گابریل گارسیا مارکز

ویکی‌پدیا، آچیق بیلیک‌لیک‌دن




گابریل گارسیا مارکز
Gabriel Garcia Marquez.jpg
آیری آدلار گابیتو
قیسا بیلگی نوبل اؤدواونو قازانمیش یازیچی، ۱۹۸۲
میللیت کلمبیا
دوْغوم تاریخ ۶ مارس ۱۹۲۷-جی ایل (۱۹۲۷-۰۳-۰۶)
دوْغوم یئر کلمبیا
اؤلوم تاریخ ۱۷ آوریل ۲۰۱۴-جی ایل(۲۰۱۴-۰۴-۱۷)
اؤلوم یئر مکزیکو سیتی


گابریل خوزه گارسیا مارکئز (اسپانیولجا: Gabriel José García Márquez)‏ (دوغوم ۶ مارس ۱۹۲۷ کلمبیادا اولان سانتامارا بؤلگه‌سی‌نین آرکاتاکا کندینده) کولومبیالی یازیچی، ژورنالیست و سیاسی فعال‌دیر. مارکئز ۱۷ نیسان ۲۰۱۴ده مئکزیکوسیتی شهرینده حیاتینی غیب ائتمیش دیر. او لاتین آمریکالیلارین یانیندا گابیتو (چیککیلی گابریل) آدی‌لا تانینیر. مارکئز ۱۹۸۲ده دونیانین أن چوْخ ساتان کیتابلار آراسیندا یئر آلان «یوز ایللیک یالنیزلیق» آدلی کیتابی ایله ادبیات نوبل اؤدولونو قازانمیش دیر.

حیاتی و فعالیتلری[دَییشدیر]

گابریل خوزه گارسیا مارکِز ۶ مارس ۱۹۲۷–جی ایلده کوْلومبییانین آراکاتاکا کندینده تلگرافچی عاییله‌سینده آنادان اوْلموشدور. عاییله‌ده اوْلان ۱۶ اۇشاقدان ان بؤیوگو ایدی. مارکز بالاجا اوْلارکن والیدین‌لری باشقا شهره کؤچموش، نتیجه‌ده اوْنلار اؤز اؤولادلارینی باباسی پوْلکوْونیک نیکوْلاس ریکاردوْ مارکز مئخیا ایقوارانین یانیندا قوْیموشلار. ۱۸۹۹–۱۹۰۳-جۆ ایللرده وطنداش مۇحاریبه‌سینده ایشتیراک ائتمیش بۇ شخص آرتیق تقاعد آلیردی.

۱۹۳۶–جی ایلده ۱۸ یاشلی گنج باباسی اؤلدوکدن سوْنرا آراکاتاکا کندینی ترک ائدیر و اینتئرناتدا اوْخوماق اۆچون ساپاکیری شهرینه گئدیر. ساپاکیریده اوْلارکن اوْ، ایلک دفعه یازماغا باشلاییر. ۱۹۴۰–۱۹۴۲–جی ایللرده باررانکیادا سان خوْزه آدلانان مکتبده تحصیلینی داوام ائتدیریر. ایلک اثرینی ایسه مکتبین قزئتی اۆچون قلمه آلیر.

۱۹۴۱-جی ایلده ایلک یازیلارین دبیریستان اویرنجی‌لرینه باغلی اولان خوونتود آدلی بیر گونده‌لیکده یاییر.

۱۹۴۲-جی ایل یئنی‌دن بارانکیادا اولان سان خوزه دبیریستانینا قاییدیر و یئنه‌ده یازیلارین خوونتوددا یایماغا داوام ائدیر.

۱۹۴۳–جو ایلده تحصیلی ایل قورتاراندان سونرا، بوگوتایا گئدیر و بۇ شهرده بورسیه اولماق اوچون بیر سیناق‌دا شیرکت ائدیر. همین ایل مارس آیینین ۸ آینده باشکندین ۵۰ کیلومئترلیگینده اولان زیپاکوئیرا آدلی دولتی دبیریستانا گیریر. همین دبیریستاندا مارکز لیتراتورا آدلی درگی‌نی یایماقلا اوز ادبی قودرتین اوبیری اوخول‌داشلارینا گوستردی. بیر درگی‌دن تکجه بیر سای یاییلدی.

۱۹۴۷-جی ایلده مارکز بوگوتا بیلیم‌یوردوندا حقوق اوخوماقلا مشغول اولور. هئچ یازی یازماماغینا باخمایاراق هفته‌لیک درگی‌سی اولان رازون‌ین بیلیم یوردسل علاوه‌سینین سوروملوسو اولور.

اثرلری[دَییشدیر]

رومانلار[دَییشدیر]

  • آرزوائدیلمز ساعات (isp. La mala hora) (1959)
  • یوز ایللیک یالنیزلیق (isp. Cien años de soledad) (1967)
  • پاتریارخین پاییزی (isp. El otono del patriarca) (1975)
  • گؤزله‌نیلن بیر قتلین گئچمیشی (isp. Cronica de una muerte anunciada) (1981)
  • طاعون خسته‌لیگی زامانی سئوگی (isp. El amor en los tiempos del cólera) (1985)
  • اؤز لابیرینتینده اولان ژنرال (isp. El general en su laberinto) (1989)
  • حوزونلو فاحیشه‌لریم (isp. Memoria de mis putas tristes) (2004)

قایناقلار[دَییشدیر]