ویکی‌پدیا:گئچرلی قایناقلار

ویکی‌پدیا، آچیق بیلیک‌لیک‌دن
پرش به ناوبری پرش به جستجو

ویکیپئدیادا مقاله‌لر اعتیبارلی، نفوذلو و دوزلويونه شوبهه اولمايان منبع‌لره ایستیناد ائتمه‌لیدیر. بونلار اوچونجو طرف (طرفسیز) منبع‌لر اولارسا داها ياخشی اولار.

ایستیفاده‌چی ویکیپئدیيايا هر-هانسی اهمیتلی اینفورماسیيا داخیل ائتمک ایسته‌يیرسه، همین اینفورماسیيايا ایستینادین اولماسی و يا اعتیبارلی منبع‌نین گؤستریلمه‌سی واجیبدیر. عکس تقدیرده موعيين مدتدن سونرا همین معلوماتین مقاله‌دن سیلینمه‌سی احتیمالی يوکسک اولور. متنه ایستینادلارین علاوه‌‌ ائدیلمه‌سی ایلک نؤوبه‌ده همین متنی مقاله‌يه داخیل ائتمیش ایستیفاده‌چی‌نین اوزرینه دوشور، مقاله‌ده منبع‌لری قصداً ساختالاشدیران ایستیفاده‌چی‌نین حرکتی واندالیزم حساب اولونور. مقاله‌ده اعتیبارلی منبع‌لرین سايی نه قدر چوخ اولسا مقاله بیر او قدر دوزگون حساب ائدیلیر.

اعتیبارلی منبع‌لر دئدیکده نه باشا دوشولور[دَییشدیر]

مقاله‌ده ائدیلمیش بیر ادعانی مۆدافیعه ائتمک اوچون. بو شکیلده ایستیفاده ائدیلن قایناق‌لار، مۆدافیعه ائتدیک‌لری نقطه‌یه بیرباشا اولا‌راق آتیفده اول/تاپیلما‌لی‌دیر.

  • آکادئمیک ژورناللار و سایر آکادئمیک منبع‌لر؛
  • ایمضالانمامیش مقاله‌لره موناسیبتده ایمضالانمیش مقاله‌لر؛
  • معتبر اینفورماسیيا آگئنتلیکلری، معتبر قزئتلر و رسمی دؤولت سايتلاری؛
  • علمی درجه‌‌ يالنیز وئریلدیگی ساحه‌‌ اوچون معتبر اولا بیلر (بو دا هر زامان يوخ).
  • بئين الخالق عالمده تانینمیش و يا دؤولت اونیوئرسیتئتلرینده درس دئمیش و علمی درجه‌‌سی اولان مؤلفلرین رسمی سايتلاردا و نشرلرده اؤز ایختیساسلاری اوزوره يازیقلاری اعتیبارلی منبع‌ حساب ائدیله بیلر.

قئيد: منبع‌نین اعتیبارلیلیغی شوبهه دوغورورسا و يا ایستیفاده‌چیلر آراسیندا موباهیسه‌يه سبب اولارسا آربیتراژ کومیته‌سینه عریضه ایله مراجعت ائدیلمه‌لیدیر. آربیتراژ کومیته‌سی گؤستریلن منبع‌نین اعتیبارلیلیغی باره‌ده قرار وئردیکدن سونرا همین منبع‌ خصوصی سیياهیيا داخیل ائدیله‌رک مقاله‌لرده سربست ایستیفاده ائدیله بیلر.

اعتبارسیز منبع‌لر هانسیلاردیر

ائکسترئمیست، میللتچی منبع‌لردن ایستیفاده‌يه موسبت ياناشیلمیر. بو جور منبع‌لره پسئودوئلم، تفتیشچی تاریخ، شووینیست نظریه‌‌لر و اوخشارلار داخیلدیر:

  • شخصی بلوقلار؛
  • فوروم-سايتلار؛
  • شخصی سايتلار؛
  • موختلیف میللتچی پارتیيالارا مخصوص سايتلار؛
  • دینین قئيری-لئقال تبلیغینی آپاران سايتلار.

هر-هانسی منبع‌نین اعتیبارلی اولماسی حاقدا يازیلانلارا کورتبیی اینانماق اولماز. منبع‌ده وئریلمیش مؤلفین علمی درجه‌‌سی وارسا، بو او دئمک دئيیل کی، اونون يازدیقلاری بوتون ساحه‌‌لرده اعتیبارلی سايیلیر. يالنیز وئریلمیش ساحه‌‌ده تانینمیش ائکسپئرتین يازدیقلاری اعتیبارلی منبع‌ سايیلا بیلر.

