موسکو

ویکی‌پدیا، آچیق بیلیک‌لیک‌دن
موسکو

موسکو (روسجا: Москва) روسیه فدراسیونونون پایتختی و دونیانین ان باهالی شهرلرین‌دن بیری‌دیر. موسکو دونیانین ان ایری شهرلری فهرستین‌ده‌دیر. چوخ‌لو سای‌دا فابریک-کارخانالاری، ۶ فورودگاه، دمیریول ایستگاه‌لاری، یوزلرله عالی تحصیل موؤسیسه‌لری، موزه‌لری، تئاتر و کونسرت سالون‌لاری، نادیر تاریخی و معمارلیق عابیده‌لری، اؤزونه مخصوس میدان‌لاری، بۇ شهرین یارانما تاریخی ۱۱۴۷-جی ایله تصادوف ائدیر. موسکودا موختلیف میلت‌لرین نماینده‌لری یاشاییر، تحصیل آلیر، ایشله‌ییر. اهالی‌سی‌نین سایی ۱۱.۹۷۹.۵۲۹ نفر (۲۰۱۳). اراضی‌سی ۱۰۸۱ کیلومتر موربع‌دیر.

سون زامان‌لار پوست‌شوروی مکانین‌دا باش وئرن دییشیک‌لیک‌لر موسکودان دا یان کئچمه‌ییب. آنجاق یئنی-یئنی بورج‌لار، کافه‌لر، رستوران‌لار، تفریح-ایستیراحت مرکزلری‌نین دورمادان آرتماسینا باخمایاراق، شهر اساس سیماسینی قورویوب-ساخلاییر. اساسی هله ۱۶-جی عصردن قویولان دایروی پلانلاشدیرما، موسکو چایی‌نین ایری یول‌لاری، شهر محله‌لرینی بیر-بیرین‌دن آییران یاشیل‌لیق ساحه‌لری، کؤهنه محله‌لرین قدیم دؤنگه‌لری توخونماز اولاراق قالیر. شهرین اول‌لر بوش چؤل‌لوک‌لر اوْلان اطرافین‌دا یئنی-یئنی بخش‌لر، یاشیل پارک‌لار، مصنوعی مئشه‌لر سالینیر. موسکو هم‌ده دونیانین ان باهالی شهرلری فهرستین‌ده ایل‌لردیر بیرینجی و یا توکیودان سوْنرا ایکینجی یئری توتور. شهر روسیه و اوراسیانین بؤیوک بیر سیاسی، ایقتیصادی، مدنی و علمی مرکزی‌دیر. فوربس ۲۰۱۳-جویه گؤره، موسکودا دونیانین میلیاردرلری‌نین ان بؤیوک ایجماع‌لاری واردیر.

گؤرمه‌لی یئرلر[دَییشدیر]

موسکونون گؤرمه‌لی یئرلرین‌دن ان بیرینجی‌سی بوتون روسیه‌نین سمبولو ساییلان موسکو کرملی‌دیر. تاریخی منبع‌لرده ایلک دفعه ۱۱۵۶-جی ایلده آدی چکیلن کرمل شهرین مرکزین‌ده بوروویتسک تپه‌لی‌یین‌ده یئرلشیر. واسیلی بلاژنی کیلیساسی موسکونونن ان مؤحتشم قدیم معمارلیق عابیده‌لرین‌دن ساییلیر. هله ۱۶-جی عصرده سیاحت‌چی‌لری حیرته گتیرن بۇ کیلیسا روس‌لار اوچون میلی کاراکترین و وطن تاریخی‌نین سمبولونا چئوریلیب. موسکونون جنوب-غربین‌ده یئرلشن نووودویچی آدلانان خانیم صومعه‌سی ۱۶-جی-۱۷-جی عصرده یارانیب.

یونسکو طرفین‌دن دونیانین مدنی ثروت‌لری فهرستینه سالینان صومعه، روسیه‌نین ان گؤزل معمارلیق عابیده‌سی ساییلیر. شهرین مرکزی میدانی اوْلان قیزیل میدان کرملین شرق دیواری‌نین قارشی‌سین‌دا یئرلشیر. بۇ میدان یوز ایل‌لر بویو روسیه‌نین تاریخین‌ده باش وئرن ان اؤنملی حادیثه‌لره شاهیدلیک ائدیب. کریستا ایسپاسیتل معبدی ۱۸۱۲-جی ایل‌ده ناپلئون اوزرین‌ده غلبه‌نین شرفینه روس چاری ۱-جی آلکساندرین امری ایله تیکیلیب. آربات موسکونون ان مشهور کوچه‌سی‌دیر. ۱۹۹۳-جو ایل‌ده بۇ کوچه ۵۰۰ ایل‌لی‌یینی قئید ائتدی. بورادا پوشکی‌نین، لرمونتووون ائو-موزه‌لری یئرلشیر.


منبع‌لر[دَییشدیر]