کوتان (اؤلچو بیریمی)

ویکی‌پدیا، آچیق بیلیک‌لیک‌دن
پرش به ناوبری پرش به جستجو

کوتان — قدیم ساحه اؤلچو بیریمی.

عومومی معلومات[دَییشدیر]

کوتان آذربایجاندا شوم آلتیندن باشقا تورپاق اؤلچوسو بیریمی معناسیندا دا ایشله‌دیلیر. بئله کی، قوبالی شئیخ علی خا‌نین 1806-جی ایله عایید فرما‌نیندا بیر کوتان یئرین (تورپاغین) آدی چکیلیر. گنجه قزاسی دؤولت کندلیلری‌نین ایقتیصادی معیشتی‌نین تدقیقاتچیسی ن.آبئلووا گؤره، بورادا تورپاق اؤلچوسو کیمی کوتا‌نین بیر گونده شوملادیغی ساحه باشا دوشولوردو کی، خالق آراسیندا گونلوک آدلاندیریلان بو ساحه0،5 دئسیاتینه برابر ایدی. باشقا سؤزله، بیرگونلوک ساحه ائله بیر کوتان دئمک ایدی.

کوتانا اؤلچو بیریمی کیمی دیگر تورک خالقلاریندا دا راست گلینیر. اورتا عصرلرده تورکیه‌ده "کوتان" ایصطیلاحی ایکی معنادا ایشله‌دیلیردی. بیرینجی معنادا - قوشقو حئیوانی قوشولموش آلت، ایکینجی معنادا ایسه همین آلتله بیر گونده شوملانمیش تورپاق ساحه‌سی.

آذربایجان خالقی‌نین چکی و دیگر اؤلچو بیریملری‌نین اؤیره‌نیلمه‌سی گؤستریر کی، اونلار قدیم تاریخه مالیک اولوب، هم ده خالقین کؤچری، مالدار، گلمه اولدوغو حاقدا ایدیعالاری تکذیب ائدیر. چونکی اونلارین بؤیوک اکثریتی اکینچیلیک محصوللاری‌نین اؤلچوسونو گؤستریر.

قایناق[دَییشدیر]

آذربایجان ائتنوقرافیاسی، باکی-2007، "شرق-غرب" نشریاتی. اوچ جیلدده. 3. جیلد. ص. 464. ایسبن 978-9952-34-152-2