پاپاق قاپدی(اویون)
پاپاق‌قاپدی - آذربایجاندا ان چوخ یازقاباغی (بایرام‌قاباغی) گونلرده اساساً اوشاق و گنجلر آراسیندا، گئنیش شکیلده اوینانیلان قدیم اویونلاریندان بیریدیر.
عومومی معلومات
[دَییشدیر]پاپاق‌قاپدی ایلاخیر چرشنبه و نوروز گونلرینده اوشاقلارین و یئنی‌یئتمه‌لرین اوینادیقلاری اویونلاردان بیریدیر.
اویونون قایدالاری
[دَییشدیر]اویونچولارین هامیسی‌نین باشیندا پاپاق اولماقلا چکیلمیش دایره‌‌نین ایچریسینده دایره‌وی شکیلده اوتورورلار. پوشکله سئچیلمیش باشچی الینده چوبوق دایره‌‌نین اورتاسیندا دایانیر. او، پاپاقسیز اولور. باشچی چوبوغو یئره ووروب اویونچولاری قورخودور. اونلار ال چالا-چالا:
تاغی-تاغی تاغباتاغ باشیندا یوخدو پاپاق.
سؤزلرینی بئش دفعه تکرار دئییرلر. بو واخت باشچی اویونچولاردان بیری‌نین پاپاغینی قاپیب اؤز باشینا قویور. پاپاغی گؤتورلموش اویونچو دا ساغ طرفینده اوتوران یولداشی‌نین پاپاغینی قاپیب اؤز باشینا قویور. بئله-بئله پاپاق‌قاپما دؤوره سونا چاتانا قدر داوام ائدیر. اویون بو یوللا دؤرد-بئش دفعه تکرار اولونور. پاپاقسیز قالان اویونچو باشچینی عوض ائله‌ییر. ایندی او، دایره‌‌نین ایچینده هرله‌نیب اویونچولاردان کیمینسه پاپاغینی قاپماغا چالیشیر. اویونچولاردان یئنه:
تاغی-تاغی تاغباتاغ باشیندا یوخدو پاپاق.
دئییب اونو اله سالیرلار. بو سؤزلر پاپاقسیزین پاپاق قاپماسینا قدر تکرار اولونور. اویون بئلجه داوام ائدیر. اویونچولارین دگیرمان داشی‌نین هرلنمه‌سی ایستیقامتینده پاپاق قاپیب اویونو داوام ائتدیکلری اۆچون بعضی یئرلرده بو اویونا "دگیرمان اویونو" آدی دا وئریلیب.
