هویج حالواسی

هویج حالواسی، اوُرمیهنین سۆنّتی سوغات‌لاریندان. بوُ حالوانی پیشیرمک اۆچون، یئرکؤکونو رنده‌له‌ییب اوْجاق اۆستونه قوْیارلار. اؤزو ایله سوْیو پیشه‌ندن سوْنرا، اۆستونه دوْشاب تؤکوب و شیره یئرکؤکونون جانینا یاتیب برکیه‌نه‌جه، اوْنو قاینادارلار. اوْجاق اۆستوندن گؤتوره‌نده اوْنا جویز ایچی ده آرتیرارلار. هویج حالواسی اوُرمودا چیلله گئجه‌سینین یئمک‌لریندن دیر.