ماوریتانیانین پول واحیدی اۇقییا‌دیر.

حاضیردا موريتانی ایقتیصادی جهت‌دن ضعیف اینکیشاف ائتمیش اؤلکه‌لر سیرا‌سینا داخیلدیر. ایخراجات‌دا اساس یئری بالیق و بالیق محصوللاری، قیزیل، دمیر فیلیزی، میس کونسنتراتی تۇتور. چین، فرانسه، ایسپانیا، ایتالیا، هولند و بلژیک کیمی اؤلکه‌لرله تیجارت علاقه‌لری واردیر.

ایستینادلار[دَییشدیر]


بیرده باخ[دَییشدیر]