نشاط اصفهانی
| نشاط اصفهانی | |
|---|---|
 | |
| آد | نشاط اصفهانی |
| دوْغوم تاریخ | 1175 آی ایلی اصفهان |
| اؤلوم تاریخ | 1244 آی ایلی |
| آیری آدلار | ميرزا عبدالوهاب موسوي اصفهاني، معتمدالدوله |
معتمدالدوله لقبی و نشاط تخلصی ایله تانینان میرزا عبدالوهاب موسوی اصفهانی (1175ق ـ 1244ق) ـ قاجار دؤنمینده و درباریندا یاشایان ادیب، خطاط، شاعیر و سیاست آدامی.
حیاتی[دَییشدیر]
نشاط، 1175 ـ جی قمری ایلینده اصفهان شهرینده <سادات> خاندانیندا دونیایا گؤز آچمیش.[۱] بیر سیرا قایناقلارا گؤره، نشاطین اولو باباسی حاجی حکیم سلمان موسوی حسینی، صفوی دؤنه‌مینده شیرازین جهرم قصبه‌سیندن اصفهانا کؤچموش و قیزیلباش سارایی‌نین <حکیم‌باشی>سی اولموش.
نشاط 1218 ـ جی ایلده 43 یاشی وارایکن تهرانا گلمیش و قاجار سارایینا چاغیریلمیش، اؤنجه منشی اولموش و سوْنرا <دیوان رسائل> سوروملوسو کیمی چالیشمیش‌دیر. معتمدالدوله بیر دؤنه فتحعلی‌شاهین ائلچیسی کیمی پاریسه گئتمیش و ناپلئونلا گؤروشموش. ایکی دؤنه ده افغانلار باش‌قالدیری‌سینی یاتیرتماق اۆچون خوراسانا گؤندریلمیش و اوغورلا گئری دؤنموش‌دور.
نشاط زنگین بیر عائله‌ده بویا باشا چاتمیش و الی‌آچیقلیق‌لا بوتون مالینی ال‌دن وئرمیش و نهایت بورجلو دوشور. اونون آغیر بورجلاری بو شریف انسانین حالینا واقف اولان قاجار خاقانی طرفیندن اؤده‌نیلیر.
نشاط بیر بؤیوک ادیب و خطاط اولاراق تورکی، عربی و فارسی دیللرینده تام اوستالیق و باجاریق‌لا شعر و منشآت یازان بیر یوکسک رتبه‌لی سیاست آدامی‌دیر. اونون بیر سیرا ملمع شعرلری‌ده وار. آنجاق اونون ایراندا حسین نخعی تحقیقی ایله چاپ اولان دیوانیندا تورکجه شعرلری گتیریلمه‌ییب‌دیر.
نشاط اوچ گون اؤلوموندن اؤنجه سایری‌لیق یاتاغیندا آلتداکی بو تورکجه رباعی‌نی فتحعلی‌شاها خطاب یازمیش :
شه یاغی‌سیدین ساغینما ساغین ساقی
ساغر دور و توت باشی جناغین ساقی
ساقیمنی بوشاتما جامدین قویما سولای
تولدوردی اجل یاغی ایاغین ساقی[۲]
سوندا نشاط 1244هـ دوشنبه گونو ذیحجه آیی‌نین بئشینده دونیایا گؤز یوموب، تورپاغا تاپشیریلیر.
اثرلری[دَییشدیر]
- گنجینه نشاط (تورکجه، عربجه، فارسجا)
- دیوان و منشآت نشاط اصفهانی (تورکجه، عربجه، فارسجا)
- رشحات
قایناقلار[دَییشدیر]
- مدرس تبریزی، میرزا محمدعلی؛ ریحانة الأدب: ج6، صص175-176؛
- مشار، خان بابا؛ مؤلفین کتب چاپی فارسی و عربی: ج4، صص31-32.