چانتا
چانتا بؤیوک اولمایان اشیا‌لارین داشینماسی اوچون نظرده توتولموش، دری و یا پارچادان حاضیرلانان اکسسوار. بعضي حيوانلارين بالالارینی داشینماسی اۆچون قارین حیسه‌لرینده‌کی دری یۇوالار دا چانتا آدلانیر. داشیاجاقلاری اشیالاردان آسیلی اوْلاراق چانتالار مۆختلیف گؤرونوشلرده و نؤولرده اوْلورلار.
چانتانین فوْرماسی، ماده‌سی و باشقا اؤزللیک‌لری اوْنون ایشلتیم آماجینا و ایشلتیم آلانینا باغلی‌دیر. بونا گؤره ده چانتانین بعضی نؤوْلری دائم دییشیر: بعضی‌لر قدیم تاریخه قوْوۇشور، باشقالار موزه اشیالاری‌نین آراسیندا یئر آلیر، بعضی نؤولری عمومیت‌له اۇنودولور و حتی آدلاری دا دیلده ایشلنمز. چانتانین آنلامینا یاخین اوْلان سؤزجوک‌لر بۇنلاردیر: توْربا، کیسه، خورجون،سَبَت، جیب، زنبیل. عینی زاماندا تکنولوژی‌لرین انکشافی ایله و یئنی فعالیت آلان‌لارین یارانماسی یئنی-یئنی چانتا نؤولری اوْرتایا چیخماسینا نه‌دن اوْلور. بۇنونلا دا دیلیمیزه عادتا باشقا دیللردن خاریجی کؤکلو آدلار گیریر: سۇمکا، پوْرتفل،دیپلومات، کِیس، پوْرتمانات، چامادان، کلاچ و... ایندیکی دؤورده چانتالار هربیر یاش اینسانلارین مۆختلیف دۇروملاردا لازیم اوْلور: اوْخوللاردا> اوْخوللو چانتاسی، ایش آدامینا> کِیس، گزیجی‌یه> چامادان، ایدمانچی‌یا> ایدمان چانتاسی و قادینا> قادین چانتاسی.
