کامیونچولارین ایش بوراخیمی
کامیونچولارین ایش بوراخیمی-ایراندا ۱۳۹۷-جی گۆنش ایلین خورداد آیی‌نین بیرینجی گۆنوندن باشلاندی. بو حرکتین ۲۵ اوستانین ۱۶۰ شهرینده داوامی ایله بنزین و گازویلین شهرلر آراسیندا داغیتیلماسی چتینلیگه دوشدو.
کامیونچولار کامیونلاری‌نین اؤنونده اوتوموبیل یدک وسایلینین باها اولماسینا هابئله کیرایه‌لرین ثابیت قالماسینا گؤره شۇعار یازدیلار. خوردادین ۷-جی گۆنونده تهرانین یۆک ترمینالی دا بو حرکته قوْشولدو.
ایکینجی دؤورو
کامیونچولارین ایکینجی عومومی ایش بوراخیمی مهر آیی‌نین بیرینجی گۆنوندن باشلانیب گلیشدیکجه ده ۳۰ اوستان و ۲۳۶ شهر بو حرکته قوْشولدولار. بیر هفته بو حرکتدن سونرا محصوللارین چتین تاپیلماسینا گؤره بازار دا بامادور، یئرآلما و بئله محصول‌لار باهالاندی.
مهر آیی‌نین ۵-جی گۆنونده حوکومت طرفیندن کامیونچولارا قیسا مساژ (اس.ام.اس) گؤندریلیب اونلاری تهدید ائتدیلر. کامیونچولارین ایکینجی عومومی ایش بوراخیمیندا ۷۰ نفردن چوْخ کامیونچونو تۇتوب محبوس ائتدیلر. آذربایجانین چوْخ شهرلری، میثال اۆچون زنگان، همدان، اورمیه و تبریز ده بو حرکته قوْشولدو.