منبع‌ نه زامان طلب اولونمور[دَییشدیر]

1. هامیيا معلوم اولان فاکتلار باره‌ده منبع‌ طلب ائتمک دوزگون دئيیل. مثلا، "باکی آذربایجانین پايتاختیدیر..." و بونا بنزر معلوماتلار اوچون منبع‌ طلب اولونمور. 2. مقاله‌نین اؤزونده هر هانسی منبع‌ گؤستریلیرسه، سوندا مقاله‌يه منبع‌ طلب ائتمک دوزگون دئيیل. مثلا، اینجه‌سنت نومومه‌لری (شکیللر، هئیکللر و س.)، فیلملر و کیتابلار، کومپيوتئر اويونلاری و دیگر پروقراملار حاقیندا مقاله‌لره منبع‌ طلب اولونمور. بئله کی، مقاله‌نین اؤزونده بو اینفورماسیيا وئریلمه‌لیدیر. لاکین همین مقالله‌ده هر-هانسی فاکت گؤستریلیرسه، همین فاکتلا علاقه دار منبع‌ طلب اولونمالیدیر.

هر-هانسی معتبر منبع‌ گؤستریلمه‌دن وئریلن ادعا شوبهه دوغورارسا، همین متنی مقاله‌يه داخیل ائتمیش ایستیفاده‌چی معتبر منبع‌ گؤسترمه‌يه بورجلودور، اعتیبارلی منبع‌ گؤستریلمه‌دیکده ادعا مقاله‌دن سیلینه بیلر.

توصیه‌‌لر[دَییشدیر]

  • شخصلر و يا تشکیلاتلا باغلی مقاله‌لرده اونلارین اؤزلری‌نین نشر ائتدیکلری منبع‌لردن احتیاطلا ایستیفاده ائدیلمه‌لیدیر.
  • اگر مقاله‌دکی بیر-بیرینی تکزیب ائدن معلوماتلارین هر بیری اعتیبارلی منبع‌لره ایستیناد ائدیرسه، او زامان هر بیر معلوماتین اولینده "فیلان منبع‌ده بئله ادعا ائدیلیر کی..." و يا "فیلانکه‌سین فیکرینه گؤره..." ایفاده‌لرین ایشلنمه‌سی داها دوزگوندور.
  • منبع‌نین اعتیبارلیلیغی موباهیسه دوغورورسا منبع‌لرین قیيمتلندیریلمه‌سی صحیفه‌‌سینده موزاکیره اولونمالی و يا آربیتراژ کومیته‌سینه مراجعت ائده‌رک منبع‌نین اعتیبارلی حساب اولوب-اولماماسینی دقیقلشدیرمک لازیمدیر.

منبع‌نین سیلینمه‌سی[دَییشدیر]

اعتیبارلی منبع مقاله‌دن اساس‌سیز اولا‌راق سیلینرسه و سیلینرکن هئچ بیر سبب گؤستریلمزسه، بو فعالیت واندالیزم حساب ائدیلیر. بو زامان ایستیفادچییه خبردارلیق ائدیلمه‌لی و ایستیفادچی اعتیبارلی منبنی نه اوچون سیلدیگینی موطلق ایضاح ائتمه‌لی‌دیر. اعتیبارلی‌لیغی شوبهه دوغوران منبع اعتیبارلی منبع‌لر ایله تکزیب ائدیلیرسه بو منبع ائرتیبارسیز حساب اولونا‌راق مقاله‌دن سیلینه بیلر. دینی و ایرقی آیریسئچکی‌لییه، میللت‌لر آراسیندا اداوتین یارانماسینا و قیزیشدیریلماسینا خیدمت ائدن ایستنیلن یازی منبع ایله بیرلیکده مقاله‌دن سیلینمه‌لی‌دیر. شخص حاقیندا یازیلان‌لار همین شخصین تحقیر اولونماسینا و آلچالدیلماسینا یؤنلیبسه، او زامان همین معلومات‌لارین و منبع‌نین مقاله‌دن سیلینمه‌سینه ایجازه وئریلیر.

مؤلفین یازدیق‌لاری نه زامان اعتیبارلی حساب ائدیلیر[دَییشدیر]

هر-هانسی مؤلفین یازی‌لارینی اعتیبارلی منبع کیمی ایستیفاده ائتمک اوچون آشاغی‌داکی شرط‌لر اؤدنمه‌لی‌دیر: مؤلفین وئریلمیش مؤوضو عذره یازی‌لاری اعتیبارلی ژورنال‌لاردا چاپ اولونما‌لی‌دیر؛ تانینمیش عالیم و متخصص‌لرین مؤلف حاقیندا فیکیرلری اؤیرنیلمه‌لی‌دیر؛ دیگر اعتیبارلی مؤلف‌لر آراش‌دیریلان منبع‌یه و مؤلفه ایستیناد ائتمه‌لی‌دیرلر؛ مؤلفین وئریلن مؤوضو ایله علاقه‌دار علمی درجه‌سی اولما‌لی‌دیر.