ویکی‌پدیا:مقاله‌لرین یییه‌لیگی

ویکی‌پدیا، آچیق بیلیک‌لیک‌دن

ویکی‌پدیا مضمونونون «مۆلکیّتی» حاقّیند ایکی فرقلی باخیش واردیر: مقاله‌لری حاکیمیّت آلتینا آلماق و قانونی مۆلکیّت صاحیبی اوْلماق.

ویکی‌پدیا مقاله‌لرینی حاکیمیّت آلتینا آلماق[دَییشدیر]

ایلک اوْلاراق مضمونون «حاکیمیّتی» مسأله‌سینی اله آلماق لازیم‌دیر. ویکی‌پدیادا چالیشان بعضی شخصلر بۇ پروژه‌یه ائتدیک‌لری چالیشمالاری (مقاله‌لر٬ شابلونلار٬ بؤلمه‌لر٬ فایل‌لار یا دا پوْرتاللار) حدّیندن آرتیق درجه‌ده صاحیب‌لنیرلر. بعضیلری هاردایسا هر مۆداخیله‌یه قارشی دیفاع حالتینه کئچه‌رک بۇ چالیشمالارین دییشدیریلمه‌سی‌نین قاباغینی کسرلر.

بیر مقاله‌یه قارشی علاقه حیسّ ائدیب ایزله‌دیک‌لر لیستینه آلمانیز چوْخ طبیعی‌دیر. اؤزونوزو یا بۇ مؤضوعون «گئرچک بیر ایش‌بیلنی» اوْلاراق محدودلاشدیریرسینیز یا دا بۇ مؤضوعا دوْغوردان چوْخ اهمیت وئریرسینیز. آنجاق بۇ دیقّتلی ایزله‌مه مؤضوعو بللی بیر حدّی آشارسا آرتیق ایفراطا قاچمیشسینیز دئمک‌دیر.

ویکی‌پدیادا بیر چالیشما ائتدیکدن سوْنرا دۆنیا اۆزَرینده هانسیسا بیر شخصین «سیزین» یازینیزی دۆزنله‌مه‌سینی دایاندیرانمازسینیز. هر دییشدیر صفحه‌سینده آچیقجا بلیردیلدیگی کیمی:

یازی‌لارینیزی باشقالار الیله دییشدیریلیب یاییم‌لانماغینی ایسته‌میرسینیز، اوْنلاری گؤندرمه‌یین.

اؤزونوزو باشقا ایشلدنلره٬ سیلمه‌لر٬ گئری آلمالار کیمی مؤضوعلار اۆزرینده ساواشارکن تاپدیغینیزدا بلکی ده دییشدیرمه ایشینه بیر مۆدّت آرا وئرمک ایسته‌یه بیلیرسینیز. بۇ غریب بحثدن بیر مۆدّت آیریلماق حادیثه‌لری اوْلدوقجا سوْیودوب بیر ایکی هفته سوْنرا داها یئنی بیر باخیشلا مسأله‌یه باخا بیلمه‌نیزی ساغلایاجاقدیر.

یا دا اگر بیری‌سی بیر صفحه‌نین «مۆلکیّتینی» اله گئچیردییسه٬ بۇ مؤضوعو عئینی صفحه‌نین دانیشیق بؤلومونده یازا بیلر٬ باشقا ایشلدنلرین کؤمگینی ایسته‌یه بیلر و حتّی ایختیلافلارین حل اوْلونماسی یوْلونا گئده بیلرسینیز.

هانسیسا بیر مقاله‌نین «مۆلکیّتینه» صاحیب اوْلماق اینسانلارین ویکی‌پدیادا دۆشدوکلری عۆمۇمی بیر یانلیش آنلامادیر.

هر نه قدر بیری‌نین مقاله اۆزرینده چالیشماسی اوْنا مقاله‌نین «مۆلکیّتینی» وئرمه‌سه ده٬ بیرلیکده چالیشدیغینیز ایشلدنلرین ائتدیک‎لرینه سایغی گؤسترمک اهمیّتلی‌دیر. مضمونو گئنیش سطحده دییشدیرمک ایسته‌دیگینیزده٬ اؤزللیک‌له ده بۇ مقاله‌نین چوْخونلوغونو تک بیر ایشلدن یازمیشسا٬ بۇ شخصین ضیدّینه دئییل ده بۇ شخصله بیرلیکده چالیشماق داها دا یاخشی بیر شکیله گئتمه‌سینی ساغلایا بیلر.

یعنی مقاله‌لری «صاحیب‌لنمکدن‌سه» مقاله‌لره «صاحیب چیخمانی» ایمتیحان ائتمک داها مۆناسیب بیر چالیشما اوْرتامیندا ویکی‌پدیانین قاباقلاماسینا فایدا وئره‌جکدیر.

هابئله باخینیز: ویکی‌پدیا:نزاکت٬ ویکی‌پدیا:ادب٬ ویکی‌پدیا:خوش نیتلی اوْلون.

یوْل گؤستریشی[دَییشدیر]

صاحیبی اوْلمادیغینیزین آلتینا ایمضا آتمایین[دَییشدیر]

هئچ‌بیر مقاله‌نین هئچ‌بیر بؤلومونون بیر صاحیبی اوْلمادیغی اۆچون اگر یئنی بیر مقاله یارادیب یا دا وار اوْلان مقاله‌لرده دییشدیرمه‌لر ائدرسه‌نیز بۇنو ایمضالامامالی‌سینیز. چۆنکو بۇ ایمضالا اوْخوجولارین دیقّتینی داغیلتماقدان باشقا هم «دییشدیرمه ساواشلارینی» آرتیراجاق هم ده بؤیوک بیر احتیماللا باشقا ایشلدنلرین «سیزین» چالیشمانیزا قاتیلمالارینا مۆشکول یاراداجاقدیر. هر مقاله‌ده‌کی «گئچمیش» صفحه‌سینده٬ اوْ مقاله‌ده چالیشان هرکسین تام اوْلاراق نه ائتدیگی ده گؤروله بیلمکده‌دیر.

آیری طرفدن٬ «دانیشیق» صفحه‌سی کیمی اوْلان آرخا صفحه‌لره آرتیردیغینیز باخیشلارین٬ سوْرغولارین و یا رأی‌لرین سوْنونا --~~~~ ایله ایمضانیزی آتاراق یازیلانلاری صاحیبلنمه‌نیز ده ایستنن بیر وضعیتدیر. ان آزیندان وار اوْلان صفحه‌لرده باشقا ایشلدنلرین ائتدیک‌لرینه باخاراق ایمضانیزی هارا قوْیوب قوْیمایاجاغینیز حاقّیندا بیر فیکیر صاحیبی اوْلا بیلرسینیز.