تبریز ، آذربایجانین ان بویوک شهری، و ایرانین بؤیوک شهرلریندن بیری و شرقی آذربایجان اوستانینین باشکندی دیر. بۇ شهرین نوفوسو، ۲۰۰۶-اينجی ایلين نوفوس سایی‌سی اساسيندا ۱٬۵۵۸٬۶۹۳ نفر ايميش و بونا اساسا آذربایجانین ان بؤیوک شهری و ایرانین دؤردونجو ان بؤیوک شهری حساب اولور. بۇ شهرده چوخلو کارخانالار یئرلشیبدیر و ایرانین ان بؤیوک صنعتی شهرلریندن بیری ساییلیر. بۇ شهر قوزئیدن عئینالی داغینا، گونئیدن سهند داغینا و باتیدان تربیز چؤلونه محدود دور. تبریز شهری نئچه بؤیوک سولاله‌نین او جومله‌دن ائلخانیلر و صفوی‌لرین باشکندی و هابئله قاجارلارین ولیعهد اوتورموش شهری‌دیر.
تبریز شهری آذربایجانین قدیم شهرلریندن بیریدیر و اونون قیدمتی ۴٬۵۰۰ ایل بوندان قاباغا یئتیشیر.
شاردئن، ۷ینجی یوز ایلده تبریز حاققیندا یازیر کی: عالمده من بیر شهر تانیمیرام کی یارانماسی و ایلک آدی باره‌ده یئنی یازیچیلار بۇ قدر چوخ، بحث و جدل ائله‌ییبلر.
چوخلو اوروپالی توریست‌لر کی ۱۷ینجی و حتتی ۱۸ینجی و ۱۹ونجو یوزایللیک‌لرده تبریزدن گئچیب‌لر، تبریزی همان قدیم ایکباتان سانیب‌لار. تاورانی‌ییه کی شاردئنده‌ن قاباق تبریزده‌ن گؤروش ائله‌ییب، یازیر کی: بعضی‌لرین عقیده‌سی بودور کی تبریز همان قدیم ایکباتان ، ماد مملکتینین پایتختی‌دیر.
اولئآری‌یوس کی ۱۷ینجی یورایللیگین ایلک یاریسیندا تبریز دن گئچیب، قدیم ایران شاهلارینین پایتخت‌لریندن سوز ائده‌ن زامان، ایظهار-ی نظر ائله‌يیر کی: اونلار یایدا ایکباتانا – کی ایندیجه اورانی تبریز آدلاندیریرلار – داشیناردیلار.
لابولای لو ْگوزدا کی ۱۷ینجی یوزایللیگین آرالاریندا موددت‌لرجه ایران‌دا یاشاییب، بۇ اینامدا ایدی کی: تبریز اسکی ده اؤکباتان آدلانیردی، او یئر کی ماد شاهلارینین کیتاب ائوی ایدی. گاسپار دئ ويل کی ۱۹ونجو یوزایللیگین ایلک ایل‌لرینده تبریز ده ایدی، تردیدله یازیر کی: تبریز کی تصووور ائله‌ییرلر قدیم ایکباتاندی – باخمایاراق کی بعضی تاریخ‌چی‌لر همدانی ایکباتان بیلیرلر و نهایت بیزیم روزیگاردا سئیید ایسماییل وکیلی‌دیر کی اخی سعدالدین تپه‌سینی کی ولیان(بیلان) داغی‌دا آدلانیر و تبریزین قوزئی‌دوغوسوندا بیر تپه‌دیر، ایکباتان شهری‌نین یئری سانیر.
ارگ قالاسی یوخسا تبریز ارگی و یا علیشاه ارگی — تبریزین تاریخی بینالاریندان بیریدیر.
ارگ‌قالاسی‌نین ایلک بیناسی ۷۱۸-۷۳۸ هجری قمری (۱۳۱۸ میلادی) ایلده، ائلخانیلر زامانیندا وزیر علیشاه طرفیندن تبریز شهرینده قویولموشدور. بو اثر ۱۵ دی ۱۳۱۰ تاریخینده ۱۷۰ نومره‌سی‌له ایرانین میلّی اثرلرینده ثبته یئتیشیب.تاج‌الدین علیشاه طرفیندن یاپتیریلان بو بینانین انی ۳۰ متر و یۆکسکلیغی ۲۶ متر و دیوارلاری‌نین انی ۱۰ متره دیر.
سید محمدحسین بهجت تبریزی (شهریار) (۱۲۸۵ - ۱۳۶۷), ایرانین آدلیم شاعیری، آذربایجان تورکجه‌سینده و فارس دیلینده بویوک اثرلر یارادیب. شهریار ۱۲۸۵ اینجی ایلده بوستان آوانین خشگناب(خوشگه نوو) کندینده آنادان اولدو و ۱۳۶۷ گونش ایلینده اؤلدو و اؤز وصیتینه گؤره تبریزینمقبرةالشعرا مزارلیقیندا قویلاندی. اونون اؤلوم گونو (شهریور آیی‌نین ۲۷-سی) ایران‌دا میللی شعر و ادب گونو آدلانیب.
تیراختور آذربایجان ایدمان کولوبو یا دا تیراختور آذربایجان فوتبال کولوبو و یا تیراختور فوتبال کولوبو ساده‌جه تیراختور تاخیمی، تیراختور و یا تیرختور، تبریز شهریندن، ایرانین سوپر لیگینده ایشتیراک ائدن بیر فوتبال تاخیمی‌دیر. بۇ تاخیم ۱۹۷۰-جی میلادی ایلینده و ۱۳۴۹-جو گونشلی ایلینده قورولموش‌دور. تاخیمین ایلک مالیکی ۱۳۴۹-جی ایلدن، ۱۳۸۸-جی ایله قدر ایران تیراختورقاییرما شیرکتیایدی. ۱۳۸۸-جی ایلدن، ۱۳۹۷-جی ایله قدر سیپاهین مالیکیتینده ایمیش و نهایتا ۱۳۹۷-جی ایلدن محمدرضا زونوزی مطلق بو تاخیمین مالیکیتین آلدی.
تراختور تاخیمی ۱۳۸۰–۸۱ ایللره‌جن ایرانین سوپر لیگینده توپ اوْیناییردی، آنجاق او ایلدن، آشاغا دسته‌یه دوشوب و ۷ ایل گؤزلمکدن سوْنرا ۱۳۸۸-جی ایلینده یئنیدن ایرانین سوپرلیگینه قاییتدی.
تراختور ۱۳۹۰–۹۱-جی ایلینده لیگده ایکینجی تاخیم (نائیب قهرمان) چیخاراق آسیا قهرمانلار لیگی‌نه یول تاپدی.
_(14839065858).jpg)
.jpg)
